مساء الورد على احلى عضوات
ان شاء الله راكم بخير
اليوم نحطو الرحال في اول درس من دورتنا الجديدة
دورة تعلم الرسم على القماش
نتمنى لكن كل الافادة وانو الدورة تكون خفيفة على قلوبكن وتتعلمو معنا هاذ الفن
على بركة الله نبدا اول درس
الدرس الاول في دورة تعلم الرسم على القماش
والدرس ارتاينا انو يكون خفيف حتى بالشوي نتعلمو هاذ الفن ونبداو من الاسهل الى الاصعب
الدرس من تقديم اختنا
kiya
ربي يحفظها وييسرلها امرها وترجع معنا قريبا
اعطتنا من وقتها وافادتنا معها جازاه الله خيرا على تعبها معنا
هنا العمل الذي سننجزه باذن الله
اولا نبدا مع الادوات
وهي الادوات لي كنا ذكرناها في الدرس الافتتاحي
الان نقص قطعة قماش كل اخت بالشكل لي تحبو
انا اخترت نعمل منديل فقصيت قطعة القماش بشكل مربع
عندنا هاذ الرسم لحاشية القماش على شكل شرشفة ننقلوه على قطعة القماش نتاعنا
انا رسمتو من قبل على قطعة بلاستيك وكل مانحتاج عمل منديل ننقلو مباشرة على القماش بواسطة الكالك
وهكذا حتى نكملو نقل الشرشفة على كامل قطعة القماش
نجيبو المديوم
ونتبعو الرسم لي فوق القماش بيه
بعدين نجيبو البانسو الخشين مع اللون لي نحبو نستعملوه انا هنا اخترت الاخضر
نقومو بنفس العملية لي درناها مع المديوم
بعد مانكملو المنديل كامل نخلوه ينشف ونقصو الجوانب
الان نجيبو الرسمة لي حابين نعملوها في المنديل نتاعنا
انا هنا اخترت رسمة بسيطة لاننا مبتدئات في الفن ولازم نبداو بالسهل
نثبتوها في المكان لي حابينو ونحطو بين القماش والرسمة الكالك
ونتبعو بالسيالة حتي نتحصلو على الرسم فوق القماش
الان باه نرسمو الاغصان نجيبو البانسو الرقيقة والللون الاخضر
ونتبعو فوق الغصان
في الاوراق نحاولو نسحبو الللون بسرعة وخفة للداخل يكون مسحوب شوية
هنا العمل بعد ما كملنا الاغصان والاوراق نتاعنا
بعد مانكملو نمسحو البانسو بقطعة قماش صغيرة باه ننظفوه لانو راح نستعملو لون اخر وننتقلو لمرحلة اخرى في التلوين
نبداو النوع الاول نتاع الورود اختارو اللون لي تبغوه انا مثلا اخترت اللون الزهري
ونتبعو نفس طريقة الاوراق
ناخذو اللون الاصفرونديروه في الدائرة الصغيرة
نجيبو اللونين الازرق والابيض
بالبانسو الرقيق نديرو الزهرة تاعنا من الخارج بالزرق والبانسو الخشين نديرو الداخل بالابيض ونحاولو نمزجوهم شوية
ونلونو قلب الزهرة بالاصفر
ونكمل بقية الاهار بنفس الطريقة حتى نتحصل على العمل نتاعنا
ملاحظات هامة
*حاولي تخدمي بتاني من اجل نظافة العمل نتاعك لانو تطاير قطرات الالوان على قطعة القماش يخسرهالك
*باه تستعملي الالوان جيبي الغلاق وصبي فيه القليل من اللون المراد واخلطيه بالقليل من الفرني لاعطاء اللمعة وللمعان اكثر ممكن تضيفي البعض من اللماع
*ممكن الاخوات يختارو اي رشمة اخرى للتلوين
فقط يراعو انها تكون رسمة بسيطة مثل المعطاة في الدرس وعندها نفس انواع الازهار لانو مازالت دروس اخرى ان شاء الله نتعلم منها انواع اخرى
*خلى العمل نتاعك حوالي اربعة وعشرين ساعة باه ينشف وكي ينشف اقلبيه على ظهرو وعدي عليه المكواة من اجل ثبات اكثر للالوان
هنا رابط مفيد نتمنى تستفادو منو
https://www.djelfa.info/vb/showthread.php?t=1103846
هنا ننهي الدرس الاول
نتمنى تكون الخطوات مفهومة
بالتوفيق للجميع
التطبيقات توضع واخر اجل لوضعها يكون يوم السبت المقبل ان شاء الله
ما شاء الله عمل رائع الف شكر للاخت كيا و لكي ايضا فيفي و بالتوفيق للجميع
مشكورة فيوزة على التشجبع
ربي يوفقني ندير ولو نوارة صغيرة
لكن جزيل الشكر على الدرس
ربي يقدرنا
شكرا على المجهود
الف شكر ليكم حبيباتي فيفي و كيا على الدرس
ان شاء الله اول ما تتوفر المواد راني نبدا معاكم
بالتوفيق للجميع
السلام عليكم
شكرا جزيلا على الدرس الواضح ….
عندي أسئلة من فضلكم :
1- رقم اللون الأخضر المستعمل لأنني مازال مشريتش و عجبني اللون المستعمل …..
2- نخدمو عادي : القماش فوق الطاولة يعني منحطوهش في القرقاف ؟؟؟ متخرجش البانتورة منو ؟؟؟
شكرا جزيلا و بارك الله فيكم
تحياتي
|
المشاركة الأصلية كتبت بواسطة lili rose
 واو ما شاء الله عمل أكثر من رائع
ربي يوفقني ندير ولو نوارة صغيرة لكن جزيل الشكر على الدرس
|
العفووو اختي ان شاء الله نشوفو تطبيقك
مساء الخير لبنات
بالنسية للون 43
|
المشاركة الأصلية كتبت بواسطة kokotg
ربي يقدرنا
شكرا على المجهود |
العفووو
وربي يعاونكم ونشوفو تطبيقاتكم
على بالي شاطرات
|
المشاركة الأصلية كتبت بواسطة sondse1
اسعد الله مسائكم حبيباتي
الف شكر ليكم حبيباتي فيفي و كيا على الدرس ان شاء الله اول ما تتوفر المواد راني نبدا معاكم بالتوفيق للجميع |
اهلا سندوسة
ان شاء الله قريبا تلقاي الالوان
بالنسبة ليا انا رحت لحانوت معروف في مدينتنا مالقيتش
والحاونت لاخرين كاين فيهم
حاولي تبحثي في حوانت اخرين
بالتوفيق
|
المشاركة الأصلية كتبت بواسطة زهرة الهضاب 19
السلام عليكم
شكرا جزيلا على الدرس الواضح …. عندي أسئلة من فضلكم : 1- رقم اللون الأخضر المستعمل لأنني مازال مشريتش و عجبني اللون المستعمل ….. شكرا جزيلا و بارك الله فيكم تحياتي |
اهلا زهرة
بالنسبة للون راها قاتلك كيا 43
اما عن الخدمة هيه تقدري تخدمي نورمال على القماش مباشرة
الرسمة سهلة والقماش لازم يكون في مكان مستوى
باه تقدري توزعي الالوان مليح
اما عن الطاولة
ممكن تتسرب ليها الالوان
انت احترسي وفرشي حاجة للقماش نتاعك
اوراق بيضاء مثلا
|
المشاركة الأصلية كتبت بواسطة kiya
مساء الخير لبنات
بالنسية للون 43 |
اهلين استاذتنا
واش راكي ان شاء الله بخير
الحمد لله لقيت الالوان الاساسية المطلوبة
خلصولي الميزانية
ههههه
للاسف الميديوم ماشريتش
الحق ماسالتش عليه اصلا
لانو الالوان لقيتهم شوي غاليين
قوليلي كيفاه نعمل
لازم الميديوم باه نخدم الحاشية هكاك
كون نخدم بالفيرني مثلا مايصلحش
|
المشاركة الأصلية كتبت بواسطة kiya
مساء الخير لبنات
بالنسية للون 43 |
شكرا جزيلا على الاجابة … و راني نقلكم من ظك راني نسقسي بزاف 
خاصة في الدورات هههههه…..
تحياتي
|
المشاركة الأصلية كتبت بواسطة fifiarch
اهلا زهرة
بالنسبة للون راها قاتلك كيا 43 اما عن الخدمة هيه تقدري تخدمي نورمال على القماش مباشرة الرسمة سهلة والقماش لازم يكون في مكان مستوى باه تقدري توزعي الالوان مليح اما عن الطاولة ممكن تتسرب ليها الالوان انت احترسي وفرشي حاجة للقماش نتاعك اوراق بيضاء مثلا |
فيفي يعطيك الصحة على الشرح و التوضيح …..
أنا حابة نسقسيكم كامل سهر القارورات تاع البانتورة عندكم ؟؟؟؟
أنا شفتها عند واحد ب 200 دج …مالا قلت نزيد نشوف حوانت أخرى و نزيد نسقسيكم ثاني …شكرا