السلام عليكم و رحمة الله
لقد استخرت الله مرات و مرات
و الأن الدور على الإستشارة لعل خبراتكم في الحياة تفيدني في مشروعي القادم بحول الله
أنا و لله الحمد موظف بسيط مقبل على مشروع زواج
فوجدت فتاة -لم أكلمها و لن أكلمها إلا بعد موفقة أهلها-
في سن 17 أهم ما شدني إليها هو ما أريده في زوجتي
ألا و هو أنوثتها.
المشكل لحد الأن
هو في الخدمة الوطنية
فأنا لم أؤدها لحد الان
سؤالي لكم
إخوتي و أخواتي
هل أتقدم لخطبتها على شرط أن يكون الزفاف بعد تأديتي للخدمة الوطنية.
الفترة تقريبا عامين
أرجو الإفادة ممن طالت فترة خطوبتهم
سلبياتها و إجابياتها
أم
أصرف عنها النظر حتى يفرج الله من جهة أخرى.
بارك الله فيكم على أرائكم.
والله صعيبة تروح للخدمة الوطنية بعد الزواج
في الستاج كان معايا واحد من تموشنت متزوج
وحد النهار في الايامات الاولى
عيّطولو في التليفون من دارهم
قالولو مرتك جابت طفل
والله ما راح شاف مرتو ووليدو كي زاد
واحد آخر كُنا في العيد الصغير
والله كان يبكي
كي هدر مع مرتو واهله صباح العيد و بوركلهم
صعيبة والله صعيبة
مش معناتها ما تتزوجش
ربما كي تتزوج وتدي العقد يعطوك إعفاء
ولكن فقط حكيتلك من تجربتي الخاصة
على واش شفت في المتزوجين
ربي يوفقك ويهنيك
انوي الخير تلقا الخير إن شاء الله
يا اخي انت تقول راك موظف.و لكن ادا رحت للخدمة الوطنية.يعني رايح تفقد عملك و بعد الانتهاء من الخدمة الوطنية صعيب باه تلقى عمل اخر و رايح تطول على الفتاة.اقتراحي لك ان تخبر الفتاة قبل ان تخطبها ان فترة الخطوبة قد تطول.حتى تتخد هي كدلك القرار المناسب لها و تكونو متفاهمين بعد دلك.رب يحققلك واش ف قلبك
السلام اخي الكريم….حسب رأيي تنجم تخطبها و تصبر عليك عامين مدام عجباتك راهم بزاف يفوتو عامين اما هل هناك مشاكل انظن تبقى عليكم إذا خليتو آحترام بيناتكم و ماتبقاش الهدرة تع كل دقيقة حتى تكرهو بعضاكم…نظن مايكون حتى مشكل راك آستخرت قادر كي تخطبها تبانالآستخارة و ربي يسهلك الأمور….ربي يفرحك اخي و يهنيك
اهلا اخي الكريم…انا حسب رايي الخاص انك تقدر تخطبها وتفهم الاهل نتاعها وهيا حاجة عادية يعني ماشي راح تخطبها وتخليها نتا راح تخطب وتروح تادي الخدمة الوطنية واكيد راح يتفهم …يخدمو معايا 2 بنات في تنين خطابهم في الخدمة الوطنية وهوما نومال يحضرو للعرس بشكل جد عادي وحياتهم تمر بانتظار ازواجهم +++ بالنسبة للاخ لي ذكر الوظيفة فانو الوظيفة الدائمة يمكن استرجاعها بعد العودة من الخدمة الوطنية ربي يباركلك ويتمملك بخير اخي
السّلام عليكم ورحمة الله وبركاته
ربّي ييسّر لك أخي الكريم ويفتح عليك باب فضله ..
ما شدّني في موضوعك قولك : أنّك أعجبت بأنوثتها ..
لا بأس أخي ..
لكن حبّذا لو تضيف معايير الدّين والخلق والحياء
فبها تحصل السّعادة إن شاء الله ..
ما دمت أخي قادرا على الأقلّ حاليا
فخير البرّ عاجلهُ
توكّل على الله واقصد البيت من بابه
وإن أردت اشترط أن يؤجّل الزّفافُ
إلى ما بعد انتهاء الخدمة الوطنيّة إن شاء الله
ونسأل الله أن يرزقك من واسع فضله وجيع شباب المسلمين آمين..
الناس رهي تتخطب على 4 و5 سنين وماكانش مشكل وتاني الفتاة الي عجباتك عمرها 17 سنة يعني ماشي كبيرة تقدر تستناك اكثر من عامين
انا حسب رايي توكل على الله وتقدم لخطبتها لانها اذا كانت راضية بيك زوجا تستناك اكثر من عامين
|
المشاركة الأصلية كتبت بواسطة مشكلتي
 بسم الله الرحمان الرحيم
السلام عليكم و رحمة الله لقد استخرت الله مرات و مرات و الأن الدور على الإستشارة لعل خبراتكم في الحياة تفيدني في مشروعي القادم بحول الله أنا و لله الحمد موظف بسيط مقبل على مشروع زواج فوجدت فتاة -لم أكلمها و لن أكلمها إلا بعد موفقة أهلها- في سن 17 أهم ما شدني إليها هو ما أريده في زوجتي ألا و هو أنوثتها. المشكل لحد الأن هو في الخدمة الوطنية فأنا لم أؤدها لحد الان سؤالي لكم إخوتي و أخواتي هل أتقدم لخطبتها على شرط أن يكون الزفاف بعد تأديتي للخدمة الوطنية. الفترة تقريبا عامين أرجو الإفادة ممن طالت فترة خطوبتهم سلبياتها و إجابياتها أم أصرف عنها النظر حتى يفرج الله من جهة أخرى. بارك الله فيكم على أرائكم. |
نعطيك تصيحة كأخ
لا تفكر في الزواج حتى تكون ليس لديك أي إلتزمات بالخدمة العسكرية
كذالك من الأحسن منصب دائم
ربي يوفق
انا صاحبي ليسانس انجليزية راهو ف لارمي جا هذ الايام الاسبوع اللي فات عرس و راهو رايح يكمل pcq قعد له غير شهرين يكمل برك
مش عارف كيفاش يكون الحال معاك لانو كل واحد كفاش يفكر
تحدث مع والدها واشرح له الامر……..واحجزها لنفسك…روح للعسكر ولما تولي ترجع لخدمتك عادي…واخطب الفتاة اللي راح تكبر شوية …….فقط لا تتزوج ولا تعقد قبل العسكر…فقط الكلمة…ونتمناولك تخرج فائض…والله الموفق.
هي انثى و بعد عامين ترجع انثى + انثى ههههههههههههه لو رحت من غير ما تخطب يمكن ترجع متلقاش
اما الخطوبه كتطول عندها سلبيات:
بما انك جزائري تبقى موسوس مع من خرجت وواش دارت …….. الخ
لازم تصرف فالمناسبات
لازم تتحكم فنفسك مع بنت الناس
ممكن الخدمه الوطنيه تغيرك 100 درجه و ترجع تحسها ماش مناسبه لك
اما الايجابيات تتعرف بيها اكتر و تظمن بلي راهي ليك
يا اخي إذا كنت موظف واش دير بالخدمة الوطنية
تزوج وماتروحلهاش حتى يجي وقتك وتدي إعفاء
أنا راني كيفك هارب ومنسي وان شاء الله ما نروحلهاش خلاص
ربي يوفقك ويهنيك
انوي الخير تلقا الخير إن شاء الله