دخلت للمطبخ الليبي ولقيت فيه خيرات وعجبتني هاذ الوصفة وطبقتها وخرجت هايلة قلت نفيد بيها اخواتي العزيزات 
المقادير الاصليةللوصفة/3كيسان ونصف فرينة و2 بياض بيض و2 مغارف سمنوملح وماء
المقادير لي درتهم */* 2كاس فرينة + مغرفة مارغرين طرية+ بياض بيض + ملح + ماء
نبل العجين تاعي عادي ونعجن انا استعملت العجانة لكنها ساهلة ونلفها في بلاستيك ونخليها تريح نصف ساعة
بعد ما ارتاحت العجيننقسمها الى 12 كويرة صغيرة
ونحط الكويرات في صينية فوق بلاستيك
ونغطيهم بمنشفة مبلولة ونعصرها ونخليهم يريح نصف ساعة
ومن بعد نحل كل قرصة بالنشاء ونحطهم مع بعض بين كل قرصة وقرصة نحط بلاستيك ونلمهم بمنشفة
ونخليها ترتاح ساعة كاملة ومن بعد نقلب القرصة ونبدا باول وحدة لانها ارتاحت اكثر وراح يسهل العمل بيها
وين تهزيها بيدك راح تتحل ونزيد نحلها بيدي ساهلةوالا معاك بنتك مثلا تحلوها مع بعض تكون اسهل
انا وحدي استعملت هاذ الطريقة جاتني ساهلة ماهلةوعاونتني ياسر
نحط القرصة لي حليتها فوق طاولة مدهونة بالزيت ونزيد الثانية بنفس الطريقة تكون الاولى نشفت لازم نخليها تنشف
وندهنهابالزيت ونحط فوقها الثانية ونزيد بنفس الطريقة الثالثة يعني 3كور نحلهم ونحطهم فوق بعض وندهن بينهم بالزيت
نقص الحواشي ونتحصل على مستطيل انا حتى الحواشي شكلتهم ما رميتهمش
نقص شرائط ونحط ملعقة من الحشوونلفها على شكل مثلث
انا درت الحشو تاع الكوكا وتقدري ديري اي حشو تحبي لكن لازم يكون ناشف
وندهنها بالبيض ونحطها طيب على نار هادئة
والنتيجة روعة عجينة مورقة وهشة جدا جدا والله روعة وخفيفة
الان جاء دوري باش نبدل في الوصفة 
بالطريقة لي تريحني وتخرج عليا
انا استعملت غير 3 كور وطيحتلي 12 حبة يعني تجي زاكية لكن بصراحة الطريقة متعبة شوي
فكرت اني نعمل منها كوكا ههههههههههلازم نبدل ونخترع من الوصفات
ال9 كور لي بقاو حليتهم بالنشاء على طريقة الشاف ام كوثر طبعا في لابات فيلو
نعمل بين كل قرصة واخرى النشاء ونحلهم مع بعضهم وكانت طريقة اسهل وبصراحة حتى العجين روعة
و يساعد في العمل
وزدت حليتهم مليح بمساعدة العصا
وقصيتهم شرائط ووكل شريط ندهن بالزبدة ونطبق حتى نتحصل على مستطيل صغير نحط ملعقة من الحشو
وندهن الحاشية بالبيض ونغلق الحبة
وندهنهم باليض +شوي خل + شوي حليب ونحطهم يطيب
وهاذي صورة جماعية
نتمنى يعجبكم الموضوع وكلمة شكرا تكفيني تحياتي للجميع
والف شكر لاختي بريق الامل لي ساعدتني في تعديل الصور ربي ينولك لي في بالك ان شاء الله
راااااااااائعة ام ساجد يا ام الافكار يعطيك الصحة
اممم مورقة روعة
شكرا لك اختي على الوصفة اللذيذة
و شكر اخر على المجهود المبذول في التصوير و رفع الصور
لتسهيل الشرح لنا
ماشاءالله ام ساجد افكار رائعة يعطيك الصحة
يعييييني تبان عجينة مورقة ربي يحفظك
هايلة أم ساجد
يعطيك الصحة ام ساجد باين بنان بزاف راح نجربهم انشاءالله
روعة ام ساجد يعطيك الصحة بصح ما فهمتش الطريقة الثانية كي نحل العجينة مليح من بعد نقص مستطيلات ومنبعد كيفاش ندهن ونطوي باش نحط الحشو فهميني
الف شكر ليكم اخواتي ربي يستركم ان شاء الله
يعطيك الصحة خرجتلك هايلا و مليح الواحد ينوع ٠ اختي عايشا في ليبيا و كي جي ديرنا هاد العجنة و ديرنا بيها نسيت واش يسموها؟ بيتا على ما اضن المهم يعطيك الصحة عزيزتي
|
المشاركة الأصلية كتبت بواسطة almazalina22
 روعة ام ساجد يعطيك الصحة بصح ما فهمتش الطريقة الثانية كي نحل العجينة مليح من بعد نقص مستطيلات ومنبعد كيفاش ندهن ونطوي باش نحط الحشو فهميني
|
شوفي اختي المازا الشريط طويل ندهن بالزبدة ونطبق على اثنان ونزيد ندهن ونطبق مرة اخرى تتحصلي على شريط صغير
نحط الحشو ونغلق ساهلة شوفي الصور مليح ودققي فيهم مليح راح تفهمي
ماشاء الله ياتيك الصحه والله وصفه جميله وأكيد بنيييييييين
يعطيك الصحة ام ساجد والصور روعة
بارك الله فيك اختي ام ساجد تسلم اديكي
عجبتني هااايلة تحسبيها عجين مورق الله يعطيك الصحة