السلام عليكم حابة تنصحوني على الطمينة باه جي مليحة.انا عندها وقت وانا نديرها بصح جي معجنة مع العلم نقلي الدقيق ونذوب الزبدة في العسل وبعد نحط الدقيق.واش هو السبب شكرا اخواتي.
هاد الايم ان شاء الله ايحة نديرلك طريقتي و ان شاء الله تعجبك لالنها تصلحلي و اجيني روعة احم احم
ان شاء الله يفيدوك الاخوات
|
المشاركة الأصلية كتبت بواسطة faizarbh
 هاد الايم ان شاء الله ايحة نديرلك طريقتي و ان شاء الله تعجبك لالنها تصلحلي و اجيني روعة احم احم
|
انشاء الله اختي ماتنسينيش راني نحبها بصح...
نقولك علاش تجيك طرية خاطرش ماراكيش تديري في الزبدة مليح تديري غير شوية ومن بعد العسل كي يكون سخون وحدو يطري الدشيشة
ديري تقريبا كاس عسل و2 مغارف كبار معمرين زبدة كي يذوب الداخل تولي تبانلك طبقة نتاع الزبدة من الفوق تعوم ماشي تتخلط قع مع العسل ويولي لعسل غالبها
وحاجة ثاني لعسل اذا ماعرفتيش تخدميه مثلا ولاتخليه معمر ما ثاني يشمخ الدشيشة
امالا اشريه خير وكي تسخنيه ماتخليهش يغلي غير يسخن قيس مايذوب الزبدة نحيه
ومن بعد خلطي الدشيشة نتاعك جامي يولي طري
|
المشاركة الأصلية كتبت بواسطة nesrine_lidia
انشاء الله اختي ماتنسينيش راني نحبها بصح...
|
لالا ما ننساش اختي نشري السميد و نديرها في خاطرك
choufi khti la prochaine fois ki dawbi zabda ou laasel khalihoum chwiya ybardou bach diri dkik mmachi hakak skhouna trohi diriha rani nkoulak an tajrouba hata ana tani nmout ala tamina surtout ki nzidelha lahrour
bsahtak hanouna
مافهمتش الطمينة اللي تحكي عليها
شوفي استعملي السميد المتوسط ماشي الخشين حمصيه مليح بلا ما تحرقيه ومين تطفي عليه النار وخريه بجهة و زيدي لو شوية ملح وفلفل اسود مرحي ومن بعد خذي كاسرونة ديري فيها الزبدة تذوب بلا ما تتحرق ومين تذوب اضيفي 2ملاعق كبار ماء وخليها حتى تغلي اضيفي السميد نتاعك وحركي مليح حتى يتشرب كل السائل واخيرا اضيفي العسل مدة ثواني فقط حتى يسخن ونحي الاناء من على النار والله يوفقك
قلي الدقيق نتاعك في مقلة و من أحسن يكون خشن ولا متوسط حتى يولي لونو أحمر ذهبي
غربليه ثم ضيفيلو ملعقة كبيرة زبدة مع شوية ملح و حركي و خليه يتشربها
ثم خلطي لعسل مع مغرف كبيرة ولا زوج سخنيه و فرغيه عليها و هي باردة و حركي
هكذاك ما تجيكش خلاص معجنة