مرحبا بالغوالي
اليوم جبتلكم طبق رائع تاع الروز بالجبن والقشطة .
نبد أ على بركة الله
هذه الكمية لي 3 أو 4 أشخاص
اللوازم :روز مفور .فلفل من المستحسن يكون أخضر وأحمر وأصفر .وإذا ماعندكش لا يهم ، بصلة كبيرة أو 2صغيرة
دجاج صدور ،4 أو 5 ملاعق كبيرة جبن كريمي وإذا ماعندكيش تاع العلب .معليش تاع المثلاثاث .بس الأحسن الكريمي ،علبة قشطة ،زبدة .التوابل (فلفل أسود .هيل ،جوزة الطيب ،زنجبيل ،قرفة ، كركم أو زعفران )ملح
طريقة التحظير :
1ـ نأخد كمية الروز ونحطها في ماء مغلي فيه القليل من الملح والزيت ونخليه يتنفخ
وبعدما ينتفخ شوية .نصفيه ونشلوه بالماء البارد ونحطوا في جهة ونغطيه
نأخد قدر نحط فيه الماء والدجاج والقليل من الزيت وقرفة وزنجبيل والهيل وجوزة الطيب والكركم والملح ونغلق عليهم حتى يطيب الدجاج
بعدما يطيب الدجاج .نصفيه وونفتة ،وماء الدجاج نطيب فيه الروز السابق
نحط كأسين روز منتفخ مع كأس مرق الدجاج وإذا جاك يبس تقدري تضيفيلوا المرق بكميات قليلة ومتحركيش بزاف .ميحبش يتحرك .أغلقي عليه ،في الأول زيديلوا النار .هو كي يغلي نتي نقصيلوا مره .خليه شمعة
خلي الروز يطيب في هذوء .وروحي حضري الباقي
نأخد مقلاة نحط فيها كمية من الزبدة .ونقطع فيها بصل شرائح .ونخليه يتقلى
بعدما يدبل مليح نضيف له الفلفل الحلو والتوابل السابقة إلا القرفة مانضيفهاش .ونحركهم شوية ثم نضيف الدجاج المفتة
نحركهم شوية ونخليوهم على نار هادئة .ومنخليوش الفلفل يدبال كثيرا .بعدما نحوهم من النار نضيف لهم علبة القشطة والجبن .بعدما نكونوا خلطناهم مع بعض
في هذه اللحظات يكون الروز طاب ويطلعلي مثل هذا
وفي الأخير وليس أخرا . نحبوا نخدوا الخليط تاع الفلفل والدجاج والبصل ونخلطوه كل مع الروز أو
نعمل طبقة روز وطبقة خليط ونكرر العملية .أنتي وختيارك سيدتي
تطلعلي هذه النتيجة
ثم نذخله الفرن ونخليه يتشرب الجبن والقشطة .مدة 10ذ إلى ربع ساعة .
وهذه النتيجة النهائية
وشهية طيبة .وإن شاء الله يعجبكم .لاتنسوني بالدعاء
وصح فطور الصائمين
تسلم الايادي مشكورة على المجهود……مممممممممم… شهيتيني ………………………………………….. ……………………….فقط لي ملاحظة اختي انو على حساب ما سمعت فالفتاوى انو جوز الطيب حرام نطيبو بيه لانو كيما قالو كثيرو مسكر فقليله حرام…….حنا الاحسن نتجنبوه……انا لست بصدد الافتاء لكن حاجة نعرفها نقول عليها لخواتاتي ……ولكي كل الشكر مجددا
merciiiiiiiiiiiiiiiiiiiiiiiiiiiiiiiiiii
merciiii ma soeur jak raw3a ya3tik lsaha
مممممم شهيتيني فالعطلة نجربها أكيد بنينة جبن وقشدة ورز وفلفل
راني نتخيل فالذوق ممممم شكرا يالفحلة خموس عليك
اكيد بنينة والقشدة هي لاكرام فراش ولا واش
يعطيك الصحة
امممممممممممممم يشهي
نحب الروز باي طرية تسلمي
وبانتظار جديدك
وصفة رائعة يعطيك الصحة
روووووووعه
|
المشاركة الأصلية كتبت بواسطة المتيقنة بالله سارة
 تسلم الايادي مشكورة على المجهود……مممممممممم… شهيتيني ………………………………………….. ……………………….فقط لي ملاحظة اختي انو على حساب ما سمعت فالفتاوى انو جوز الطيب حرام نطيبو بيه لانو كيما قالو كثيرو مسكر فقليله حرام…….حنا الاحسن نتجنبوه……انا لست بصدد الافتاء لكن حاجة نعرفها نقول عليها لخواتاتي ……ولكي كل الشكر مجددا
|
الله يسلمك ويهنيك
شكرا حبيبتي على الملاحظة .ولاكن حسب علمي والله أعلم إختلاف فيه العلماء .كاين لي يقول القليل منه لايؤثر .وكاين لي يقول .بل يؤثر .وختلاف العلماء رحمة .ولاكن سأحاول قدر المستطاع التأكذ من هذه الفتوى من فم المفتي شخصيا
ولا يهم لو نستغني على جوز الطيب .فهذا لايؤثر في الطعم
|
المشاركة الأصلية كتبت بواسطة ندى الورود95
merciiiiiiiiiiiiiiiiiiiiiiiiiiiiiiiiiii
|
العفو .
|
المشاركة الأصلية كتبت بواسطة الأمنيات
|
|
المشاركة الأصلية كتبت بواسطة sarra5
merciiii ma soeur jak raw3a ya3tik lsaha
|
أننتي الروع عزيزتي والله يسلمك ويعافيك