ونا نتصفح في صفحات منتدى مغربي وجدت وصفة زليف محمر في كوكوط بدون وضع الماء يعني بعد لي تشوطيه وتغسليه تدهنيه بالزبدة والبصل غابي مع سنينات توم وفلفل اسود وكمون وملح وتغلقي وتخليها على نار هادية حتى توجديه دبال وتحمر وتجمر في نفس الوقت
امالا شكون جربتها منكم تفيدنا خاطر راني معولة عليها وعندي تخوفات من جرائم الكوكوط
افيدونااااااااااااااااااااااااااا هل جربتموها من قبل
أنا الدجاج نعملو بالطريقة هذي علمتهولي أمي الله يطول في عمرها بالصح البوزلوف ما جربتوش بهذي الطريقة
و الله انا نفضل منحمرو في الكوكوط بل في الفور ، فبعدما نطيبو في الماء و الملح و حبة بصلة و سنينات ثوم ، نحيه و نقيه من العظم و نقطعو قطع متوسطين بعدها نوجدلو دوزينة : بصل رابي ، ثوم ، ملح ، فلفل أسود ، كمون ، فلفل قناوة ، فنجان زيت ، فلفل عكري ، و نرمدو في الدوزينة ، و نديرو في بلا مدهون ، و نسخن قيس كاس ماء مغلي و نديرولو و ندخلوا الفور ، و نراقبو اذا كان يستخص الماء نزيدلو بشوية ، و كي يطيب و يتحمر نرشلو المعدنوس ، يجي روعة .
انا ندير اللحم هكذا و يجي راااااااااااااااااااااااائع و ذايب كي الزبدة غدوة ان شاء الله نجربه و نردلك ان شاء الله ايلا ماتغيرش البرنامج
مليحة الطريقة هذي
يا اختي انا جربته من قبل بصح كان مجمد ومن الكنجيلاتور للكوكوط درتلو الملح وخليتو على نار هادئة جدا طاب رووووووعةوكي قرب الطياب زدتلو فنجان ماء مخلط مع فلفل احمر وشوية طماطم وثوم و توابل حسب الدوق اللي تحبي واذا حبيتي حمريه قيس 10دقايق في الفور والله روووووعةان شاء الله هذا العيد نعاودو بهده الطريقة وعيد مبارك للجميع
شكرًا علي الأفكار أخواتي يعطيكم الصحة
وعيد مبارك سعيد للجميع
موضوع رائع
شكرا على مروركم وافكاركم ومبروك عيدكم
عيدك مبارك و عيد سعيد لكل الاخوات
طريقة جديدة بالنسبه ليا شكرا