السلام عليكم ورحمة الله
حنا نديرو الماء يغلي في إبريق من بعد نضيفو البن المطحون ونخلطو، من بعد نقلبه 3 مرات في كاس نفرغ ونرجعن ثم نرجعه للنار يغلي ونحرك ثلاث غليات، من بعد نعاود نقلب ثلاث مرات ونسكب فالاخير ملعقة ماء بارد فوق القهوة باش تترصى مليح، نستناها 5 دقايق ولا 7 دقائق ونسربيها، تجي روعة وريحتها مليحة وما تجيش فيها حبيبات القهوة وكاين لي ديرها فالبريس وانا تاع البريس نكرهها تجي ثقيلة بزاف وكاين أيضا لي يديرلها الهيل مطحون ولا القرفة ولا الكبابة ولا ماء الزهر وكل واحد وكيفاش وشكرااااااااااااااااااااااا
ايه على القهوة كاين ناس ميستغنوش عليها في الحقيقة احنا في الدار معلابالناش بيها في الحقيقة مرات نطيبها في البراس ومرات نحط الماء يغلي ونحط عليه شوية قهوة بودر وكي يغلي نبقى نخلط فيه وممبعد ندير ابريق ونحط فيه مصفاة وندير القهوة بودر ونفرغ هذاك المغلى وكي تقطر نعمرها في التارمو وبالصحة والراحة
انا نطيبها في البراس وتجي مليحة والقهوة على حسب النوعية
اذا راكي قهواجية كيفي اخطيك من الززوة و الكافتيار وديري كيفي روحي للعلمة اشريالة صنع القهوة كينوود رائعة فعلا والله متندمي مخساراش فيها احسن قهوة والد قهوة ولازم قهوة لتشريها سبيسيال machine انا نستعمل لافازا ايطالية بنينة تهبل تبنلك صح تشربي في قهوة ماشي ماء اكحل وتتهناي من التلقام وهز الغلوة وتنزل التنوة …
الله يبارك يا بنات يعطيكم الصحة
meci مشو هدا اموضوع لطلبلتو
|
المشاركة الأصلية كتبت بواسطة minouch23
 اذا راكي قهواجية كيفي اخطيك من الززوة و الكافتيار وديري كيفي روحي للعلمة اشريالة صنع القهوة كينوود رائعة فعلا والله متندمي مخساراش فيها احسن قهوة والد قهوة ولازم قهوة لتشريها سبيسيال machine انا نستعمل لافازا ايطالية بنينة تهبل تبنلك صح تشربي في قهوة ماشي ماء اكحل وتتهناي من التلقام وهز الغلوة وتنزل التنوة …
|
و الله صح la machine à café مليحة بزاف بصح البروبلام في دار واحدة كل واحد يتوحم من جيهة واحد يقلك طيبيهالي براس واحد لالا انا لا ماشين خير 
الحقيقه ماعنديش طريقه معينه او مقادير مضبوطه بصح كي نلقمها كامل تعجبهم
ya khti hna q c soi fi dari wala darna bekri matechamich kamal rihat al kahwa wala chamitiha arefi kayan deyaf hihihihih psk kamal necharbou nescafée hihihihihih
بارك الله فيك