السلام عليكم
الشخشوخة الجزائرية تختلف من منطقة إلى أخرى هناك البسكرية / القسنطسنسة…… الخ .
أنا اليوم أقدم لكم القسنطينية
فنحن في الشرق الجزائري نضع مقدار كيلو ونص من السميد المتوسط +ملح ونخلط بالماء ثم نعجن مع التقطيع نتركها ترتاح شوية ثم نعاود العجن حتى نحصل على عجينة طرية (حذاري تكون طرية راح تكون النتيجة مش حلوة يعني تطرا نوع ما من العجن مو من الماء) تعمل منها كريات صغيرة حجم حبة البرتقال نتركها ترتاح ربع ساعة ثم نحلها بالحلال مثل الرغيف ونطبخها في طاجين من حديد تطهى حتى تجف العجيبة يهني تبقى محافظة على لونها الأبيض بعدها نقوم بتفتيتها هناك من يعتمد على السكين فيقطعها على شكل أعمدة ثم عن طريق الظفر تقطع إلى أجزاء صغيرة ، لكن أنا أفضل الإعتماد على الظفر من البداية لأنه عند استعمال السكين تكون الحواف مبين انها بالسكين ( عندنا بالجزائر المراة التي تستعمل السكين في تقطيع الشخشوخة يعني مو شاطرة كثير ) المنافسة تلعب دور.
المقادير
500 غ من الشخشوخة (سبق و ذكرنا كيفية التحضير )
فخوذ و صدور دجاج من المستحسن استعمال الدجاج و ممكن استعمال اللحم
بصلة كبيرة مفرومة رقيق
فصين أو ثلاثة ثوم مفروم رقيق
200 غ حمص
150 غ زبدة بلدي
3 حبات طماطم مفرومة
ملعقة إلى 2 طماطم مصبرة
ملعقتين كبيرتين زيت
فلفل أسود
ممكن إضافة الخضار (جزر و كوسة ) و ممكن الاستغناء عنهم
ملح
نقلي اللحم و الملح في الزيت ثم نضيف البصل و الثوم نقلي قليلا ثم نضيف الطماطم المفرومة نقلي جيدا و نمرق بـلتر و نصف من الماء بعدها نضيف الحمص و الطماطم المصبرة نغطي القدر و نتركها تنضج
في الأثناء نجهز الشخشوخة ندهن الشخشوخة بقليل من الزيت ثم نضعها في الكسكاس و هو يوجد مع القدر الخاص بالكسكس نضع الكسكاس فوق القدر الذي به المرق حتى يتبخر (تفور الشخشوخة) ثم نفرغها بإناء نقوم بفسخ الشخشوخة بالملعقة الخشبية لأنها ساخنة جدا بعدها نرش الشخشوخة بلماء تقريبا نصف كوب ثم نعيدها للتبخر فوق القدر بعد ان نزيلها من فوق القدر نقوم بفسخها بإضافة القليل من الزبدة .
عندما يطهى اللحم يفضل فصل اللحم و الحمص عن المرق في مصفاة ، نضع الشخشوخة فوق المرق بحيث يكون مستوى المرق أعلى من الشخشوخة بحوالي 2 سم نتركها فوق نار هادئة حتى تتشرب الشخشوخة المرق مع إظافة فلفل أخضر حار نطفي النار و نغطي القدر بعد وضع قليل من الزبدة في وسط الشخشوخة بإنتظار تقديمها في صحن مقعر قليلا تزين بالحمص و اللحم و البيض المسلوق و قليل من الزبدة البلدي في الوسط .
اترككم مع هذه الصورة الشهية .
للعلم فقط الشخشوخة الآن أصبحت تباع في كل المحلات و الأسواق و ما عليكم الا اقتنائها بدون الحاجة لتحضيرها و التي تودت تعلم تحضيرها يكون أفضل مناه مكانش كيما حاجة تخدمها بيدك
يعطيك الصحة اختي على الشرح نفس طريقتي انا من الشرق
يعطيك الصحة
نموت عليها بصح كل ما نديرها ما جينيش كما تاعكم
بلا مزية لبنات
جيجلية كثريلها الايدام وطماطم و حرور هادو دواها
بلا مزية لبنات
جيجلية كثريلها الايدام وطماطم و حرور هادو دواها
امممممممم ويكتا نذوقها من يديك ربي
يخليك لينا شكرا على الوصفة
نهار عرسي دوقيها ههههه نشاء الله
يعطيك الصحة وماكانش خير من خدمة يديك