السلام عليكم ورحمة الله وبركاته
الرافيولي
من اجود واغلى انواع المعجنات
وغير متوفر في بعض المناطق
لما لا تكون تجربة ونديروه في مطبخنا
ولا اسهل منه
المقادير
300 غ فرينة
من 2 الى 3 بيضات
مغرف صغيرة ملح
الطريقة
نحط الملح والفرينة ونلمها بالبيض وندلكها مليح ونخليها ترتاح ربع ساعة
نحلها رقيقة ونحشيها والباقي موضح بالصور
هنا منضغطش مليح بالطابع نحدد المكان فقط
الحشو جبن ابيض ومغرف زبدة ووسنة توم مرابية وملح وفلفل اسود ومعدنوس كلهم في ميكسور
باقي العجينة عملت منها الرشتة اسهل من التقليدية
نحلها بالمشينة على الرقم قبل الاخير
ونفوتها في جهة الرشتة الخشينة ونرشها بفرينة ونخليها ربع ساعة ونغليها في ماء وملح وتكون واجدة
اللي معندهاش مشينة تحلها رقيقة وتروليها وتقطعها تعطيها نفس النتيجة
لاصوص
سنة توم نقليها في شوية زيت ونضيف لحم مفروم كي يبدة يطيب نضيف فلفل اسودوملحوطماطم مصبرة ونمرق بكاس ماء حتى يطيب
ماء يغلي وملح وقطعة زبدة ونرمي فيه الحبات ونحسب ربع ساعة ونصفيهم ونغلي بنفس الطريقة الرشتة
نسخن خليط اللحم المرحي ونرمي فيه الرافيولي يغلي شوية حتى يكملوا طياب
وامممممممممممممم الدوق صدقوني رهييييب
هدي لابات اغتيزانال ونديرو منها شحال منع مقرونة ان شاء الله مع الوقت نتعلموهم مع بعض
اتمنى يكون الموضوع افادكم
سلامي اخواتي
شكرا اختي على الوصفة وهدا المجهود الي تقومي بيه وراكي فعلا افدتينا
روعة ام كوثر يعطيك الصحة قوليلى الرافيولى كى تلوحيه فى الما ميتفتحوش
اممممممممممممممم روعة يعطيك الصحة يا اختي لانك فعلا مبدعة ربي يحفظلك ولادك وعائلتك
باين فيها بنينة يعطيك الصحة شاطرة
في انتضار الجديد الي تعودناه منك ام كوثر
وووووووووووووواااااااااااااااااااااااو اكثر من راااااائع
سلمت يداك ويعطيك الصحة
سخفتيني امممممممممم
فكرة مليحة
مارسي حبيبتي ربي يبارك فيك
يعطيك الصحة يا ام كوثر كيفياتك متميزة
هل الخليط يوضع بين الرافيولي لم افهم اعذريني
مممممممممممممممممممم يشهي حنونة
تاكلوه بالصحة والهناء يارب
يعطيك الصحة
واااااااااااااااو ماشاء الله بارك الله فيكي ام كوثر تباا ن هايلة وان شاء الله نجربها في القريب العاجل
ممكن تقوليلي شخال درتي كمية اللحم المفروم ؟
الله بارك يشهي سخفتيني نجربه
يعطيك الصحة أم كوثر وصفاتك في غاية الروعة
هااااااااااااااااااااااااايلة
بارك الله فيك
امممممم شهيتينا مشكورة يا الشاطرة
امممممممممممممممم روووووووووووووووووووووعة سخفتيني