يجب تحضير العجينة 5 ايام من قبل هذه المقادير لكمية كبيرة
المقادير
1كغ فرينة
1لتر ماء
20غ خميرة الخبز
ملون غذائي اصفر او برتقالي
العسل
3كغ سكر
1/5لتر ماء
عصير ليمونتين
ملعقة عسيلة
3ملاعق ماء الزهر
الطريقة
ذوبي الخميرة الطازجة في قليل من الماء
زيدي الملح والفرينة وخلطي مليح
زيدي الماء الفاتر وخلطي بالروبو او بالفوي نورمال
ومبعد حطيها في ماعون كبير وغطيها وخليها تخمر لمدة 5 ايام هذا هو سر الزلابية تخمر بزاف يعني غطيها وانسيها كي تولي ريحتها كيما الياوورت كاين يقولك 3 ساعات كافية بصح الصح 5 ايام
اليوم الخامس
وجدي العسل قبل
فرغي الماء والسكر في كسرونة انا لم استعمل 3كغ سكر انا درت مقادير لكمية صغيرة
خليه يغلي بلاما تحركيه لعدة دقائق ومبعد زيدي عصير الليمون باش يمد شوية قروصة للزلابية
كي يولي اللون كيما العسل ويخثار نحيه من النار وزيديلو العسيلة وماء الزهر
خلطي العجينة نتاع الزلابية لازم تكون كيما نتاع الكريب ولا البغرير وزيدي الملون انا درت لون اصفر
خلطي مليح حتى يولي اصفر كامل
وجدي كلش للزلابية المحقن والغراف وكلش كيما في التصويرة
سخني الزيت في مول كبير ولا مقلاة انا درت مول القراتان ماتسخنيش بزاف وماشي بارد باش مايتلونش
كي يسخن الزيت احكمي المحقن وعمريه بالعجينة وبوشيه بصبعك باش مايسيلش وابداي المغامرة ديري اشكال حلزونية نصيحة لازم تدريب كبير حتى تتقني هذه المرحلة لكن في الاخير رايحة تصلحلك
وكي تطيب خرجيها وديريها في العسل ومبعد قطريها
مانكذبش عليكم بزاف تخسرولي الحبات بصح انا خيرت الملاح برك ههههههه
ممممممممممممممممم روعة بارك الله فيك
يعطيك الصحةة
الله يبارك شاطورة ما شاء الله عليك بصحتكم في انتظار جديدك
الله يبارك ويعطيك الصحة
اممممممممممممممممم يعطيك الصح سور راح نجربها مي حبيت نسقسيك احنا في الدار 3 اشخاص حبيت تعطيني مقادير كمية قليلة اا امكن
صح رمضانك
اقسمي المكونات على 2 يعني ديري نص كيلو نص لتر بصح رايحين يتخسرولك وحدين لازم التطبيق بزاف
44444444444444444444
مممممممممم يعطيك الصحة يالفحلة روووووووووووووعة بارك الله فيك
رووووووووووووووووووووووووووووعة
بارك الله فيك
شكرا على التشجيع
بارك الله فيك على الوصفة
بارك الله فيك جاتك هايلة
إن شاء الله راح انجربها