السلام عليكم ورحمة الله تعالى وبركاته
يسعدني كثيرا ان افتتح هذا الجزء من الكوزينة
اتمنى ان تكون خفيفة ومفيدة للجميع
اهلا ومرحبا بكم اخواتي
<img src="https:// www.foxpic.com / V0TiycZk.jpg” border=”0″ alt=”الجيريا” onload=”” onerror=”this.src=’/wp-content/tasbih.jpg’;” />
https://www.foxpic.com/V43IZXGd.jpg
تمنياتي لكن بوافر الصحة وكثير الاستفادة
الدار داركم و الكوزينة كوزينتكم
مرحبا بكم
يسعدني ان أكون اول رد
الف الف مبروك اختي ام اسلام جارتي وحبيبتي لعزيزة
ليا الشرف إنّو تكون شاف كيما انتي بنت بلادي تفتخر بيها وباعمالها وطيابها ربي يعطيك ما تتمناي حنونة
ونقول لكامل لبنات سامحوني برك على الغياب والله راني شايطة واحد الشيطة غير ربي اللي يعلم بنت خالت زوجي عرسها نهار الأربعاء درتلها المقروط وزوج قاطووات هدية مني ليها راهي اكثر من اختي نحبها فوق الحق ونتمناولها غير الخير واليوم راني شفت قريوش نتاع زينوبة الحبوبة ان شاء الله ناوية نديرو غدوة الا كتب ربي
وزيد فوق هاذ الشئ راني نكمل في حوايجي نتاع العرس ختكم شحلاطة ما تقنعنيش حاجة وزوج خخخخخخ فيا هاذ الديفو كل عرس هكذا الميسيو هبلتو مسكين ربي يكون في عونو
نرجعلكم بالجديد ان شاء الله
مساء الانوار الف مبروك على حبيبة قلبي ام اسلام الغالية دخلت لقيت كوزينة جديدة بالربح ان شاء الله اكيد رايحة تكون كوزينة خفيفة متل صاحبتها الجميلة طيبة القلب
ام اسلام الغالية كترينا من التااااااااااااي والمقروض واطباقك كلها في القمة ماشاء الله محترفة ربي يبارك في عمرك حبيبتي
في السهرة ان شاء الله نجيب الباروك
الف الف مبروك الكوزينة الجديدة ام اسلام يا رب تكون فاتحة خير على الجميع
و اطباقك روووعة يعطيك الصحة
هذا باروكي
تارت درتها لعشية
تستاهلي اكثر من بعد نحمل الصور و نجي
الف الف مبروك حبيبتي الكوزينة الجديدة ربي يبارك و يفرحك و تكون مربووووووووووووووووووحة على الجميع لي عودة
اطباقك ام اسلام هااااااااااااايليييييييين
باروكي نصه من الارشيف القريب و نصه من عدايا نتاع اليوم
ليزيسكالوب باني و الأرز هذا كان غذايا
[IMG]
[/IMG]
و سلطة من تحضير زوجي ح ق ههههه
و الحمد لله على نعمه الكثيرة
مساء الخير وألف ألف مبروك الكوزينة وهادا عشايا اليوم والحمد للاه. 
. 
. 
. 
. 
. 
اسمهان المبدعة مساء الانوار حبيبتي ربي يعينك حبيبتي وماكانش خير من مساعدة الاهل الحمد لله عندي نفس العادة زوجي يمد دراهم وانا نهادي بالحلويات ربي يفرحك كما تفرحي غيرك ان شاء الله وملبوش لهنا يارب
ام وسيم التارت اممممم حبيبتي يعطيك الصحة
ام نسرين العزيزة كيف الاحوال حبيبتي كنت نراجع في كوزبنة ارزاق ربي يحميلك الامورة وتشوفيها في اعلى المناصب يارب
ام نسرين حبيبتي لو سمحتي سؤال الامتحانات 3، 4جوان كيفاه يديرو 4اختبارات في اليوم سامحيني على كتر الاسئلة هرجناك ولك الف شكر عزيزتي
[size="6"]حالف مبروك الكوزينةالجديدة حبيبتي الغالية ام اسلام تتعمر بالخيروالخمير ان شاء الله والله راكي اخت عزيزة على قلبي[/size
ام نسربن اممممم ماشاء الله كله رائع وانا ندي السلطة باش نتعشا بيها ونحلي بالرولي من بين ايديك الحلوة
ام يسرا لعزيزة نموت على مأكولاتك تقول نقعد نتفرج معاها ماشاء الله مازالني سخفانة على السمنيات تاع دوك النهار امممم رائعين ربي يبارك في صحيحتك
|
المشاركة الأصلية كتبت بواسطة oum yousra
 مساء الخير وألف ألف مبروك الكوزينة وهادا عشايا اليوم والحمد للاه.
. . . . . |
ام يسرى اممممممممممممممممم و اممممممممممممممممممممممممم هايل عشاك كيما اللي نبغي يعطيك الصحة
|
المشاركة الأصلية كتبت بواسطة زينب66
اسمهان المبدعة مساء الانوار حبيبتي ربي يعينك حبيبتي وماكانش خير من مساعدة الاهل الحمد لله عندي نفس العادة زوجي يمد دراهم وانا نهادي بالحلويات ربي يفرحك كما تفرحي غيرك ان شاء الله وملبوش لهنا يارب
ام وسيم التارت اممممم حبيبتي يعطيك الصحة ام نسرين العزيزة كيف الاحوال حبيبتي كنت نراجع في كوزبنة ارزاق ربي يحميلك الامورة وتشوفيها في اعلى المناصب يارب ام نسرين حبيبتي لو سمحتي سؤال الامتحانات 3، 4جوان كيفاه يديرو 4اختبارات في اليوم سامحيني على كتر الاسئلة هرجناك ولك الف شكر عزيزتي |
الله يسلمك حبيبتي و ربي يحفلك وليداتك و يفرحك بيهم
ماكان حتى ازعاج على الرحب و السعة بالنسبة للاختبارات ينطلقو من 3 جوان بصح شكون قال يكملو 4 جوان لالا المفروض يكون اختبار في المواد الاساسية و اخر في مواد النشاط مثل التربية التشكيلية و الموسيقية و البدنية او واجد ماذة علمية وواحد مادة حفط عل حساب مستوى التلاميذ المهم ما يفوتوش زوج في اليوم
اما اذا كانت المؤسسة تابعة لمراكز الامتحانات نتاع السيزيام او الباك او البيام يمكن للمعلم البدء قبل هذا التاريخ باش يكمل في الوقت و ما يكترش على التلاميذ المواد
مساء الخير عليكم حبيبتي ام اسلام الف مبروك عليك كوزينة ان شاء الله يجعلها عتبة خير عليك وعلينا يارب ماشاء الله طريقتك في تقديم الأطباق روووووعة ربي يعطيك صحتك يارب
أكيد جدد ميعرفونيش عندي بزاف مدخلتش راني نعرفكم كامل لكن للأسف ظروف منقدرش ندخل يوميا لكن كوزينة ما فاتتني دائماً مراجعة دروسي ودليل ام ياسو مسرراة نتاعنا راح تقتلنا ومازال مقالتش على حوامل ربي يكمللهم على خير يارب ولعقوبة لكامل محرومات
ومننساش نبارك لحبيبتي لمسرارة راها تعرف روحها على بورتابل وراني خبرت جارتي إسبانية ووحدة برتغالية وقلتلهم خبروا أهاليكم ربي يفرحك ويعطيك ماتتمناي يارب والف مبروك عليك حفظ القران
ونشكر كامل لحراير تعلمت منكم حوايج بزاف ربي يحفظكم راكم حبيباتي وأخواتي وونيسي في غربتي
ام يسرى هذ الصورة ما خرجتليش في الاول هي نفس عشايا نتاع اليوم برك انا درته بالديول و زدت معاهم بيضة كاملة و درته في الفور من بعد نجيب الصور
|
المشاركة الأصلية كتبت بواسطة اسمهان79
يسعدني ان أكون اول رد
الف الف مبروك اختي ام اسلام جارتي وحبيبتي لعزيزة ليا الشرف إنّو تكون شاف كيما انتي بنت بلادي تفتخر بيها وباعمالها وطيابها ربي يعطيك ما تتمناي حنونة ونقول لكامل لبنات سامحوني برك على الغياب والله راني شايطة واحد الشيطة غير ربي اللي يعلم بنت خالت زوجي عرسها نهار الأربعاء درتلها المقروط وزوج قاطووات هدية مني ليها راهي اكثر من اختي نحبها فوق الحق ونتمناولها غير الخير واليوم راني شفت قريوش نتاع زينوبة الحبوبة ان شاء الله ناوية نديرو غدوة الا كتب ربي وزيد فوق هاذ الشئ راني نكمل في حوايجي نتاع العرس ختكم شحلاطة ما تقنعنيش حاجة وزوج خخخخخخ فيا هاذ الديفو كل عرس هكذا الميسيو هبلتو مسكين ربي يكون في عونو نرجعلكم بالجديد ان شاء الله |
ا
اسمهان ربي يجازيك على فعل الخير وربي يعاونك ان شاء الله عجبتني كلمة شحلاطة ربي يهني قريبتك ولعقوبة لكامل لعازبات
من فضلك حبيبتي راح نخليلك سؤال في قسم دردشة وجاوبيني ربي يحفظك ويعطيك ماتتمناي يارب
شكراااااا حبيبتي زينب كلامك عسل وحلو ربي يسعدك ان شاء الله
رحمة نورتي حبيبتي توحشت تعليقاتك حنونة
ام يسرى امممممممم شهيتيني حبيبتي زودتينا جوعتيني كاش ما بقى نجي ولا ما كان لاه نشقى سير راكم فريتو فيها بالصحة على قلوبكم حبيبتي
ام طير الجنة ما شاء الله كلش بالطبع بصح السلاطة ما خلاتش غير كي عادة من يدين الميسيو نشيتولو شوية باه ديما يعاونك خخخخخخخخ متزعفيش احبكي في الله
ام وسيم الطارطة هبااااااال رايحة تهدر ما شاء الله روعععععععة تسلم ايدك حنوووووونة