المقادير نفس عجينة البقلاوة +خميرة
كيلو فرينة + 200 غ مارغرين التوريق + حبة بيض + قرصة ملح + 2 خميرة كيميائية + حليب أو ماء دافئ
حطي الفرينة + المارغرين طريها بيدك متذوبيهاش+ قرصة ملح و بسي مليح بيدك زيدي حبة بيض و خلطي مليح ثم الخميرة و لمدي بالحليب أو الماء حتى تولي شوية يابسة على عجينة البقلاوة
خليها ترتاح
اقسميها 4كريات شوية كبار و حلي كل كرية و اقسميه على 6
حلي كل قطعة في الماشينة ابتداءا من الرقم 2 ثم 4 ثم 6 ثم الرقم الأخير
خليها طويلة و رشيها بالمازينة كثري شوية
لويها حربوش ما ترخيش اضغطي شوية كي تكوني تلوي
قطعيها مقروطات شوية صغار كل واحد كيفاش يحب صغار أوكبار الحربوش اقسميه على 3 مقروطات
ضعي حلال رقيق في وسط المقروطة و اضغطي مليح
ثم مشي بشوية حتى يخرجو الحواشي ثم مشي الحلال فوق الحواشي جهة واحدة دوري للأسفل و الأخرى للأعلى حتى تولي هكذا
سخني الزيت مليح و يكون الزيت غزير ثم نقصي للنار و اقليهم مع رمي الزيت فوقهم عند القلي
ثم عسليهم مليح يجو هايلين ومورقين عن تجربة عدة مرات
أعتذر الصور غير واضحة شهية طيبة
رووووووووووووعة و كل شيئ ره واضح
انت الاروع شكرا لمرورك نورتيني
بارك الله فيك
يعطيك الصحة حلوة لذيذة وشهتيناوهذا الوقت .
لكن مفهمتش حاجةلهي دوري للاسفل وللاعلى كيف ذلك .
بارك الله فيك
يعطيك الصحة
ماشاء الله عليك ختي شاطرة في دروسك
راهم هايلين
wasfa ana nhabeha bezzaf we dayretha:
يعطيك الصحة يا الشاطرة
هايلين
ربي يحفظك ختيتو ،، طريقة واضحة جدا يعطيك الصحة
|
المشاركة الأصلية كتبت بواسطة بشرى2017
 بارك الله فيك
|
و فيك بركة
|
المشاركة الأصلية كتبت بواسطة benlahlo
يعطيك الصحة حلوة لذيذة وشهتيناوهذا الوقت .
|
الله يسلمك حنونتي
|
المشاركة الأصلية كتبت بواسطة benlahlo
لكن مفهمتش حاجةلهي دوري للاسفل وللاعلى كيف ذلك .
|
كي تعودي تحلي فيها دوري و عوجي في اتجاه الأعلى و الجهة الأخرى دوري للأسفل