شكون لي تفهمني بتفصيل كيفاش نخدمو رشتة
راني بغية نتعلم المرقة وكيفاش نبخر رشتة
مرنش عرفة إلا نبخروهة ولا طيب ديركت فالمرقة
و وين نلقاها
عندمن تنتبع
راهي في قلبي
merci
rani nasstan fikom ya hbabati
allah yfarahkom
rani sayma w nad3ilkom
شوفي ممكن انساعدك نكتبلك الوصفة كاملة مي اصبري شوية بارسوكو لي فوتو مرانيش دايرتهم هد الوقت ان شاء الله كي نخدمها نصورهالك
allah yfarhak okhti
nchallah matawlich 3aliya
parcque rahi fi gualbi
madabiya lyoum ndirha kbal ghodwa
عزيزتي ربي يقبلك صيامك
الرشتة راهي تتباع عند العطار اللي يبيع التوابل و الكيلو نتاعها يدير حوالي 15000 سنتيم
شوفي عزيزتي المرق ساهل ديري حبة بصل مرحية رقيق + 3 سنينات ثوم مرحيين رقيق+فلفل أسود + ملح + لحم أو دجاج كيما تحبي+ 3 ملاعق كبار زيت + كمشة حمص مشمخ
حطيهم يتقلاو مليح على النار ثم ضفي الماء و خليه حتان يطيب اللحم و تعطيك مرق خاثرة شوية و تجيك حوالي 2 كاس أو 3 حسب كمية الرشتة المطبوخة
الرشتة
رشيها بشوية زيت و هي يابسة حوالي 3 إلى 4 ملاعق كبار و حطيها تفور ثم عاودي رشيها بالماء هذه المرة و خليها تنشف ثم عودي فوريها للمرة الثانية و شوفي إذا كانت طابت و لا مازال و إذا كانت ناشفة و لا مليحة
المهم تقدري تفوريها للمرة الثالثة بعد ما تكوني رشيتيها بالماء مرة أخرى
ثم انزعي اللحم و الحمص من المرق و اخلطي الرشتة في المرق رنتاعها ثم قدميها في صحن مزينة بالحمص و اللحم
lma ch hal ndir
ghir nroch walla nchamkh ha kima t3am
w manadhan hach b smen min nkamal tafwar
w tani habbit nssakssik
mandiralhach lmalh (le sel)
momkin tgoulili okhti kifach na3rafha bali tabat w maykhosshach nfawarha marra okhra
win rohti ya okhti
ch hal lmodda man tafwira l tafwira
لا عزيزتي ماشي كيما الطعام لكن شمخيها مليح راكي تعرفي بإيديك و فوريها مليح كيما الطعام
وبالنسبة للوقت بين تفويرة وتفويرة عزيزتي كي تحسيها نشفت من الما عاودي فوريها كيما نديرو للطعام
و نقلك فوريها 3 مرات خير كي عادت أول مرة ليك
حاجة اخرى كي تنشف ادهني يديك بالزيت و اخلطيها بالشوية و بعد ما تفور الفورة الأخيرة و هي سخونة ديريلها مغرفة نتاع سمن ولا زبدة
تقريبا طريقتها كيما نتاع الطعام لكن فقط ما تتشمخش بزاف و أول فورة تفور على الناشف
و آسفة كنت نقرعج على المسابقة ههههههههي ما شفتكش كي رديتي اسمحيلي كان طولت عليك
حاجة أخرى كي تخلطيها بالمرق حطيها فوق النار شوية و انت تخلطي لكن بالشوية باش ما تعجنيهاش
بالنسبة للملح ذوقيها و شوفي إذا تحتاج الملح زيديها كي تبليها باش يذوبلك
تعرفيها بلي طابت كي تكون طرية من برا و من داخل ما شي عجين لأنها عبارة عن عجين عزيزتي
كذلك راهو لونها الصفر يتبدل يولي أبيض كي تكون طايبة
عزيزتي باش ما تخسريش روحك جربي شوية قبل ما طيبي المرق و كلشي
و شوفي و إذا خصك حاجة قوليلي راني نطل على موضوعك هذا ساعة على ساعة عزيزتي
موفقة إن شاء الله
maranich 3arfa wach ngoulak
allah yfarhak w yarda 3alik w yarzkok min hautou la tahtassibi
baraka allaho fiki
ndjarabha ghodwa nchallah