هااااااااااااااااااااي لبنات واش راكم؟
توحشتكم بزاف
اليوم جبتكلم طريقتي في صنع البيتزا الصيفية بالتفصيل
يلا نبدا
المقادير وطريقة التحضير معا اوكي
نحتاج ملعة كبيرة سكر، وملعقة كبيرة ونصف خميرة الخبز، وملح حسب العجينة انا درت ملعة ملح
نفرغ عليهم كاس ونصف حليب دافئ
وكيما راكم تلاحظوا الكاس المستعمل هو كاس لي نوكس
ونخلط الكل جيدا بالخلاط اليدوي
ثم نزيد اكثر من ربع الكاس واقل من نصفه زيت
ونخلط جيدا حتى تختفي الحبيبات ويتجانس الخليط
نضيف 2 كيسان فرينة مغربلة
ونحرك بالمغرفة جيدا جدا
نضيف باكي خميرة كيميائية
ونخلط مليـــــــــــــــــــــــــــــح
نضيفو الفرينة تدريجيا
حتي نتحصلو على عجينة لينة
ندهنوها بالزيت
ونديروها داخل ساشي ونخلزها تخمر مليح واحد الساعة غير ربع
في هذه الاثناء نحضرو الصلصة: صوص تومات عادية انا رابيت حبات طماطم مع سنينات ثوم وقرن فلفل حار خسلتو ودرتو كيما راه مقطعتوش ورند وملح زيت وفلفل احمر او هريسة وكسبر ودرت ملعقة صغيرة سكر باش متجيش حامضة
رابيت فرماج روج
قطعت الكاشير وفرماج مثلثات
غسلت الزيتون الاسود
قطعت الفلفل الاخضر حار وحلو دوائر
وجبت باطات تون
بعد ما خمرت العجينة
قسمتها الى ستة قطع انا الكمية هادي تاع العجين دارتلي 6 قرص بيزا 
كان عدنا غاشي هههههه
رجعت الخمس الباقية الى الساشي
وحللت وحدة بالحلال ودرت شكل دائري عادي
كيما موالفين نديرو البيتزا وحطيتها في بلا تاع الفور
من بعد درتلها الصوص تومات عادي
ثم بديت ندير في الحشوة كل ربع درتلو حاجة
ربع بالطون
ربع بالكاشير والفرماج
ربع بالفلفل
وربع بالزيتون والكاشير
ثم رشيتها بالفرماج رابي
ودخلتها للفرن المسخن مسبقا جيدا
هاهي بعد ما طابت
وقسمتها الى ارباع
هاذا الربع تاع الطون
شوف كيفاش جات خفيفة وطرية والبنة بلا ما نحكيلكم
وهذا تاع الفلفل
وهدا تاع الكاشير
اممممممممم
في الحق انا مكانش يدخل في راسي ندير الكاشير في الفور رايح ينحرق وييبس لكن جاءءءءءء هايل ما نحرق ما يبس جاء فوووووور
وهذا تاع الزيتون
واش رايكم؟
؟
؟
وهادا لكل من مر بالموضوع ولو مرور الكرام
ههههههههه
ومخلاليش رد ولو تشجيع
ومتنساوش دعو خير ياك
بااااااااااااااااي
يعطيك الصحة
غدوة نسحقها في الدار اوكي 
هههههه
|
المشاركة الأصلية كتبت بواسطة meharga
 غدوة نسحقها في الدار اوكي
هههههه |
ههههههههه اوكي ان شاء الله
بصحتكم تسلمي
اممم يعطيك الصحة راهي تشهي بصحتكم ختي
اممممممممم روعة راكي سخفتيني
|
المشاركة الأصلية كتبت بواسطة بشرى2017
يعطيك الصحة
|
يعيشك ختي شكرا على المرور
|
المشاركة الأصلية كتبت بواسطة حيهتى كلها امل
بصحتكم تسلمي
|
الله يسلمك اختي تعيشي
|
المشاركة الأصلية كتبت بواسطة ام مريومة
اممم يعطيك الصحة راهي تشهي بصحتكم ختي
|
هربي يخليك ختي لعزيزة شكرا على مرورك
|
المشاركة الأصلية كتبت بواسطة sousems
اممممممممم روعة راكي سخفتيني
|
ميسري ختي ان شاء الله نشوف البيتزا تاعك تاني
اممممممممممممممممممممممم باينة بنينة
بصحتكم
mmmmmmmm ya3e6ik al sa7a
السلام عليكم
ما شاء الله على طريقة التحضير
بارك الله فيك
واااااااااااااااااو انا صاييييييييييي ما نزيدش نشري البيتزا نتاع المحلات شكرااا ليك لحبيبة