مرحبا بيكم اخواتي وصح فطوركم
يسعدني اني نفتتح جزء جديد من واش طيبتي اليوم في العشر الاواخر من رمضان وقت التحضيرات للعيد
دون ان نهمل استغلال هذه الايام المباركة من تسابيح واستغفار وقراءة القران
هيا يا ابنات جيبو واش حضرتو للعيد
جيبولنا كواليس تزيين الحلويات تاعكم وشاركونا افكاركم بلاك ندو فكرة من بعضنا البعض
هاذي تحضيراتي انا من كوزينتي
ومازال غدوى ان شاء الله نزين قاطو النيGرو ونزيد غريبة وبقلاوة والحمد لله
هيا دخلي وسمي بسم الله وحطي واش طيبتي مالح ولا حلو نقبلو كلشي ما تبخلوناش 
بسم الله ،، حبيبتي ام ساجد الف مبروك الكوزينة دخلنا هذا بالصحة و الهنا و ربي يتقبل منا و يغفر لنا في هذه العشر الأواخر من رمضان المبارك
تفضلي باروكي للكوزينة بما انه وقت السحور جبتلكم باش تتسحرو السفة و الرايب و العنب
و بالنسبة لتحضيرات القاتو هذا واش درت اليوم صابلي و مازال ما كملتهش
و الحمد لله حمدا كثيرا طيبا مباركا فيه
اللهم اعنا على ذكرك و شكرك و حسن عبادتك
الف مبارك الكوزينه اختي ام ساجد ان شاء الله تكون كوزينة أفراح وخير
الله اليبارك يعطيكم الصحة ومبروك يا ام ساجد الكوزينة الجديدة الله يجعلها مبروكة
الله يبارك فيكم اخواتي ليزا وسماسيم يعطيكم الصحة
ليزا هذاك المسفوف اممممممممم يهبل يعطيك الصحة
حبيبتي ام ساجد ماشاء الله على الحلويات ومبروك افتتاح الكوزينة ومع يمات العيد رايحين نعملو جو رائع ان شاء الله
هذه بعض واش حضرت
راني درتو بالابات ماجيك وكيلت الحليب درت نصها حليب نصها ماء الزهر وزدت لكستري تع الماء الزهر و2ملاعق لحظة
هنا راني طيبتو غير من التحت قلت في الويكاند نشعلو من الفوق نحمرو شوية لانه يجي شوية محمر وبعدين نعسلو سخون هكذا يقعدلي جديد ثم نزينو بالبيستاش او لوز افلي او كريات ارجونتي
هذه حلوة المعجون وحلوة الترك
الله يسلمك اختي حفيظة ومرحبا بيك معانا
واش خدمتي قاطو ولا مازال
الله يبارك ام اسلام واية يعطيك الصحة
قوليلي التشاراك العريان هو نفسو العريان ولالا
لالا ام ساجد ماشي شاراك العريان هذا راه بالعجينة السحرية وبعدها نعسلوه ونرشوه بالبيستاش يتشبه لشاراك سوريا
شكرا ام اسلام واية ونقدر نخدم التشاراك العريان بالعجينة السحرية
ربي يخليك ام ساجد هذا من ذوقك يا الحبيبة 
ام اسلام مازال راني نستنى في وصفة المقروووووظ خخخخخ راه يبان فيييييلم يعطيك الصحة:d:d
الف الف مبروك الكوزينة ام ساجد ان شاء الله تكون عتبة خير للجميع
هذه طيابات الايام الماضية و تحضيراتي للعيد
ام ساجد الف مبروك لكوزينة كلش يهبل رنا نشمو في ريحا تاع العيد في لبلاد رني نكتب ونبكي توحشت نصوم ونعيد تم والله غير كرهت هدي لغربة لي شوف فيها وحد ربي يخليك لزوجك و ولدك آمين يارب العالمين
اهلا بالعزيزة ام سهام صاحبة الاطباق الجميلة يعطيك الصح كلشي من يدك روعة
بصحتكم