بسم الله الرحمن الرحيم اود ان اطرح سؤالا عليكم و احتاج نصائحكم و ارائكم :
انا هذا العام ساجتاز شهادة البكالوريا ان شا الله واريد ان اتفوق بمعدل ممتاز و انا الان بصدد تعلم السياقة في مدرسة تعليم السياقة (لم اطرح الملف بعد )
هل استطيع التوفيق بين تعلم السياقة و الدراسة في البكالوريا علما انني سادرس دروسا خصوصية …ماهو رايكم ؟ البعض قال لي انها تعليم السياقة مجرد 3 شهور يعني من شهر سبتمبر الى شهر نوفمبر فما رايكم هل استطيع التوفيق بينهما ؟؟؟
انا صحبتي كانت تتعلم سياقة وتدرس فاتها شحال من درس ونغبنت بزاف وحسرت الباك
تستطيع التوفيق ادا نضمت وقتك فرخصة السياقة لا تتطلب وقت كبير هناك صعوبة في الكود فقط هو اللي لازمله حفض
وفقك الله
أختي إذا كان كنتي تعرفي تسوقي بلاك تقدري توفقي و إذا كنتي 0000000 كي حالتي ماكالاه،أنا شخصيا راني فت العام و مزالني حابسة فالكرينو و حكاية 3 أشهر يظهرلي مكانش منها خاطر حتى و تعرفي تسوقي قادر يجيوك عراقيل و permis يحتاج جهد و وقت و دراهم يعني لازم كل مرة تتعلمي و لازم تعقبي يعني هادو الحصص كامل أم يأثرولك على الباك و لاكان تاخدي برايي غير أجليه خاطر permis مين جاك تعقبيه بصح الباك ماش مين جاك تديه يا ختي بعقلك عقبي الباك و كي تديه مزالكي صغيرة وتعلمي سوقي لاه بين ليلة و ضحاها راح يشريولك طوموبيل و تسوقي؟؟؟؟؟؟؟إذا في رايي تريثي قليلا خاطر حتى الباك ماشي ساهل و هذا الكلام من مجربة يعني راني إجتزت الباك و فت على المرحلة هادي و دركا راني ندير ف permis يعني ماش سااااااااااااهل خلاص و العلم لله زيدي شوفي مع روحك
ربي يوفقك ان شاء الله.
السلام عليكم
في الحقيقة قبل 4 سنوات كان عندي نفس المشكل وفي ذاك الوقت قررت نهتم بدراستي ونفوت البارمي كي ندخل للجامعة
أما أختي الي ربحت الباك هاد العام غامرت عادي جابت البارمي في مارس وربحت الباك بمعدل جيد ودارت فارماسي كيما كانت تحلم
الله يسهلك أختي
انا نصارحك التفوق بامتياز يحتاج تضحية وصبر ووقت اشغل نفسك بقرايتك التفوق يحتاج منك جهد كبير وعام الباك مهوش ساهل والله نشفى لروحي عام كامل مرحت لعرس ومشبعت نوم تضحية وجهاد كباااااااار
والسياقة مش هاربة يعني هدا عام مصيري ركز في قرايتك وربي يوفقك