صباح الخير عليكم
كي صبحتوا انشاء الله ناشطين مع هذ الجو الربيعي الرائع
اول مرة نجرب هذ الوصفة و الحمد لله جاتني رائعة صدقووني مذاق كيري اترككم مع الصور و الشرح
المكونات:
2 لتر حليب
1 لتر رائب
4 حبات فرماج مثلث او 2 كيري
4 فصوص ثوم مبشور
كمشة قصبر و معدنوس مقطعين
فلفل و ملح (مع مراعاة ملح الجبن)
علبة للحفظ
الطريقة:
نضع الحليب و الرائب فو النار في كاسرونة كبيرة و نخلوهم يغلوا مليح لمدة 5 دقائق ثم نطفا النار
ثم نصفوهم و نخلوهم يقطروا حتى يبردو نضعهم في زلافة
ثم نضيف الى الخليط الاول الفرماج و نهرس بالشوكة او مهرسة البطاطا
بعدها نضيف القصبر و المعدنوس و الثوم و نواصل عملية الخلط
وللحصول على قوام رطب و متجانس نستعمل رحى الخضر
حتى يصير على هذا الشكل
بعدها نضع الجبن في علبة و بالملعقة نضغط على السطح و نغلق اعلبة و نضعه في الثلاجة
و عند التقديم نخرج العلبة من الثلاجة و نقلب الجبن في صحن و نقدمه
يمكن تقديمه مع سلطة او يؤكل مع الخبز
و اتمنى ان ينال اعجابكن و بالصحة و العافية و هذي قطعة من نصيب صاحبة اول رد
merci beaucoup c’est trés bon ya3etik essaha
|
المشاركة الأصلية كتبت بواسطة al ikhlasse
 merci beaucoup c’est trés bon ya3etik essaha
|
لا شكر على واجب اختي مانحسش روحي درت حاجة بلاما نشارككم بيها
ألف شكر على الوصفة
|
المشاركة الأصلية كتبت بواسطة بشرى2017
ألف شكر على الوصفة
|
المشكورة انت اختي على المرور العطر
يعطيك الصحة على الشرح الوافي
مشكورة اختي بارك الله فيك
eh yatik esaha kanet dirou mani lah yarhamha yatik esaha hanouna machkoura
يعطيك الصحة
تقدري ديريه في الميكسور يجي ارطب
راح نجربه باذن الله
و الماء المتبقي من الحليب انا نعجن به البيتزا او البريوش او البشاميل او تغلى فيه المقرونة
اهلا اخواتي حبيت نشارك بردي لاني معتادة نديرو وحقا انه لذيذ لكن انا طريقتي ابسط بكثير
نديرو خاصة كي نجي نفيض لحليب ونلقاه راب فنفيضو ونصفيه ونخليه يقطر مليح
ونضيف له الملح الفلفل الاسود الثوم المعدنوس و زيتون مقطع اسود او اخضر حسب المتوفر ويجي لذيذ
تعلمت هاد الطريقة على أمي الله يحفضها خاصة كي يفسد الحليب نستغلوه بدل ما نرموه
ان شاء الله المرة المقبلة نجربو باضافة حبات من الجبن اكيد راه يزيدلو النكهة
|
المشاركة الأصلية كتبت بواسطة remadna
يعطيك الصحة
تقدري ديريه في الميكسور يجي ارطب راح نجربه باذن الله و الماء المتبقي من الحليب انا نعجن به البيتزا او البريوش او البشاميل او تغلى فيه المقرونة |
اختي هادي فكرة جيدة نتاع تعجني بيه البيتزا ولا البريوش 
ساجربها ان شاء الله
بارك الله فيك حبيبتي
ج روعة مشكورة
بارك الله فيك نجربها ان شاء الله برك عندي استفسار هل هذه الطريقة زاكية يعني نحصل على كمية معقولة من الجبن خصوصا لبيت عايلة
شكرا
السلام عليكم مشكورة اختي بارك الله فيك