السلام عليكم صحا صحوركم لحبابات
حبيت نسقسيكم على لخميرة لي يضيفوها للحريرة طريقة عملها وجزاكم الله كل خير
في انتظار ردودكم صحت صحوركم
……………..
والله اول مرة نسمع بيها
خميرة الزرع، ديري التشيشة تاع الزرع (الفريك هو تشيشة القمح والخميرة هي تشيشة الزرع) وتغسليها مليح من بعد تنفخيها فالماء وتخلطيها مع شوي فرينة وتخليها فالثلاجة ووقت ما توجدي حريرتك ترفدي على حسب الحاجة مغرف او اكثر او اقل وتحليها فالبويون البارد باش ما تكورش الفرينة وتخليها طيب على نار هادئة حتى طيب التشيشة وبالصحة والهناء
حنا في الغرب نديروحا لازم تحضري الفرينة قد نص غرفية و تزيديلها مغرف صغيرة تاع خميرة الخبز و نص غرفية ماء و خبيها على الاقل 3 ايام قبل ما تستعمليها انا راني نطيب بيها في هدا رمضان اذا كان عندك سؤال قوليلي
muslimone
mrc bcp hanouna
nada ui hedi hiya li ikot nhawass aliha mrc bcp ana teni mlgharb (maghnia)