صباح الخيرات والمسرات هذي اول ورشة ليا فالمنتدى نتمنى تفهمو الشرح وتستفادو منها اولا راح نبدا باسماء المشاركات فالورشة
ام هجورة
titi119
lusynda
sakura be
staifia
نهال13
ليلى الجزائرية1
risamin
shimafodda513
ام عبد الحق
اماني السلام
janino
واذا اي اخت حبت تنضم تنضم اليوم
راح نخدم البياسة بخيط الكوتون باغل باش تكون واضحة فالشرح وانتم الي حابة تخدم الكوفرلي تخدم بخيط الديامسي
نبداو على بركة الله بسم الله
اولااخدمي سلسلة فيها12 غرزة
سكريها بمنزلقة واطلعي بسلسلة فيها4غرزوديري عمود ب3لفات
وزيدي عمود اخر يولي عندك سلسلة بمثابت عمود وعمودين ب3لفات
ثم ديري 2غرز سلسلة و3اعمدة ب3لفات وهكذا
كرري العمل 7مرات
ثم اغلقي بمنزلقة ورفدي فوق كل عمود غزة حشو
ورفدي فالسلسلة 3غز حشو وسلسلةب3غرز و3غرز حشو اخرى
ثم ديري سلسلة فيها22غرزة
وسكريها بمنزلقة فالعمود الاول
ثم ارفدي فيها 12غرزة حشو
واطلعي بسلسلة فيها 4غرز
ورفدي 23عمود كل عمود فيه3لفات ثم سلسلة ب4غرز
ثم ارفدي فوق كل عمود غرزة حشو ثم 3غرز حشو فلسلسة و3غرز سلسلة و3غرز حشو
وزيدي كرريها ثم ارفدس سلسلة من22غرزة وسكريها فالعمود الي قبل كما فالصورة
وكملي بنفس الطريقة يولي عندك 4بتلات
اطلعي بمنزلقات فوق غرز الحشو الي فالبتلة الاولى باه نروحو للدور الي بعدو والصورة توضح
ثم ديري سلسلة ب6غرزوخلي عمود ورفدي فلي بعدو عمود ب2لفات ثم سلسلة ب3غرز ووخلي عمود وارفدي فلي بعدو عمود ب2لفات وهكذا حتى تكملي البتلة
ثم روحي للبتلة الي بعدها وخدمي نفس الخدمة
حتى تكمل كل البتلات
ثم ارفدي في كل فراغ 3غرز حشو سلسلة من3غرز ثم 3غرز حشو وهكذا حتى تكملي البتلات الربعة ثم تقطعي الخيط وتكوني كملتي البياسة
ثم نقوم بالتشبيك
وهذا رابط الحاشية
(https://www.djelfa.info/vb/showthread.php?t=1559375)
ولي خدمت تقدر تلصقهم بالابرة ةنفس الخيط تخيط بيه واذا مافهمتوش راني هنا
اما التشبيك ديري سلسلة فيها 12غرزة وسكريها بمنزلقة وعمريها ب36غرزة حشوثم سكري بمنزلقة واطلعي بسلسلة فيها18غرزة
وثبتيها مع البياسة بمنزلقة
ومنبعد ديري سلسلة فيها18غرزة وثبتيها في غرزة حشو بمنزلقة
اتمنى انو العمل يكون واضح ومفهوم ويلقى استحسانكم واسفة مرة اخرى على التاخير
بالتوفيق للجميع
اختي عندي ليك اقتراح
حطي ورة المفرش نتاع البياسة باش يعرفو واش من بياسة تخدمي فيها كاين اول مرة يشوف الموضوع
مجرد اقتراح
|
المشاركة الأصلية كتبت بواسطة kakpop
 اختي عندي ليك اقتراح
|
|
المشاركة الأصلية كتبت بواسطة kakpop
حطي ورة المفرش نتاع البياسة باش يعرفو واش من بياسة تخدمي فيها كاين اول مرة يشوف الموضوع
مجرد اقتراح |
السلام عليكم اختي مبارك افتتاح الورشة
انشاء الله راح نبدا التطبيق يبانلي الشرح واضح بارك الله فيك
قوليلي رقم الكروشي اللي راكي تخدمي بيه
شكرا كتييير ومبروك افتتاح الورشة اكييد رح ابد التطبيق انا كتيير متحمسة بارك الله فيك اختي وجزاك الجنة
بارك الله فيك يا غالية
|
المشاركة الأصلية كتبت بواسطة أم هجورة
السلام عليكم اختي
انشاء الله راح نبدا التطبيق يبانلي الشرح واضح بارك الله فيك قوليلي رقم الكروشي اللي راكي تخدمي بيه |
|
المشاركة الأصلية كتبت بواسطة sakura be
شكرا كتييير ومبروك افتتاح الورشة اكييد رح ابد التطبيق انا كتيير متحمسة بارك الله فيك اختي وجزاك الجنة
|
ايا الشاطر ورينا حماسك
|
المشاركة الأصلية كتبت بواسطة وليد مولودية
بارك الله فيك يا غالية
|
الله يبارك فيك اختي واش ماتنضميش لينا
سلااااااااااااااااام نائلية ورشتك جميييييييييييييييلة و الشرح روعة مشكوووورة عجبتني لبياسة 
حبيت نسقسيك يا لولو راني نخدم فدرا قريب نكملو كنت حابة نديرو ورشة نقدرو نستغناو على الثنية تاع الدرا لي تجي من فوق من جيهة المخايد ولا لازم نديروها ؟؟ ربي يحفظك
|
المشاركة الأصلية كتبت بواسطة jill
سلااااااااااااااااام نائلية ورشتك جميييييييييييييييلة و الشرح روعة مشكوووورة عجبتني لبياسة
حبيت نسقسيك يا لولو راني نخدم فدرا قريب نكملو كنت حابة نديرو ورشة نقدرو نستغناو على الثنية تاع الدرا لي تجي من فوق من جيهة المخايد ولا لازم نديروها ؟؟ ربي يحفظك |
ورشه هايله بارك الله فيك
ربي يخليك ختي
ماشاء الله عليك يا الحرة وين كنت مخبية ورشة رائعة ان شاء الله نطبقها ونوريلك التطبيق ربي يرزقك الدرية الصالحة ان شاء الله