الشاعر: حمود بن عبدالله العضيدان العازمي
حمود بن عبدالله العضيدان الصابري العازمي من فخذ الصوابر من ذوي غياض من قبيلة العوازم أولاد عطا الكريمة .
من مواليد محافظة الغاط عام 1373هـ درس المرحلة الابتدائية في المدرسة السعودية بالغاط تخرج من المرحلة الابتدائية عام 1386 ــــ 1387 هـ .
اكمل دراسته في المعهد العلمي حتى المرحلة المتوسطة التحق بالعمل الحكومي عام 1394هـ وكان قد عمل في بلدية محافظة الغاط امينا للمجلس البلدي لبلدية محافظة الغاط في دورته الاولى ، وقد تقاعد من البلدية عام 1445هـ ، ولديه العديد من شهادات التقدير والشكر لمشاركاته في العديد من المناسبات التي تقام على مستوى محافظة الغاط
هذه القصيدة قالها حمود بن عبدالله العضيدان العازمي بمناسبة زيارة صاحب السمو الملكي الأمير نايف بن عبدالعزيز وزير الداخلية رحمه الله لمحافظة الغاط ورعايته جائزة معالي الأمير خالد بن احمد السديري رحمه الله للتفوق العلمي وذلك يوم الخميس 1421ه .
بديـت بسـم الله عـلام الأسـرار
…………الواحد المعبـود منشـي المخيلـه
منجي سفينة نوح من غب الأبحـار
……………الواحـد اللـي كلـنـا نلتجيـلـه
ومن بعد ذكر الله بدينـا بالأشعـار
……….اكتب جزيل القـول وأتـرك هزيلـه
أبداها الترحيب واكتـب بالأسطـار
……….عمـا يجـول بخاطـري واعتنيلـه
يا مرحبا في راعي العـز والكـار
……….نايف له الترحيـب وأذكـر جميلـه
مواقفـه بانـت مـرار وتـكـرار
………تزهى له البيضـاء ومثلـه تجيلـه
راعي الوفا منه الوفا ذخر الأحـرار
……….شيـخ ولـد شيـخ يقـود الدبيلـه
عبدالعزيز اللي له أفعـول وأذكـار
……..صقر الجزيرة لـه أفعـول جليلـه
يمشي على وضح النقا داس الأخطار
…….ساد الجزيرة بالسيـوف الصقيلـه
يشهد له التاريخ في كـل الاقطـار
………..وحـد قبايلهـا وصـارت قبيـلـه
عقبه سعود اللي على منهجه سـار
………..ما اخلف طريق العود سار بسبيلـه
وفيصل وسيع العرف وبعيد الأنظار
…………..كـل الصفـات الطيبـه تستويلـه
وخالد كما غيث على الدار مـدرار
…………يفـك مضيـوم نصـاه ويجيـلـه
يالله يا منزل من المـزن الأمطـار
………….انـك تسكنهـم جـنـان ظليـلـه
وحكم الفهد نعم الفهد واف الأشبـار
……………منه الكرم والجـود راع الفضيلـه
قايد لجيش المملكة حامـي الـدار
…………….شعبه تهنـى طـول يومـه وليلـه
لا صار في جو السماء هيج وغبار
…………..يرسي كما ترسي الجبـال الطويلـه
الله يفكه مـن صواديـف الأقـدار
………….هـو خـادم البيتيـن قلبـه دليلـه
ولي عهده عند روغـات الأبصـار
……….ريس حرس سـم القلـوب العليلـه
وسلطان أبو خالد الى صار ما صار
………….النائـب الثانـي افعولـه جزيـلـه
آل السعود اخوان نوره ذرى الجـار
……….أهل الكرم ذخـر الجـدود الأصيلـه
والغاط منبـاع الوفـا دار الأخبـار
………….دار السـداري كاسبيـن النفيـلـه
اللي لهم في صفحة المجـد تذكـار
…………..خشم العراني مـن سنيـن طويلـه
عم الفرح سكانهـا كبـار وصغـار
…………..بقـدوم شيـال الحمـول الثقيـلـه
يا مرحبا في راعي العـز والكـار
………..نايف له الترحيـب واذكـر جميلـه
واللي حضر للغـاط عانـى وزوار
…………يا مرحبابـه عـد وبـل المخيلـه
والخاتمه صلوا على سيـد الأبـرار
……….وتم الكلام وصامله هـو حصيلـه
هذه القصيدة قالها الشاعر حمود بن عبدالله بن حمود العضيدان العازمي بمناسبة زيارة صاحب السمو الملكي الامير : سلطان بن عبدالعزيز – رحمه الله – وذلك لافتتاح مسجد الأمير تركي بن أحمد السديري ( رحمه الله ) بمحافظة الغاط يوم الأربعاء الموافق 1445/11/17هـ :
باسم الولي رب السما عالي الشان
…………….الواحد اللـي عالـم فـي خفاهـا
نبدا بذكر اللي فرض خمس الاركان
…………عالم خفايا الكون باارض وسماهـا
ومن بعد ذكر الله تخيـرت قيفـان
…………..أبيتا مـن قلبـي لسانـي قراهـا
فيها التحيـة وافيـه دون نقصـان
………..من شاعرٍ مخلص ضميـره بداهـا
الغاط زان اليـوم بقـدوم سلطـان
……………زيارتـه للغـاط كلّـن رجـاهـا
فرحوبه أهل الغاط سيـبٍ وشبـان
…………دار السدارا عـز منهـو نصاهـا
دارٍ لها بطويـق رسـم ٍ وعنـوان
………….رمـزٍ قديـم مجـدوه أشعـراهـا
أهلا هلا به عد مامـور الامـزان
……….بأمر الولي هلـت وسقـت ثراهـا
ثم انبتت عقبه فيـاض وريضـان
………..عشب غطى كل الفياض وكساهـا
ترحيبة الغالي على شوف شفقـان
…………….له فرحـة بالقلـب بيّـن غلاهـا
وانا احمد اللي سرنا عقب الاحزان
……………صحتك يا سلطـان ربـي شفاهـا
واليوم من فضل الولي رب الاحسان
………….حالك شفـاه الله بفضلـه رعاهـا
وزير جيشٍ عند روغات الاذهـان
………….يحما حدود المملكة عـن عداهـا
يالله تديم الامن فـي دار الايمـان
………….دار السعود مزبنـه مـن نصاهـا
دار لها مقدار من بيـن الاوطـان
…………من يوم اخو نوره بسيفـه حماهـا
عبدالعزيز الصيرمي طير حـوران
…………أسـس قواعدهـا وجـدد صباهـا
دستوره القـران حجـة وبرهـان
…………الحجة اللي ضايـعٍ مـن نساهـا
عساها بالجنـة بـروح وريحـان
………ويجزاه رب الخلق با أحسن جزاها
أخّر لنا من دوحة المجـد شجعـان
………….آل السعود اللـي نعيـش بذراهـا
اليوم في حكم الفهد ذرب الايمـان
………….يالله عسى سنينـه طويـلٍ مداهـا
راع الوفاء والطيب في كل ميـدان
……….عز الجزيـرة وارتفـع مستواهـا
تشبه فياض نبتها اشكـال والـوان
…………زاهـر ونـوار البختـري كساهـا
وعبـدالله لشعبـه كريـم بليهـان
…………سمٍ علـى كبـد المعـادي كواهـا
ماحط دون الشعب سـورٍ وبيبـان
……….ويفزع لمن صكات بقعـا شكاهـا
ونايف على الارهاب يعلنها إعـلان
………..على الفتن والشر واللـي وراهـا
راعي الفتن والشر غادي وغلطان
…………رجله على جـرب المذلـه حداهـا
اللي نقض عهـده وللـدار خـوان
………….نايف كعامـه كـان طـول مداهـا
وابوفهد سلمـان لا قيـل سلمـان
…………ترتاح من ضيم الليالـي وغثاهـا
هاذي رياض العز للـدار عنـوان
…………..أميرهـا سلمـان طـور بنـاهـا
ويالله تحفظ الدار عن كل شيطـان
……….وتديمها في عـز وأمـن ورخاهـا
ومنا الولا دايـم شبـاب وشيبـان
………..للاسـره اللـي كلبونـا فـداهـا
عهد علينا من قديمـات الازمـان
…………لملوكنـا واجـب نجـدد ولاهــا
وصلاة ربـي عـد رمـلٍ بنقيـان
…………على النبي إعـداد ممطـر حياهـا
وهذه أبيات كتبها الشاعر حمود بن عبدالله العضيدان العازمي من أهالي محافظة الغاط في رثاء والده رحمة الله واسكنه فسيح جناته في 24/11/1422ه :
يالله ياللـي كـل خلقـه تـرجـاه
…………يا الواحد المعبـود رافـع سماهـا
يا منجي ذا النون ومجيـب دعـواه
…………وسط البحـور اللـي بعيـدٍ مداهـا
تجبر عزا من ضاقت اليـوم دنيـاه
……….الصدر ضاق وهلـت العيـن ماهـا
هلت دموعٍ مثـل مـزن نثـر مـاه
………عيت تكف الدمع من شـي حداهـا
مرحوم يـا عـودٍ عزيـزٍ فقدنـاه
………….اقفـى عـن الدنيـا وخـلا غثاهـا
يالله عسى الجنـة مقـره ومثـواه
…….رجل على الطاعـة حياتـه قضاهـا
يصبر على الشدات والسـد مبـداه
…….والكلمة العوجاء حشـا مـا حكاهـا
وأن ضاق ما بّين على الناس شكواه
……….يشكي على اللي عالم فـي خفاهـا
سلمٍ لبوه اللي على الطيـب وصـاه
……..رجله عن العثـرات يـازن خطاهـا
ضاقت علي الـدار ساعـة قبرنـاه
……….ضاقت علي سهالهـا مـع فضاهـا
عيت تذوق النـوم عينـي وتهنـاه
……….عفت الطعام وعفـت لـذة كراهـا
لا شك ما يكتب على العبد يرضـاه
……….النفس رب الكـون يجبـر عزاهـا
لو طالـت الايـام والله مـا أنسـاه
………صفحة حياته خافقـي مـا طواهـا
هـذا قـدر مكتـوب والحـمـد لله
…….الناس بالمكتـوب ياجـب رضاهـا
واللي صبر عند المصايـب وبلـواه
……..يجزاه رب الخلق بأحسـن جزاهـا
ما فيـه حـي الا المقاديـر تقفـاه
………..هذي هـي الدنيـا وكلـن شكاهـا
وصلاة ربي عـد حـرفٍ نطقنـاه
………واللي كتبهـا بالطـروس وقراهـا
علـى نبـي شافـع عنـد مـولاه
………يوم الخلايـق تنبعـث مـن ثراهـا
هذه القصيدة(العرضة) قالها حمود عبد الله العضيدان العازمي بمناسبة زيارة صاحب السمو الملكي الأمير/ سلمان بن عبد العزيز أمير منطقة الرياض حفظة الله لمحافظة الغاط لافتتاحه مشروع الأمير سلطان بن عبد العزيز للإسكان الخيري ورعايته جائزة معالي الأمير/خالد بن فهد السديري (رحمه الله) للتفوق العلمي وذلك يوم الخميس الموافق 27/10/1428هـ.
مرحبا عد برق صاطـع نـوره
…………في مزونن تقافـت وانتثرماهـا
يا هلا بالأمير وشرف حضـوره
………..الفرح عمها أدناها مع أقصاهـا
ديره للسـدارا بنجـد مشهـوره
………رمزها في جبال طويق يزهاهـا
وسط دار حموها عيال اخو نوره
………أبو تركي حكمها وجدد أصباهـا
يوم جاها بزمانن تشتكي جـوده
……….تشتكي والزمن بالظلم غطاهـا
استعن بأمر ربه واقتد بشـوره
………..ولا هنتي لين داره نزح أعداهـا
حارب أهل الفتن والشر وشروره
……….ورد ملـك لبـوه وداره أحيـاه
ثبت الحـق والقـرآن دستـوره
……..واستقرت وعيـن الله ترعاهـا
عمها الامن والعدوان مقهـورة
……….واكتست ثوب عز وطال مبناهـا
دارنا المملكة بالديـن معمـورة
……….دونها الحـال والارواح تفدهـا
حدها بحـر جـدة ليـن تنـور
……….ومن حدود اليمن للشام منهاها
هذه القصيدة قالها حمود بن عبدالله العضيدان العازمي بمناسبه زيارة صاحب السمو الملكي الامير سلمان بن عبدالعزيز امير منطقة الرياض حفظه الله لمحافظة الغاط لافتتاحه وتفقده عدد من المشاريع بالمحافظة وذلك يوم الخميس الموافق 8-3-1427هـ
مبداي باسم اللي يسبح لـه الطيـر
……………..الواحد الخـلاق محصـي بشرهـا
سبحانه المعبـود والـي المقاديـر
……………..ارواحنـا بامـره وعنـده قدرهـا
ومن بعد ذكر اللي عليه التياسيـر
…………..ربا كريـم ذنـوب عبـده غفرهـا
قلـت البيـوت الوافـي والتعابيـر
………..بيوت شاعر من هوجسـه ذكرهـا
ومن لرياض اليوم جتنا التباشيـر
…………..علم الزيـارة يـوم جانـا خبرهـا
اصور الفرحـة بالابيـات تصويـر
……….تصوير صادق شافهـا واعتبرهـا
دارن لها رسم بعالـي الشناظيـر
…………دار السدارى اللـي نزايـد فخرهـا
رموزها قبلي ذكروهـا الشواعيـر
…………خشم العراني فوق عالي صخرهـا
ياميرنـا سلمـان يامنبـع الخيـر
……………..زيارتـك للغـاط كلـن شكـرهـا
تفتح مشاريع بهـا الخيـر ياميـر
………..وترعى مشاريع وتضـع حجرهـا
يابو اليتامى والضعوف المعاسيـر
…………اللي شكو ضيم الليالـي وكدرهـا
لابـو فهـد منـا تحيـة وتقديـر
………….اهلا هلا به عد مااثمـر شجرهـا
واعداد بـراق المـزون المزابيـر
…………سحب ومرها الله وهلـت مطرهـا
فوق الرياض اللي زهت بالنواويـر
………….عقب المطر قام يتخالـف زهرهـا
يابن الامام اللي يهـدي الطوابيـر
……………الـدار وحدهـا وامـن خطـرهـا
عبدالعزير اللـي يجازيـه بالخيـر
……….عساها بالجنـة ويقطـف ثمرهـا
عقب له رجـال ملـوك مشاهيـر
………افعالهم بالطيـب محـدن حصرهـا
المملكـة دار الرجـال المنعـايـر
………..في عهد ابومتعب رايـه شهرهـا
حكيم راي وطـور الـدار تطويـر
………….خـلا الجزيـرة درة مـن دررهـا
وولي عهده جعلهـا لـه مسافيـر
………….موافقه في الخيـر كلـن خبرهـا
سلطان ابو خالد حكيـم التباصيـر
…………لاجل الوطن ماله وروحه ذخرهـا
ومنا الولاء في عسرها والتياسيـر
…………….عهـد علينـا مايزيلـه دهـرهـا
لاال سعود اهل السيـوف البواتيـر
………..اللي حموها من بحرهـا لابحرهـا
المملكة هـي دارنـا كلهـا خيـر
……………دار الوفا بالديـن ربـي عمرهـا
وارجي السموحه كان بالقول تقصير
…………هذي مشاعر شاعـر مختصرهـا
وصلاة ربي عد مـا غـرد الطيـر
…………….على بنـي الحـق سيـد بشرهـا
مرثيّة الشاعر حمود بن عبدالله بن حمود العضيدان العازمي في / محمد سعد الحمدان العضيدان العازمي رحمه الله عام 1445
أبدا بذكر الله عزيز الجلالى
………………الواحد المعبود والكل يرجيه
أرجيه يرحمنى ويلطف بحالى
…………………ويرحم ذليلٍ لاوقف بين أياديه
في ساعة مافيه عمٍ وخالى
…………………ولاينفع المخلوق كثرة عزاويه
فكرة فى دنيا العناء والزوالى
……………………اﻷدمى ملزوم تخلف هقاويه
أقولها باسباب طارٍ طرالى
………………….شىٍ على بالى ولانيب مخفيه
جيت الغريس وشفته اليوم خالى
………………..ماكن ذاك العود داج ومشى فيه
عودٍ عزيزٍ من زحول الرجالى
…………………….الحلم والشيمه تراها مباديه
له منزلٍ بين الرجاجيل عالى
…………………محمد الحمدان لاحل طاريه
حرٍ شهر من عاليات الجبالى
……………….ماكر حرارٍ عالياتٍ مجانيه
يشيل حمله والحمول الثقالى
…………….عز الرفيق ودون جاره وعانيه
عسى على قبره صدوق الخيالى
………………….يهل وبله كل يومٍ ويسقيه
وصلوا على المختار طول الليالى
……………….صلوا على اللى واجبٍ نقتدي فيه
((أمس الضحى))
أمس الضحى راقٍ في راس مبنيّه
قمت أتفكر وأطالع ذيك الأطلالي………….
وإنهلّ دمعي كما هملول وسميّه
البرق فيها حقوق ويشعل إشعالي…………….
ذكرت دارٍ لنا واليوم مجفيّه
ماكن دوّج بها بعضات الأزوالي…………..
عقب الونس والفرح صارت خلاويّه
سبحان من بدل الأحوال بحوالي …………..
صارت خلا مابها غير القميريّه
ورقاً تغني بوسط الدار عزالي ………….
حمامةٍ مالها روحه ولا جيّه
ماتدري إن الليالي إقفاي وإقبالي……….
_________________________
المصدر: موقع قبيلة العوازم الرسمي
تشكر على المجهود