السلام عليكم و رحمة الله و بركاته
اليوم اخترت لكم حلوة لذييييذة جدا و يمكن التفنن في تزيينها و مناسبة جدا للحفلات و الاعراس هي
الصبلي
نبدى بالمقادير
زبدة طرية 500غ -انصح دائما ب لابال تع 250 غ و هنا نستعمل علبتين-افضل من علبة 500 غ و اللي جربو يعرفو الفرق
كاس سكر ارطب اي قلاص
نضربهم جيدا بالباتور مع الفانيلا ومن بعد نضيف 4 صفار بيض و نواصل الخفق من بعد نضيف من 850 الة 900غ فرينة حسب حجم البيض و 1 خميرة حلويات المهم نضيف و نلم حتى نتحصل على عجينة طرية نوعا ما مش يابسة ندخلها التلاجة ربع ساعة و نبدى العمل
نفردها سمك 0,5 م و نطبعها و نطيبها على خفيف تبرد ونزينها حسب الرغبة
ههههههه هديك كوثر تسرق في الشوكولا 
هنا بديت القلاساج
هنا رشيت بمصفاة السكر الارطب على القاطو
وهدي عجينة التزيين لونتها بملون ابيض
و طبعتها
كنت طبعت بنفس الشكل حجمين مختلفين و لصقتهم مع بعض و يطلع الشكل روووعة جربوه
هادو اشكال درتهم قبل
لاتنسوني من صالح دعواتكم
lala lyoum fajitina kima l3ada yatik matetmanay ya oum kawtar en plus ana lawla li radit alik wana mobtasima rabi ykhalik lina
allah ybarek w rabi y3tik sahtk w ya3etik matetmanay
الله يعينك في تحضير الدروس وتحميل الصور (الي سعات يكون صعيب بلبزاف)
وربي يحققلك مناك.
انشاء الله
بارك الله فيك
الله يبارك روعة
ربي يهنيك عزيزتي
الله يعطيك الصحة خرجو رووووووووووووووعة والله يبارك في كوثر ولعقوبة كيديريلها قاطو الباك احسنت التفنن والابداع
يعطيك الصحة وربى يدومك لينا شمعة ضاوية
فكرة مليحة الله يبارك
شكرا حبيبتي ام كوثر على الوصفة وراهو راااااااااااااائع ربي يبارك فيك
ما شاء الله عليك حبيبتي صابلي روعة باشكال جميلة سلمت يداك وبارك الله فيك
ما شاء الله يشهي و مادام من ايديك اكيد بنة روعة يعطيك الصحة و ربي يخليلك كوتر ماشي خسارة فيها الشوكولا بصحتها
الله يبارك ام كوثر
يعطيك الصحة
اشكال في القمة
الله يعطيك العافية و الصحة اختي ام كوثر حلويات روعة و اكيد البنة معندي مانقول ياريت توريلنا عجينة التزيين وشنه هي