بسم الله الرحمن الرحيم
إليكم اخواني أخواتي الطريقة التقليدية في صنع الجبن
و هي طريقة اقتصادية و غير مكلفة اطلاقا
كما هي طريقة صحية جدا نظرا لمكوناتها الطازجة و المصنوعة بالبيت دون مواد حافظة
أرجو أن تجربوها و ستعجبكم النتيجة إن شاء الله
المكونات :
3 لتر حليب بقر أو الأكياس العادي يفرغ في قارورة أو دلو نظيف و يترك في مكان دافئ حتى يروب جيدا و يصبح كتلة واحدة لا تتحرك
ملعقة من البيكاربونات صغيرة
3 صفار بيض
ملعقة أو ملعقتان كبيرتان من المرغرين أو الزبدة حسب الرغبة
ملعقة صغيرة من الملح غير ممتلئة
طريقة التحضير :
نقطر الرائب بعد غليه من الماء جيدا في مجموعة من الأقمشة حتى نتحصل على المزيج الأبيض أو اللبنة أو الكليلة
نضيف اليها صفار البيض . الملح ,الدسم ,البيكربونات و نضعها فوق حمام مريم مع التحريك المستمر حتى تذوب جميع المكونات و تتداخل مع بعضها البعض و تصبح سائلة و متجانسة
نفرغها في صينية و نتركها تبرد ثم ندخلها البراد لتبرد جيدا
و عندما تبرد و تتماسك جيدا نقطعها حسب الرغبة
مثلثات أو طوليا
يعطيك الصحة
مشكووووووووورة اختي على الوصفة
يعطيك الصحة راني نستفاد معاك
شكرا لمروركن عزيزاتي نورتوووووووو موضوعي
شكرا لك عزيزتي على حسب مافهمت كي يرجع كتلة وحدة ماتحطيهش على النار وتصفيه
شكرا على مرورك اختي
لا الأول لازم تقطريه من الماء في عدة اقمشة
و المزيج الأبيض لي تتحصلي عليه هو لي توضعيه مع المكونات الاخرى فوق حمام مائي و ليس فوق النار مباشرة
حتى يصبح سائل و متجانس و ذائب
يسكب في صينية و لما يبرد يقطع
سلام اختي
طبقت طريقتك بحليب الأكياس طبقت الوصفة بالتفصيل و في الأخير اصبح الخليط سائل جدا بعد ان كان خاثر
لحد الآن لم يجمد في الثلاجة منذ 8 ساعات الا انه جمد قليلا في قاع الإيناء و من فوق بقي سائل و البنة ما عندي ما نقول لذيذ خاصة انني اضفت له 3 سنات ثوم
زينت به البيتزا و هو سائل
اين الخطأ اريد اعادة الوصفة مرة اخرى
جزاك الله كل الخير
اهلا حنونة رماضنة
الغلط لي عملتيه ممكن ما قطرتيهش مليح
لازم تعمليه في عدة أقمشة باش تمتصلك مليح الماء و يصبح تقريبا كتلة واحدة
انا نعمل ستة سبعة طبقات فوق بعض من السرافط تاع القطن باه يمتص مليح
و تاني حاجة
لازم لحليب تاعك تروبيه مليح
لازم يولي كامل كتلة واحدة و الماء تشوفي غير شوية من الأسفل
أن شاء الله ينجحلك
و حنونة نقولك هداك لي عملتيه باه ما يبقاش هكذاك
زيدي روبي شوية حليب
قطريه مليح مليح
بلاما تضيفي أي حاجة لا زبدة ولا كاربونات
خلطيه مع الخليط الأول و ديريه في حمام مائي
و ما تقويش النار باه ما يطيبش البيض
اعمليه مثل الشوكولا
لما يغلي الماء نقصي فالنار و حركي غير بالشوية حتى تتجانس المكونات
و إن شاء الله ينجحلك
و ابعثيلي شوية × _ ×
لازم يجي ناشف على اللبنة
يعطيك الصحة
شكرا على المرور
بارك الله فيك
يعطيك الصحة حنونة
والله وصفاتك رااااااااااااااائعة
ان شاء الله نقول لماما نجربوه
الله يعافيك
ان شاء الله تجربيه و حدك علاه حتان ديرو ماماك
الكسرة درتيها ماشاء الله و الفرماج خخخخخخخخخخ جاك صعيب
دايرة روحك ما تعرفي والو قدامنا خموووووووووووووس عليك يا ستوتة
|
المشاركة الأصلية كتبت بواسطة kakinova
 الله يعافيك
ان شاء الله تجربيه و حدك علاه حتان ديرو ماماك الكسرة درتيها ماشاء الله و الفرماج خخخخخخخخخخ جاك صعيب دايرة روحك ما تعرفي والو قدامنا خموووووووووووووس عليك يا ستوتة |
هههههههههه لا والله نخاف كي ندير حاجة اول مرة
بسك جربت بزاف حوايج من المنتدى ومنجحوش معايا 
وعلى بالي المشكل فيا
مي باذن الله الفرماج نديرو ونديرو وحدي هههههههه 
ان شاء الله
و ان شاء الله نعمللكم الصور باه تجيكم الطريقة اسهل
انا نحط قماش تاع درا كبير و نظيف تطبقو عدة مرات نفرشو فوق غربال نحطو فوق باسينة كبيرة و نحكمو مليح بحزام ولا لاستيك و نفرغ هكذا الماء يهبط كامل و يتقطر مليح
اذا حبيتي تستعملي طريقتي