صح صيامكم جميعا حبيباتي ارجو منكم ان تعطوني طريقة جيدة لطبخ الراس اوبوزلوف والله جايني ضيف من الجزائر العاصمة على جالو حمرولي وجهي ربي يعطيكم ماتتمناو
بون اسمحيلي ممكن جيت متأخرة مي راح نعطيك طريقة تجي بنينة وشهية
شوفي حبيبتي شوطي الراس تاع البزلوف ونقيه وقطعيه ونحي المخ خليه بجيه وحكمي كوكوت مينوت ديري فيه حبة بصل قطعيها مكعبات وملح وتوابل وديريهم فيها وزيدي فلفلة حارة خليها كاملة غير باش تعطي الطعم موش تجي حارة لالا وغلقي
من جيهة احكمي المخ مرسيه 4 بيض التوابل معدنوس القصبر الثوم ورابي 3 حبات طماطم وملعقة طماطم مصبرة
خلطيهم كامل وخليهم بجهة
اقلي البطاطا
وفي بلا كي يطيب هذاك البزلوف نحي منه كامل العظومة وفي صينية ادهنيها بالزبدة ستفي البطاطا وزيدي البوزلوف وفي الاخير ديري هذيك لاصوص ودخليهم للفور نأكدلك لي ماحبش البوزلوف يولي يحبو
هذي هي طريقتي ان شاء الله نكون افدتك