بسم الله الرحمان الرحيم
السلام عليكم
قد يرى البعض ان هناك خطا في العنوان و هو تكرار لكلمة : تقلدي مرتين لكن لست خاطئ بل اعي ما اكتب
انا شاب……………….
المهم :
الزواج بين التقليد و الحداثة : و يتم تعريفهما كالتالي : :: حسب رايي :
الزواج التقليدي : الشاب كي يكون واجد يبدا يخمم فالزواج ومن بعد يشوف وحدا تعجبوا يسقسي وين تسكن و على اهلها و اصلها ومن بعد يلم تاع الدار تاعهم و يروحوا يخطبوها :: الشاب عندما يخبر والديه بالامر يحشم و يخجل بالامر و بالتالي يكلف صاحبوا او خالوا باش يقول لماماه بالامر.و هنا لا تعارف بين الخطيبين في هده الفترة و عند العقد و الدخول يتم التعارف .. طبق قديما و اثبت نجاحه و حلوه ….و القلة يطبقوه و هدا النوع مبارك من عند الله تبارك و تعالى و هو يامرنا به . سيتم الشرح في انواع الزواج التقليدي اسفلا ….
الزواج الحديث :الطفل كي يدخل للمراهقة و بالتاي يدير صاحبتوا و يجبد معاها 10 سنوات او اكثر و يحكيو فالثيليقون و الحكايات دائما تكون كالتالي :: آلوا : تواحشتك و شاتي نشوفك ..عاش من سمع صوتك … انت هي كلش .. علاجالك نحرق روحي … هدا بالنسبة للشاب ….اما الفتاة : نموت عيك و انت هو كريستيانو تاعي و انا بلا بيك ما نسواش ……و بعد الممارسات المخلة بالحياء و قلة الادب مع بعضهما و الكلام الفاحش بينهما …يقولوا رانا ناويين للحلال ……عندما يحين الوقت : الشاب راه واجد و الفتاة راهي واجدة دايما و بالتالي يعيطلها و يقولها السمانة الجاية نجيو نخطبوك و بالتالي فالشاب يقول ليماه اخطبيلي فلانة فالام تقبل و عادي ….. هدا النوع نجده في بلاد الكفر و قد نهانا عنه الله و هو لا يبارك عليه سواء الاهل او الله.
لكن الزواج التقليدي نوعان : تقليدي اصيل … و تقليدي حديث :
1/..التقليدي الاصيل وهو المعروف قديما و المعروف حديثا لكن الناس يخافوا من كل ما هو حلال لان الناس ولات تضحك على الرجالة دي يقادروا ارواحهم و يحترموا و يتبعوا دينهم و سنهم .. و يعرف كالتالي : يكلف احد افراد عائلته بالبحث عن فتاة دات اصل و فصل تليق به و بعائلته أو يتم هو بنفسه ::و تتم الخطبة بدون تعارف بين المعنيين بالامر و يتم العقد و و يتم الدخول على سنة الله و رسوله و يتم الحب بعد الزواج و التعارف بعد الزواج و تنشا العشرة و الاحترام و بالتالي كل واحد يحاول الوصول الى رضا الاخر … و هدا النوع يتم كما يلي : الشاب ادا اراد الزواج يسقم روحوا و يقادر روحوا مليح و ينضبط جيدا ثم يطلب الزواج .. الفتاة عند سماعها لبلاغ خطبتها فآليا تعرف ما عليها و اكيـــــد الحفاظ على الراجل و الاحترام و القدر و الاخلاق و تحافظ على سمعتها و راهي رايحا لدار باش تقيمها …. هدا لنوع من أرقى و احسن طريقة للزواج
2/..التقليدي الحديث : نفس الخطوات السابقة لكن في فترة الخطبة او قبلها يتم الكلام في الهاتف و التعرف بنية الزواج و يتم الخروج لرؤية بعضاهم بدون علم الاهل و يكون الشخص المتوسط لهما يعرف بالامر ……. و يقولوا لازم نعرف العقلية تاع الطرف الاخر ……واش من عقلية راك رايح تتزوج و آليا تعرف واش عليك واش ليك … وهي راهي آليا تعرف واش عليها ……..هدا النوع يشوبه الشك و بعض الحرام رغم البعض يدعمه و بقوة كبير …….
انت كشاب و كشابة : ما رايك ؟ و أي نوع تدعم ؟ مع الادلة و التجارب ؟
ّ
السلام عليكم
اكيد التقليدي الاصيل ……………….احب كل شيء اصيل
الشرح فيما بعد .انتهى دوامي
انا تاع الزمان. تقليدي ..ليلة الدخلة أول تعارف….
أنا خلاص تزوجت زواج تقليدي حديث
أول لقاء بيننا كان في البيت بحضور العائلتين و تكلمنا بحضور العائلتين و بعدها كانت الموافقة بعد الخطبة الرسمية بدينا في الحديث بالهاتف و خرجنا مرة أو مرتين و لكن بعلم العائلتين خرجات خالية من المحرمات خيرنا الخاتم و تكلمنا على التفاصيل الأخرى بعد العقد المدني و الشرعي خرجنا مرات عديدة لختيار الأثاث و الملابس و مستلزمات البيت و بعلم العائلتين دائما
الوقت الحالي يجبرنا على التعارف و شكون تقدر أو يقدر يتزوج بلا ما يشوف الطرف الآخر
الزواج التقليدي التقليدي يا أخي الرجل مايشوفش كامل المرأة لا في الخطوبة و لا في العقد و لا زيارة لبيت أهلها أول لقاء يوم العرس هذاك النهار كل الواحد يتقبل الطرف الآخر بدون نقاش و اللي ما يتقبلش الطلاق مباشرة.
الطلاق أبغض الحلال عند الله لذلك لازم زواج يكون مبني على رضا و تقبل الطرفين في الحدود الدينية ، الراجل يشوف الفتاة اللي ناوي يخطبها إلا عجباتو يخطبها باحترام و بعدها يتحدث معاها في حظور محارمها و بعد العقد راهي زوجته على سنة الله و رسوله من حق التمتع بها فكيف نقول أنه ليس له الحق للحديث معها؟
التقليدي 100% لا يتماشى أبدا مع وضعنا الحالي.
أنا عندي فكرة عن الزواج التقليدي التقليدي و الله كارثة عظمى إذا أردتم نقدم لكم القثصة
الاصل في الزواج هناك زواج شرعي وفق الدين و الاعراف الصحيحة و هناك زواج ناقص سواء كان كما تقول تقليدي فيه الكثير من الخرافات و الظلم او حديث فيه الكثير من المخالفات الشرعية
الزواج لا تقليدي و لا عصري الزواج كما بينه الشرع له احكام و شروط يجب احترامها و ما قبل الزواج من علاقات محرمة شرعا و توقعك في الزنا:قال عز وجل: "يا أيها الذين ءامنوا لا تتبعوا خطوات الشيطان، ومن يتبع خطوات الشيطان فإنه يأمر بالفحشاء والمنكر، ولولا فضل الله عليكم ورحمته ما زكى منكم من أحدٍ أبدًا ولكنّ الله يزكي من يشاء، والله سميعٌ عليم"
لذا فإن اغلب العلاقات تنتهي و لا بركة فيها لذا فالزواج امر سهل جدا إذا عجبتك طفلة روح لأبوها و ليس لها ولك الحق في السؤال عنها و عليها و سؤالها و فرض شروطك و شروطها و الإتفاق على كل شيئ
أسس الزواج من الناحية الشرعية و الدينية و القانونية واضحة كل الوضوح ليس فيها لا تقليدي و لا عصري
و لكن الوقت الحالي يفرض علينا الحديث مع الخاطب قبل عقد الزواج في حدود ما يسمح به الشرع
أما التقليدي التقليدي الذي ينعدم فيه الرضا و الرؤية الشرعية و عدم التفاهم فهو زواج جد صعب
شوف يا خويا بعيدا عن الحوايج لي مش مليحة ولي مخلة بالحياء
الزواج التقليدي مش ملييييييييييييييييييييييييييييييييييييييح
أسألني أنا مازال ما دلختش وراني نبكييييييييييييييييييييييييي
الواحد تعرفو وتحس بيه أحسن من واحد ماتعرفو ما تحس بيه وماراح تحس بيه .
مشكوووووور/ه
انا لا اراه مناسب و ذلك لكثرة المشاكل و طلاق
zawaj ta9lidid assil
الزواج التقليدي الحديث احسن ما نشروش الحوت في البحر