السلام عليكم
راني ندير في خبز الدار وميصلحليش يجيني هابط وثقيل ياسر
حابة غوسات تجي كالقاطو
بعثتلي طفلتي مورسو خبز الدار يهبل كالقاطو بصح حشمت نقلها كيفاه ديريه
راني نعول عليكم
ارجوكم ساعدوني
جربي نتاع ام اماني روعة
من نهار لقيت الوصفة هادي خلاص رجعت نديرو دايما خفيف بزاف وزيد تتهناي من العجن مي بالفرينة برك
نتاع ام اماني فووووووووووووووووووووور
انا درت الخبزدار مرة فيحياتي جايوزن 10 كغ هههههههههههه
بصح من نهار جربت نتاع ام اماني واش نقولك امممم
شوفي كيفاه خرجلي
https://www.djelfa.info/vb/showthread.php?t=1362916
شوفي اختي انا ندير السميد+ مغرف سكر+مغرف حليب لحظة+ شوية زيت+ خميرة الخبز تخلطيهم مليح ومن بعد تبداي تعجني وتدلكيه مليح ومن بعد تضيفي الملح وتعجني حتى يولي كالعجين نتاع الفطير ومن بعد تقرصيه في السنية وتديريلو السينوج من فوق وتخليه يخمر وبعدها تدهنيه (بصفار بيضة +شوية قهوة)وم بعد ديريه في الفرن يكون ساخن وخليه حتى يطيب وحمريه من فوق
أنا نحوس على خبز الدار الكسرة يطيب في الطاجين نتلع الطين نحب لجي خفيف بصح بالسميد
لتعرف تقولي بالتفصيل