الدرس الثاني في دورة الرسم على القماش 2024.

العمل المنجز في هذا الدرس سيكون ان شاء الله فراش للبيبي
نقدموه هدية لاحد اقاربنا
او ممكن نغيرو الفكرة ونعملوها شيء ثاني
لكن لابد من استعمال رسمة للتلوين فقط لانو جاية دروس اخرى سنتعلم من خلالها التظليل والكثير من الافكار الاخرى
يعني اختارو رسمة للتليون البسيط وتكون مناسبة للالوان لي عنكم باه ماكلاه تزيدو تشريو الوان اخرى

الهدف من الدرس هو انو نعودو رواحنا على متابعة الخطوط لتحديد الرسمة مهما كان نوع الخط مستوي او متعرج
ونتعلمو التلوين الجيد

اولا وكالعادة نحضر الادوات وهي عبارة عن
القماش للفراش والمخدة
الكالك لنقل الرسمة
نطبع الرسمة المراد العمل عليها
الالوان
فرشاة رقيقة لرسم الحدود واخرى خشنة للتلوين
brillant
قطعة قماش لمسح الفرشاة عند تغيير اللون

والان هاهو اللون لي نستعملو يجي كانو يبرق وحدو

وهاذو الفرشاة لي نخدم بيهم

قمت بقص القماش على حساب واش نحب انا للعمل

جبت الرسمة واحدة كبيرة للفراش واخرى صغيرة للمخدة وطبعتهم

نبدا بالرسمة الكبيرة وننقلها على القماش بواسطة الكالك

مبعد نبدا بتحديد الرسمة بواسطة الفرشاة الرقيقة واللون الاسود بهذا الشكل

هكذا حتى نكمل كل الرسمة ونخليها تنشف باه كي نبدا التلوين ماتتخلطش الالوان

بعدين نجيب ال brillant

ونبدا التلوين وقبل جفاف المنطقة نرش عليها ال brillant وراح نلاحظو انها لما تجف يلصق فيها ويعطيها لمعة جميلة

الان جبت اللون البني

لاحظو طريقة التلوين سهلة وتتطلب فقط الدقة مالازمش نفوتو للخطوط السوداء لاننا محددين بيها الرسمة ولو تتغطى راح تصير الرسمة بشعة

هكذا نكملو تلوين كل الرسمة على حسب الالوان الواجب استعمالها او الالوان لي نملكها
انا هنا سبونج بوب عندو الوان معينة لازم نلون بيهم
الحمد لله انهم كانو متوفرين عندي
وماتنساوش ترشو ال brillant حتى تعطو اللمعة للرسمة
ولبي ماعندهاش ماكلاه تستخدمو هو زيادة برك
وزيد انا احتجت الوردي باه نلونو يديه حكمت خلطت القليل من الابيض والاحمر في الغلاق برك هزيت قطرة بالفرشاة تكفيني وزيد باه مانفسدش الالوان باطل

هكا حتى نكملو كل الرسمة ولازم نحاذرو رواحنا باه مانوسخوش القماش في كل مرة بعد التلوين نخلو اللون ينشف شوي باه نروحو نلونو مكان اخر

وبعد اربعة وعشرين ساعة نقوم بكي الرسمة من خلف حتى تثبت الالوان اكثر
شوفو الفراش لي تحصلت عليه

بعدين نقوم بنفس الخطوات لعمل المخدة
ننقل الرسمة في ال coin ونلون بنفس الطريقة

هكا حتى نكملوها وزدت خدمتلها الحشوة الداخلية نتاعها وحشيتها بلاوات باه مايضرش البيبي لانو مايديرش الحساسية

بعد لا كملت غسلتهم في زوج حتى نكون متاكدة بعملي نظيف
وقمت بكيهم وهذا على واه تحصلت
على فكرة انا كتبت اسم البيبي لي راح نديرلو الفراش كادو
هي بنت خالي
سيليا
ربي يحفظها ويكبرها في طاعتو

بعدين نظمتو وحطيتو في ساشي كنت مخبياتو مت تريكو شريتو

ومبعد غلفتو
وهاوليكم الكادو نتاعي