الحمد لله 2024.

بسم الله الرحمن الرحيم
السلام عليكم اخوتي و اخواتي في الله اريد ان اطرح لكم مشكلتي و ارجوا منكم النصيحة خاصة لمن يملك خبرة اخثر مني في الحيات انا فتاة في سن 23 طالبة جامعية و هاذا العام إن شاء الله نتخرج انا من عائلة متوسطة الحال و محافظة جدا و الحمد لله رغم فتن هذه الحياة الا اني جامي خرجت من الطريق خاصة العلاقات المحرمة المهم انا كاي فتاة جء بزاف يخطبوني الا اني كنت ارفض بسبب دراستي الا ان في احد الأيام رحت رعرس و شافوني و جاو يخطبوا وهذه المرأة تخطبني لولدها من عائلة امي المهم بعد اصراري على الرفض ماما كنت تقنعني بيه لأن ماديا لاباس بيه و كان قابلين نكمل قرايتي و نخدم وبعد اصرار امي وافقت عليه لاكن كنت خايفة لأن كان يخدم في الدرك الوطني…… المهم وافت مبدأيا لاكن طلبت امه مني انه قبل مايجي يشوفك الشوفة الشرعية يشوفك في الجامعة فوافقنا لاكن اختوا بلا متقولنا اعطاتلو نيمروا نتاع التيليفون و كلمني و طلب يشوفني في الجامعة و انا تقلقت بزاف من تصرف اختوا المهم شافني و عجبتوا و قال لماماه عجبتني و جا يشوفني الشوفة الشرعية لا كن ابي طلب مني ان الشوفة تكون بالحجاب فوافقت على الفور لأني لم أرتح له في البداية كي شفتوا المهم شافني و اعطالي الدراهم كما العادات فرحت اموا بزاف و زغردت واختوا تانب و صراحة كانت اموا ماشاء الله وهنا بدأت مشكلي . هذا الشخص لم يكن طبيعي كان يكلمني بزاف و انا ماكنتش نرفد عليه لأن لم تكم حاجة رسمي بيناتنا وفي احد المرات كلمتني اختوا قالتلي ارفدي عليه حاب يحكي معاك ………………………… وقلتلها اوكي لاكن ميكثرش الهدة و هنا الكارثة انا كي كنت نرفد عليه كان انسان جرييييء جدا و انا كنت حشامة جدا ماكنتش نحكي بزاااف و كان يسألني اسألة غريبة مثلا كم وزنك شعرك وين يوصل واش لبستي في العرس لي شافاتك ماما فيه صدقوني اسألة جد غريبة انا مانيش علابالي انا لي معقدة ولا هو لي غير عادي وقالي نحب الطفلة تلبس الحطة بويسك ماكانتش عاجباتوا لبستي لأنها كانت محتشمة ( سبحان الله )المهم كمن نحكي معاه في حدود و الحمد لله وكان يكلمني في اوقاة متأخرة من اليل و ماكنتش نرفد عليه الا انوا في احد المراة طلب مني بمقابلات في الجامعة فرفضت وقلتلوا حتى ادا قابلتك بعلم امي و امك و ماعجبووش هاذا الحال صدقوني مررت بأعصعب ايام في حياتي و في احدالأيام يعني بعد 3 اسابيع من هذه الخطبة و مزال اسبوع للفاتحة بعثلي مساج اظحكنييييي بزااف قالي اسمحيلي مانقدرش نفرحك عندي مشاكل في الخدمة و راني مسافر صديقوني ماكنتش علابالي انه كاين عباد كما هكا طبعا بعث هذا الميساج لأن امه رفضت تقولنا وحشمت …………..ونا الأن في حالة نفسية سيءة جدا ماكنت علابالي ان الزواج عن طريق الحلال كيما هكا هل الشباب مثل هكا ؟؟؟؟؟؟؟؟؟؟؟؟ صديقوني راني تعقدت عمري كامل و انا نحافظ على نفسي بش يجي واحد تافه كيما هكا يلعب ببنات الفاميليا صديقوني انا احمد ربي ليل نهار لأن بعدوا عني خاصة انوا حسيت بلي راهوا بعييييييد على ربي بزاف قولولي يا شباب ها لي تجي تخطبوها لازم تتكلموا معاها كيما هكا وهل الفتاة المحتشمة اصبحت غير صالحة للأستهلاك………………..
السلام عليكم و رحمة الله و بركاته.

,اش نقولك أختي

كل واحد و كيفاش يخمم

؟؟؟؟؟؟؟؟؟؟؟؟؟؟؟؟؟؟؟؟؟؟

انا لا أنصحك

و الله عادت تغيضني عمري كي نشوف بنات يتهمو فينا بالباطل بسبب طيش شاب لا يمثل شبابنا بففففففففف

لا تثريب عليك اختي

كاين عباد كيما هكذا يشرطو بنت الفامليلا ويقولو عيينا نحوسو باه نلقاوها ونهار اللي يلقاوها يضيعوها وهوما الخاسرين

قالك يخلف ربي على الشجرة وما يخلفش على قصاصها

مريت بتجربة كما انتاعك واشنو انا نشفتلو ريقو طلب يشوفني برة قولتلو والله ما تصرا حتى يجي يخطب رسمي بعدما بعث باباه ثم قولت لبابا يحدد موعد للرؤية الشرعية وتمت بفضل الله شفتو بحجابي قبلنا بعضانا كيما عارفة روح فرحانالارض ما تهزوش ويقولهم الحمد لله لقيتها كيما نحبها و لغدوة عيطتلي اخته قاتلي حاب يحكي معاك قولتلها مازال ما درناش خطبة رسمي ونفضل بعد الفاتحة يفرج ربي سبحانه هكذا كامل باش يشد فيا ونشد فيه ونرضيو ربي سبحانه ويباركلنا في زواجنا لكن هو فهمها حاجة واحد اخرى راح لخمدتو وبعدها بشهر رجع نرومالمو باش نديرو فاتحة فسخ الخطبة ودار الهربة تسلك انا ما حوستش عليه وكلت ربي عليه للموت والله ما نسمحلو تخيلي الكارثة العظمى مادها حتى في واحد راح يعتمر ويقول يارب اغفرلي خطيبك اموا بعثلك ميساج قال اسمحيلي

على العموم ربي معنا وحنا رضيناه يجي النهار اللي يرضينا فيه ونوليو نضحكو على هذا الذكور اللي خطبونا

ربي يرزقك زوج صالح

يا اشراف برحمة الوالدين غير الموضوع و نحي هاذي العبارة "يا شباب ها لي تجي تخطبوها لازم تتكلموا معاها كيما هكا وهل الفتاة المحتشمة اصبحت غير صالحة للأستهلاك" قلبي وجعني منها بفففف الله يهدينا

قولي الحمد لله صباح وعشية .. ربي خلصك منو و تأكدي ان شبابنا ماشي قاع كيف كيف وانا مين قلتيلي غني عرفت بلي كاينة حاجة ماشي نورمال التحت … وخاصة انو طلب يشوفك فالجامعة قبلا يعني انسان سيء للغاية … وتأكدي ماشي قاع الشباب كاين شباب طائش مايعرفش المسؤولية والزواج عندهم لعبة و خاصة هاذو العائلات الغنية ما نحكمش عليهم كامل ولكن اغلب من سمعت بهم هاكذا .. الله يهديهم وكيما قتلك احمدي ربي صلاح وعشية ..

كاين بزاف من هاد النوعية ربي يحفضنا و يبعدنا عليهم زعمة يدخلو من الباب لكن يفسدوا حياة البنت و يوسوها و يخرجوا ربي يهدي و ما تقلقيش روحك بيه اختي انسايه و ارجعي كيما كنتي وما تنسايش الطيبون للطبيات و انتي طيبة ربي راح يبعثلك واحد كيفك ان شاء الله

كاين بزاف يااختي قولي الحمدالله ربي هناك منو
ربي يعوضك خير ان شاء الله

لا يا ختي لا تحزني بل افتخري بنفسك و احمدي الله لانه ابعده عنك قبل فوات الاوان

الحمد الله المهم اتعلمي كان المفروض لاتكلميه في التلفون الا بحضور شخص من اهلك وفي امور تخص الزواج مش قصرة
المهم راكي تهنيتي
ربي يوفقك

ربي يفرج عليك

رجاء يا فتيات لا تأخذو طيش وخداع بعض الشباب معيارا لإتهام كافة الناس به