السلام عليكم
جبتلكم اليوم مقادير الجوزية القسنطينية خاصة اني شفت الاخت ام كوثر تحوس عليها بزاف
المقادير :200غ جوز محمص و مكسر باليد وانصاف جوز للتزيين…300 غ عسل…3بياض بيض …75غ ماء…..250غ سكر عادي….فانيلا
التحضير :
نضربو البياض مع الفني ورشة ملح حتى يولي جامد
نحضرو سيرو بالماء والسكر ونخليوه يغلي ……..نسخنو العسل على نار هادئة وكي السيرو يجهز (135درجة ) نضيفوه للعسل ونخلطو شوي فوق النار ثم نحيوه ونصبوه بشكل خيط رفيع على الميرانغ لي حضرناه بصح بلاما نحبسو الخلاط 
.…نبقاو نخبطو حتي نتحصلو على ميرانغ ايطاليان ( هاذ الميرانغ يستخدم في دهن لي تارت كلّي كريم شانتي )
نرجعو للموضوع… لما تبدى الجوزية تجمد نحطو الوعاء في حمام مريم على نار هادئة (الوعاء لازم يكون إينوكس إذا كنا نستعملو خفاق كهربائية أو يكون الوعاء تاع العجانة هو أصلا إينوكس ) نستمرو في الخلط بملعقة كبيرة او سباتولا كيما قلت بدون توقف باه تنشف الجوزية
وهاذ المرحلة تدي شوي وقت وجهد حوالي ساعة ونصف 
لما تجهز الجوزية نحيوها من حمام مريم ونضيفو الجوز المكسر ونخلطوه ونفرغو المزيج في بلاطو مغلف بورق سولفيغيزي ونعدلو السطح بوضع ورقة أخرى على الوجه ونملسو باليد ونوزعو أنصاف الجوز
باه لما تجمد نقطعو كل قطعة فيها نصف
نتمنا تجربيها يا ام كوثر وتفوليلي كيفش جاتك
أنا نشتيها بزاف 
تبارك الله عليك يا الحبيبة
ماشاء الله
شكرا لك يا الزينة على ردك ( إسمك كي اسمي )………….
جربتها اكثر من 6 مرات و دائما لا تجف و رغم ذلك ناكلها
مرحلة الخلط بالملعقة (1ساعة) لا اطبقها لانها تتعبني
الله يبارك نجربها ونردلك الخبر
شكرا حبيبتي على الوصفة الممتازة ومزيدا من التميز
و الله تشهي
رائعة بارك الله فيك معناتها الجوزية هي النوقة
اجمل تحية لكي
رائعة ربي يبارك
الف شكر على الوصفة الرائعة اختي
السلام عليكم
الله يخليك و يحفظك يا اختيnadiem
من مدة و انا نحوس عليه خارج وداخل النت ومالقيتهاش
ربي يعطيك ماتتمناي
نجربها أكيد
و نجيبلك تشوفيها
محبتي و تقديري
الله يبارك
بارك الله فيك اختي
بارك الله فيك ذوقينا منها نموت عليها ان شاء الله نجربها
remadna……ضوء القمر….fella47……faci samia……ناصر رندة ……..ام ظافر ..ام كريم….ام خيرو ….fawda l7awasse………………..
شكراااااااااااااااااااااااااااااااااااااااااالكن على المرور والردود الجميلة ربي يخليكم