السلام عليكم و رحمة الله و بركاته
حابة نسال من فضلكن ممكن تقولولي كيفاش تطيب البطاطا الحلوة من غير طريقة الغلي و الشواء
يعني هل كاين كاش وصفة باش نطيبها عندي بطاطا حلوة و ما عرفتش كاش نطيبها
جزاكن الله خيرا
السلام عليكم حبيت نقولك بان امي كانت تعمل منها معجون confiture لكن االوصفة ما نعرفهاش
(حفظ الله امي)
ربي يحفظلك امك يطولك في عمرها
انا كنت حابة ندير بيها كاش طاجين لكن مادابيا لوكان تسقسي يماك ربي يخليهالك و تعطيني الوصفة لانه صحاب الدار يحبو المعجون و اذا مالقيتش كاش وصفة راني نديرها معجون
بارك الله فيك اختي
batata hlowa belkhorchof
من فضلك اختي كيفاش تتحضر بالخرشف
تقدري تديريها لابيري كيما البطاطا العادية
تقدري ثاني قراتان
مانكذبش عليك مانعرفش نطيب بيها جامي شريتها مي نشوف فتافيت زيدي حوسي في قوقل اكتبي اطباق البطاطا الحلوة وشوفي
ماما طيب الخرشوف عادي باللحم و الحمص….وزيدلهم البطاطا حلوة وجربي غير كمية صغيرة بلاك متعجبكش
مونية يعطيك الصحة اختي جربتها خطرة درتها كيما شطيطحة بطاطا معجبتنيش بزاف وحوست عالوصفات ملقيتش واش حبيت يعني الوصفات الي شفتهم ماشي بزاف و متعجبونيش
يعطيك الصحة اختي امينة يمكن نسييها لانه الخرشف مر شوية و هي حلوة بلاك يسرا توازن يمكن نجرب شوية ونشوف
انتضر تجارب ووصفات الاخوات الي هنا
السلام عليكم
شوفي تقدري طيببيها طاجين كيما طجين حلو وتجي هايلة اختي موفقة
يعطيك الصحة اختي يعني هي جي برك حلوة
منقدروش نخلطوها بخضرة واحد اخرى ولا بكاش حاجة باش ما جيش بزاف حلوة
تحياتي
واش يا النسا محسوب خلاص بطاطا حلوة معندهاش les recettes دياولها
هيا عاونوني نطيبهاقبل ما تفسد
كيكة البطاطا الحلوة بالجوز والزبيب
كوب وثلاث أرباع الكوب سكر +نصف كوب زيت
تهرسي البطاطا الحلوة بالفرشيطة +بيض +فانيلا
نزيد سكر والزيت والماء
و أخيرا الفارينة والقرفة والزبيب والجوز محمص
ونحطها في قالب مدهون بالزبدة والفارينة
كي تطيب
نعمل لكريمة صو السكر والحليب ومن فوق الجوز تجي هايلة ان شاء الله تعجبك اختي و ردي لي خبر و في معلومك هاد الوصفة أوروبية