السلام عليكم
اليوم اردت و بداعي الفضول ان اعرف راي ابنات و النساء في موضوع ليس بالاهمية بما كان لكن اظنه ذو اهمية قصوى عند بعض الشباب و الرجال عموما الا و هو
نا راي البنات و النساء عموما في الشاب الذي فيه شيب في راسه رغم انه لازال شابا يافعا
هل تنفر منه البنات و هل هناك من ترفضه للزواج بسبب شعره الذي شاب اريد الاجابة بكل صراحة من طرف البنات و النساء
الرجاء ااجابة بكل صراحة و موضوعية.
انا تبانلي حاجة نورمال
ومن بعد ماهيش مرض كبيرة ولا حاجة
يجي نهار وين يولي شايب و حتى ممكن البنت تولي شايبة بصح مانبينوش ههههههههه راك عارف الصباغ و القدام
ماشي مشكل خلاااااااااااااص اخي……ليس سببا في رفض الشاب اذا كان متمتعا بمواصفات الرجولة والاخلاااااق….بل بالعكس في بعض الاحيان الشيب يزيد في وسامة الرجل ووقاره…
مافيها حتى مشكل انا راجل ختي اصغير وشايب مشي كامل مي جامي شفناه بلي ماثر بالعكس نورمال هادوا اشياء ثانوية بالنسبة ليا
normal machi mochkal
السلام عليكم اخي
والله الامر عادي جدا وين المشكل كي شايب حتى وصغر سنو عادي جدا
يا خويا الراجل لازم يكون يصلي ومتربي ويخاف ربي الباقي شكلو وشعرو وطولو كامل زيادة خويا شكرا
بصراحة و مع ان في جوابي جرأة زائدة لكن وجود بعض الشيب في شعر الرجل يضفي سحرا و وسامة له…..
و الله اشكركم كثيرا لمشاركتكم و تفاعلكم و اله اجباتكم كل رائعة حقا المهم المضمون لا الشكل و ايضا كما قالت الاخت الفاضلة هناك من يزيده الشيب وسامة اشكركم كثرا اتمنى لكم جميعا الخير و الساعادة في الدنيا و الاخرة
مع المزيد من المشاركات و التفاعل.
السلام عليكم خويا
والله يا اخي عادي جدا وكيما قالت اختي ليديا والله الراجل الشايب راجل وسيم جدا ويزيدو جمال وعادي المشكل فأخلاقو الشكل ما يهمش موفق
عيرتني بالشيب وهو وقار
ليتها عيرت بما هو عار
إن تكن شابت الذوائب مني
فالليالي تزينها الأقمار
هذا امر عادي جدا البنات ماراهمش مهتمين لدرجة الجنون بمظهر الرجل كما يتوقع البعض المهم الدين والرجولة و الاخلاق .
سلام انا تبانلي نورمال واصلا الرجل اللي فيه الشيب عليه الهيبية
حقا موضوع مهم
أن وحدة من الناس عندي نورمال المهم يكون صغير صح …..ههههه
بالعكس الشيب للشاب زين ووقار بالنسبة لى