اسم طفلي

وليدي أسمو رابح عندو خمس شهور انا نكره هذا الاسم راجلي فرضو عليا فرض وليت نكره راجلي على جال اسم وليدي و جامي عيطتلو باسمو و زيد كامل مسميان ولادهم السموات شابين عادو كي يسقسوني الناس كيفاش أسمو نقول لهم كيما حبيتو عيطولو راجلي سمى وليد وعلى بابه لي

ماعليش اختي اسم رابح مليح ان شاء الله تربحو وتسعدوا عليه لمرة هذي سماه هو ماتزعفيهش لمرة لجاية سمي انت واش حبيتي دلعيه عيطيلو pipo ساهل وخفيف ربي يحفظولك الصحة هي الفايدة ماشي الاسم يا اختي

ماعليش اختي ماتتقلقيش المهم يعيش بالصحة والهنا وان شالله طول حياتو رابح وتربحو عليه انت عيطيلو باسم اخر
ماتديريهاش مشكلة كبيرة
الحق الاسم ماعندو ماخصو يعني ماهوش قديم بزاف
انا اسم راجلي عمري لا سمعت بيه بصح تالمون نحبو والفتو ولا يجيني نورمال ههههه

الله ما أحلاه من اسم ياريت يكون رابح في حياته نموت على هدا الاسم ربي يخليهولك وما تديرهاش مشلة

شكرًا على إعطاءي من وقتكم

اختي انظري الي المعنى الجميل والمدلول الرائع ل هوالفال الزين كرري الاسم عدة مرات افهمي المعني ستجدينه رائع ربي يحفظ لك ابنك ان شاء الله
واذا حبيتي ناديه بالاسم الذي تريدين

الاسم عمرو لا كان عقدة او ربطة التربية والأخلاق هوما كلش
انما الامم الاخلاق…..
اختي انت ما ديريش عقدة لروحك من الاسم باه ما تنقليهاش لوليدك منو جاي ويولي غير يكره باباه ويعصيه

أختي والله ماكيش وحدك ، أختي غيركيما زيدت وسماتوا رابح على إسم شيخها الله يرحموا

ربي يحفظلك بنك انشاء الله متتقلقيش من الاسم اسمو كتبولو ربي سبحانو كي كان في كرشك وزيد كي نرجعو لدين الاب هو لي لازم يسمي ابنو او بنتو واذا حب يشاور الام واسم وليدك ماخصو والو انشاء الله تربحو عليه

اولا مبروك عليكم

فالحمد لله رب العالمين

متقلقيش بنت اختي وسمها. تونس مي نعيطولها نونو فقط

ما تتقلقي ما والو انا اخي الصغير اسمو ميلود سماه بابا على جدو وذوك ولفناه انا نعيطلو pipo

ما فاتش الحال اختي اضيفولو اسم في الدفتر العائلي وفي البيت وعيطيلوا بالاسم اللي بغيتيه ولي سقسيك اعطيلي الاسمين وين راه المشكل انتي امو وهذاك باباه واسم رابح شباب بالبزاف ان شاء الله يكون ربح عليكم في زوج

يا حبيبتي احمدي رب راهو رزقك بطفل
انا راني برك نتمنى ربي يرزقني بطفل و لا طفلة يعمرولي الدنيا نتاعي لا بغى نسميه قدور و لا عشبوش هههههه
ماديريش عقدة من هدا الاسم لانو راكي رايحة تورثيها لوليدك مين يكبر و يكره باباه و تولو حاصلين معاه
و الله اسم شباب رابح
متعقليش الميكي نتاع بالون يعيطولو الكابتن رابح والله كنت نموت عليه هاهاهاهاهاها
ايا ضحكي حبيبتي و احبي زوجك و ولدك و متعقديهاش لانو الدنيا فانية و متستاهلش