عندي مشكلة مع. السكر غلاسي متاع التشاراك لمرمد او. مقروح اللوز يجيني يابس ويفقد من البياض انتاعو بعد مدة ما هو الحل باش يبقى السكر غلاسي في التشاراك محافظ على البياس انتاعو كيما عند محلات الحلويات راني نستنئ الاجابة. ياالفحلات
غطسي حبة التشاراك في السيرو بدلا من ماء الزهر وستلاحظين النتيجة انشاء الله
اغطسي حبات الحلوى في الشربات بدل ماء الزهر ورمدي الحلوى وخليها تنشف من بعد عاوي رمديهم مرة ثانية وانشاء الله تلقاي نتيجة مليحة
السيرو 1كيلة سكر 3 كيلات ماء شريحة ليمون وحطي فوق نار متوسطة ولما يبدا يغلي احسبي ربع ساعة وطفي واتركيه يبرد حطي فيه حبة التشاراك قطريها ومرريها مرتين في السكر الناعم.
راح نحاول نجاوبك اختي
اولا لازم تعملي سيرو خفيف مش ثقيل كيلة سكر ب3كيلات ماء الما يغلي احسبي15د وطفي وماتنسايش في الاخير تضيفي عصير ليمونة
خليه يبرد تماما من بعد اغطسي فيه الحلوى
لوحيهها في سكر رطب يكون مغربل ومن النوعية الجيدة مثل سكر المرجان حطي كمية من السكر في الكيس وحطي حبات حلوى اغلقي وحركي من بعد حطي الحلوى فوق مشبك تنشف تماما
من بعد عاودي حطيه في السكر الرطب لكن هذا المرة استعملي الكف نتاع يدك مش الاصابع بواسطة الكف اضغطي عالسكر باه يلصق فوق الحلوى
عند التقديم دائما لازم ترشي فوقه السكر الرطب بالصفاية باه يجيك ابيض ناصع
ان شاء الله نكون افدتك ولو بالقليل
شرا لك ام اماني و كل من الباني والله عندك الحق النتيجة افضل بكثير.