السلام عليكم
هاذ الوصفة بالخبز بالبايت تفكرتها لما قريت البيتزا انتاع أم أثري و عجبتني ، هكذا باش نقضو على ظاهرة رمي الخبز البايت
أولا حكمي الخبز البايت قطعيه دوائر رقيقة غطسيهم في البيض مخلط مع الحليب و قليهم في زيت حامي ، لما يتحمرو غادي يجي لونهم شباب، رمديهم في السكر و قدميهم مع القهوة أو الشاي ، و لي ما يحبش السكر ما يعملش .
ملاحظة : في حبة بيض أضيفي 2 ملاعق كبار حليب ، و ما ترميش كل الخبز في البيض على خاطر غادي يشربلك كل البيض ، و انما غطسي بالحبة.
و كيما قالت الأخت ألمازة إذا جاك ضيف على غفلة عمليها ، على خاطر سريعة التحضير و اقتصادية و بنينة و منظرها شباب . و بصحتكم.
يعطيك الصحة
يما كانت تديرهالنا كي كنا صغار
و الله احنا تاني كي كنا صغار كانت يما تديرهولنا يعطيك الصحة
بلا مزية نينا و سفيان . بصحتكم
* حتى نحنا لحد الآن نديروها، شكرا.
العفو اختي همس
بارك الله فيك
هكذا حتى نقضي على التبذير