استفسار حول القلاصاج 2024.

السلام على احلى شاطرات بالمنتدى
عندي مدة وانا نحوس على طريقة صنع لي قلاصاج اللي يحطوهم فوق الطورطات كيما هاذو

اللي باللون الاحمر والبنفسجي ….
اتمنى ممن لديها الطريقة تفيدني بيها ولها كل الاجر والثواب
شكرا

هذه عجينة السكر و ليس قلاصاج

ختي نعطيك وصفة من عند وحدة اسمها djazia87holi ربي يعطيها ما تمنى شوفتها هناياوعجبتني راني جربتها وصلحتلي ليشوف قاطو تاعي قولي القلاصاج زين كيفاش درتيه وهذا هو رابط تاعها

https://www.djelfa.info/vb/showthread.php?p=1054029123

السلام عليكم اختي الصراحةانا نخدم الحلوى للعراس والعرايس والقلاصاج درتو بدل المرة الف وديما يسقسوني كيفاه نديرو ولما شفتك تحوسي على الطريقة حبيت نساعدك ونساعد اي
وحدة بغات يجيها القلاصاج لماع وهش من اول مرة الطريقة جد سهلة وهي:
ياض بيض طازج حسب كمية الحلوى مع رشة ملح اخفقيهم مليح بالباتور حتان يطلع زيديلو نص كاس تاي زيت ومغرف زبدة طرية وكاس تاي عصير الليمون والسر في هادو الثلاث انو الزيت والزبدة يعطو اللمعة والبريق للقلاصاج والليمون يخليه هش خليهم يندمجو مليح من بعد اقسمي كمية سكر القلاصي على 3 ومن الافضل سكر قلاصي المرجان لانو خاص للقلاصاج وزيدي الكمية الاولى من السكر وضربي مليح حتى يذوب السكر ومن ثم الكمية الثانيةحتى تتحصلي على formeثقيلة وفي الاخير خلي اللون في الاخير جيبي فنجان قهوة ماء الزهر وديري فيه اللون لي تحبيه وخلطيه مليح حتى يذوبو حبيبات الملون وزيديه للقلاصاج من بعد جيبي حبة حلوة واغمسيها فيه اذا لقيتيه ينزل بسرعة زيديلو السكر القلاصي ومن بعد خليه ينشف وراح تشوفي اختي اللمعة والبنة صدقيني انا عندي 8 سنوات وانا نخدم فيه وفيه انواع كثيرة منو فيه نتاع الحليب والسيرو والقهوة واللحظة والنسكافي والكاكاو وبغيت ناكدلك حاجة لما تحبي ديري قلاصاج الشيكولا مش بشرط انك تشري الشيكولا وتذوبيها و وتذويب الشيكولا صعب في الصيف لانك بعد طلي الحلوى بالشكولا لازم ما تخرجيهاش من الثلاجة لانها تذوب بسرعة وصراحة سقساوني بزاف نساء وعلاه ماتذوبلكش الشكولا قلتلهم انو قلاصاج نتاع الكاكاو بس الكاكاو الحلو ويعطي بنة شيكولا وهي نفس الطريقة بس الكاكاو خلطيه في ماء الزهر وزيديه للقلاصاج وانشاء الله نكون افدتك وافدت كل اخت حيرها القلاصاج وقلاصاج النسكافي والله غير بنة لون بني غامق بنكهة النسكافي الرائعة وهذا المفضل عندي انا دايما نخدمو ليا خصيصا وعيدكم مبارك

اقتباس:

المشاركة الأصلية كتبت بواسطة ام نعيمة هذه عجينة السكر و ليس قلاصاج

بوركتي اختي على الرد ولكن ليست بعجينة السكر
شكرا لك

اقتباس:

المشاركة الأصلية كتبت بواسطة maya1991 ختي نعطيك وصفة من عند وحدة اسمها djazia87holi ربي يعطيها ما تمنى شوفتها هناياوعجبتني راني جربتها وصلحتلي ليشوف قاطو تاعي قولي القلاصاج زين كيفاش درتيه وهذا هو رابط تاعها https://www.djelfa.info/vb/showthread.php?p=1054029123 السلام عليكم اختي الصراحةانا نخدم الحلوى للعراس والعرايس والقلاصاج درتو بدل المرة الف وديما يسقسوني كيفاه نديرو ولما شفتك تحوسي على الطريقة حبيت نساعدك ونساعد اي وحدة بغات يجيها القلاصاج لماع وهش من اول مرة الطريقة جد سهلة وهي: ياض بيض طازج حسب كمية الحلوى مع رشة ملح اخفقيهم مليح بالباتور حتان يطلع زيديلو نص كاس تاي زيت ومغرف زبدة طرية وكاس تاي عصير الليمون والسر في هادو الثلاث انو الزيت والزبدة يعطو اللمعة والبريق للقلاصاج والليمون يخليه هش خليهم يندمجو مليح من بعد اقسمي كمية سكر القلاصي على 3 ومن الافضل سكر قلاصي المرجان لانو خاص للقلاصاج وزيدي الكمية الاولى من السكر وضربي مليح حتى يذوب السكر ومن ثم الكمية الثانيةحتى تتحصلي على formeثقيلة وفي الاخير خلي اللون في الاخير جيبي فنجان قهوة ماء الزهر وديري فيه اللون لي تحبيه وخلطيه مليح حتى يذوبو حبيبات الملون وزيديه للقلاصاج من بعد جيبي حبة حلوة واغمسيها فيه اذا لقيتيه ينزل بسرعة زيديلو السكر القلاصي ومن بعد خليه ينشف وراح تشوفي اختي اللمعة والبنة صدقيني انا عندي 8 سنوات وانا نخدم فيه وفيه انواع كثيرة منو فيه نتاع الحليب والسيرو والقهوة واللحظة والنسكافي والكاكاو وبغيت ناكدلك حاجة لما تحبي ديري قلاصاج الشيكولا مش بشرط انك تشري الشيكولا وتذوبيها و وتذويب الشيكولا صعب في الصيف لانك بعد طلي الحلوى بالشكولا لازم ما تخرجيهاش من الثلاجة لانها تذوب بسرعة وصراحة سقساوني بزاف نساء وعلاه ماتذوبلكش الشكولا قلتلهم انو قلاصاج نتاع الكاكاو بس الكاكاو الحلو ويعطي بنة شيكولا وهي نفس الطريقة بس الكاكاو خلطيه في ماء الزهر وزيديه للقلاصاج وانشاء الله نكون افدتك وافدت كل اخت حيرها القلاصاج وقلاصاج النسكافي والله غير بنة لون بني غامق بنكهة النسكافي الرائعة وهذا المفضل عندي انا دايما نخدمو ليا خصيصا وعيدكم مبارك

شكرا حبيبتي اثرت انتباهي لهذا الجواب وسأجربه باذن الله
ولكن اظن ان الذي ابحث عنه والموجود في الصورة ليس نوع القلاصاج اللي نخدمو بيه القاطو التقليدي نتاعنا ولكن هو نوع اخر اظن ان مايطلق عليه هو اسم الجلايز glayz
تحياتي اليكي