تقريب كل رمضان نديرها مرة ولا زوج
قلت نحطها لكم تشوفوا طريقتي
انا نديرها بالدجاج
مقادير وطريقة التحضير
دجاجة واحدة حجم صغير وايضا حسب افراد العائلة ادا كانوا قلال نصف يكفي
بصل تقريب من 6الى7حبات متوسطة الحجم
معدنوس ربطة -ملح -فلفل -سكنجبير -قرفة -زعفران-زبدة او سمن
لوز منزوع القشرة ومقلي في زبدة ومرحي
6حبات بيض-ديول
ناخد الدجاج ونرحي في روبو البصل خشين شوي +زبدة ملعقة كبيرة
ونحط التوابل كامل والمعدنوس مقطع رقيق نقلي ونمرق
ونغلق على كوكوط قد ما يطيب الدجاج
ننزعه ونفته بجيه وحده
والمرقه هاديك نضيف لها البيض بعد ما نشفوها مليح من المرق تجي خاثره
الان نحضر بالديول
نضع اوراق الديول ثلاثة في صينية دائرية نصفها في الداخل والنصف الاخر في الخارج الصينية
وندهن بالزبدة دائبة الي قلينا فيها اللوز
وندير طبقة تاع دجاج ونزيد ورقتين من الديول بينهما الزبدة
ثم المرق الخاثر بالبيض ثم ورقتين من الديول مدهون بالزبدة
ونزيد اللوز مطحون فيه شوي قرفة وسكر رطب تقريب 2م ك
ونضع ورقة من الديول ونغلق الحواف نلمهم وندهن بالزبدة
الورقة الاخيرة نضعها فوق الكل ونغطي الحواف بيها وندهنها بالزبدة
بالصور راح تفهموا مليح
.
هنا نزعت الدجاج ودرت البيض
.
.
راها طابت هي في الحقيقة تزين بالقرفة والسكر الرطب انا ما يحبوش
ارجو الرد والتقييم راني صراحة تعبت في الصور والتحميل
يعطيك الصحة
يعطيك الصحة باينة بنينة و شكلها بعد يشهي يعطيك الصحة باذن الله نجربها و نردك الخبر كالعادة دايما متميزة
الله الله عليك خمسة و خموس
بارك الله فيك حبوبة و ربي يجعلها في ميزان حسناتك
انا نحبها بزاف درتها شحال من مرة يعطيك الصحة الأمنيات علي الوصفة
بارك الله فيك ودمت بصحة وعافية
يعطيك الصحة الامنيات واله نموت عليها
بارك الله فيك
كل رمضان ماما تعملها و هدا رمضان راها ضاربة عليها النح
روعة الله يعطيك الصحة
بارك الله فيكم وفي ردودكم ربي يسعدكم
احلى تقييم لاحلى امنيات روووووووووعة يعطيك الصحة ما شاء الله بصحتكم
بارك الله فيك اختي ربي يعزك اسعدني تواجدك
يعطيك الصحة الأمنيات علي الوصفة
بارك الله فيك
بارك الله فيك امنيات صدقيني ناوية عليها اليوم لكن بوصفة حنان
المهم احلى تقييم نظير تعبك اختي
مشكورة حنونة على الوصفة بارك الله فيك الحقيقة اول مرة نسمع بيها في منطقتنا مانديروهاش
شكلها يشهي يعطيك الصحة وبصحتكم
رووووووووعة حنونة تشهي مممممممممممممم وبارك الله فيك