السلام عليكم ورحمة الله وركاته
الكوزينا هدي عندي مدة وانا نوجد فيها وكنت تفاهمت مع بروقتي الحلوة نحلها
حبيت نشكر حبيباتي اللي فرحولي كيدخلت لدار جديدة ووسع عليا ربي الله يوسعها على الكل وحابة نتفكر معاكم حبيبتي واختي في الله زهرة اللي عندها مدة مابانتش ان شاء الله خير
حياتي الكل تمنيت كوزينا شابة ووواسعة اعطالي ربي زوج الله يبارك الاولى في الطابق الارضي هي اللي راني نخدم فيها واللي فوق مازال ماعمرتهاش ادعولي ربي يسهلنا في الدين نقضوه وربي يعطي لكل اخت ويحن عليها
اتفضلو هدي كوزينتي
هدي الوعدة الصغيرة اللي درتها فال للدار ولادي عرضو صحابهم وجاوني خياتي وفاتت روعة الصور بنت اختي اللي صورت ربي ينجحها في البيام ونفرحو بيها
وهدي الكوزينا الفوقانية
هدي الطابلة لتحت ناكلو فيها
كادو تاع اختي
الزيراوي باش تحلو
سنيوة لقهوة العصر
الله يجلعها كوزينة مربوحة وعتبة خير عليك ان شاء الله
راه النث ضعيف عندي مابان ليا والو غير قرعة ازيس ليكيد واقيلا راكي ديري اشهار للشركة ههههه
الله يسهل لك في قضاء ديونك بادن الله وتعمري الكوزينة وكل البيت ويحفظ من كل عين تشوف وماتقول بسم الله
فقط نوصيك بالاكثار من الصلاة على النبي راه تقضي الديون
ماشاء الله لا قوة الا بالله روعة ام ياسين عتبة خير ان شاء الله و ربي يجعل بيتك عامر بالخيرات يا رب و يسد دينك و يوسعلك في رزقك يا رب
نروح نجيب الباروك و نرجع
الله يجلعها كوزينة مربوحة وعتبة خير عليك ان شاء الله
الف الف مبروك الكوزينة عزيزتي ام يس والف مبروك الدار تتهني بيها وتعملي فيه ا الافراح
الصور راح كبار راني في انتظارهم باش نتوقب مليح ولي عودة بالباروك
الله يبارك ام ياسو ماشاء الله ربي يهنيك في دارك الجديدة ولعقوبة ليا ولجميع الحبابات
هدا باروكي
ألف ألف مبرووووووووووووووووووووووووووووووووووووووووووووووو وووووووووووووووووووووووووووووووووك الدار الجديدة وعقبال ماتعمريها ان شاء الله
مبروك عليك اختي ام ياسو الكوزينة لجديدة انشاء الله تكون عتبة مربوحة عليك كوزينتك منظمة ومرتبة الله يبارك وربي يسهلك في قضاء الدين ويسهلك امورك وتزيدي تعمري كوزينتك لخرى
لبنات ماعندي ماندير صور اللي صورتهم ببورتابل وليدي ماحب حتى مركز يحملهم غير هدا اصبرو شوي ولا نوضو على 4 تاع الصباح تشوفوهم هههههههههههههه
ادرارية عليه افضل الصلاة وقتلتيني بالضحك على ازيس ههههههههههههههههههههه
منبعد نزيد نحط
ام محمد تقتلني على الصور
مبروك الكوزينة الجديدة
ماشاء الله والله يقدرك وخلصي دينك ونكملي قاع واش في بالم الكوزينات متحوفيين ماشاء الله لي عودة انشاء الله
مبروك عليك الدار لجديدة تتهناي فيها ان شاء الله
هدا لعشا تاع لبارح
هدا باروك
ام يس راهم خرجو الصور الله يبارك الوسع والرحمة وتعيشي وتديري الفال
بقى غير كادو اختك ما شفتوش
هذا باروكي كثرتلك اللحومات علابالي بيك تحبي اللحم هههههههه
وهذي قهيوة عملتهالها خفيفة كيما تحبيها منعنعة نحي بيها التعب
هذو كليناهم براا تاع لفرااز رووووعة روعة مانحبش الباتيسري مي هذي تاع لفراااز خفييييفة و فيها وحد لاكرام هايلة منعشة هههه
عذرااا ماعنديش الحلو من داري جبتلك لي هميناهم برا…ان شاء الله تحلى ايامك فالدار لجديدة كتر وكتر
