اخوتي حبيت تعاونوني باش نلقى حل للموضوع ديالي
انا متزوجة عندي 3 سنين ورزقني ربي بزوج بنات الاولى عندها عامين والثانية اربعة اشهر.
وفجاة لقيت روحي حامل درت لتاست مند يومين
والمشكل ان الزوج ديالي محابش وطلب مني نهبطو
بحكم الظروف. الكراء قلة المدخول. مصاريف بنتي الكبيرة اللي عندها توحد متوسط
بصح انا محبيتش هذا الفكرة
من فضلكم عاونوني
الله اكون في عونك ارفضي فكرة الاجهاض اقنعه لا يمكنك قتل روح هذا رزق هدية من عند ربي كاين لي راهم مشتقين الذرية
يعني اختي نسالك سؤال بسيط مادام ظروفك المادية و حتى الصحية لبنتك هكذا علاش مادرتيش وسيلة لمنع الحمل الحبوب او اللولب..يعني قبل ما يوقع الفاس في الراس و اليوم الوسائل كثييرة و متعددة و اكيد تلقاي لي تناسبك..المهم قسوت عليك في ردي حتى تحتاطي مستقبلا و تاخذي ظروفك و ظروف زوجك بالحسبان
اما الان فقد حدث ما حدث انصحك بعدم الاجهاض لانه محرم .."ومن يتق الله يجعل له مخرجا و يرزقه من حيث لا يحتسب"
لا لا أختي حرام الجهاض و كل طفل يجيب رزقه معاه يا أختي قوليليوا وناه خير نجيب طفل و لا نمرض بكاش مرض لاقدر الله
الاجهاض راه قتل النفس ناس راهي تتمنى ربي يعطيها حتى 4 مورا بعض المهم يجيبوا دراري و هو حاب يقتلهم ربي يهديه .
اختي راكي اعطيتي رايك برك وانا محترمة رأي كل واحد فيكم، انا درت الاحتياط ولكن ربي كي يكتب حاجة واحد ما يقدر يوقفها. المهم رايحة نقنعوا بلي الرزق على ربي وصح كاين اللي متمني ولو واحد برك
والله يا اختي ماكي عارفه الخير وين راه بالاك هاد المزيود بسبتو يفتحها ربي عليكم من اوسع ابوابو
أختي خليه هو يروح الامام ويسقسيه اكيد رايح يقنعوا بتخلي عن فكرة الاجهاض
المشكل انو سأل وقالولو حلال قبل الاربعين يوما قبل نفخ الروح
قوليلو تروع لامام المسجد هو لي يفهموو يقنعو
تخيلي انك أجهضتي ومع الإجهاض تسببتي في ضرر في الرحم وأكيد بعد سنوات راح يقولك زوجك جيبي ولد للبنات .وش تكون ردة فعلك ؟
شكرا لكل اخت مدتلي رايها وعاونتني باش ننتبه لحاجات بزاف وانا نقولكم ما رايحاش نقتل اللي في بطني خشية املاق .ربي الي خلقو في الرحم هو اللي رايح يرزقو ويرزقنا معاه وجزاكم الله خيرا
يا اختي اعيد واكرر الإجهاض راه مش ساهل .أنا اول حمل ليا كان عمره 3اشهر ونصف لقيت البيبي ميت .صدقيني العذاب اللي تعرضتلو مليون مرة من عذاب الولادة
وعسى ان تكرهو شيئا وهو خيرا لكم .ان شاء الله يكون هدا المولود فاتحة خير عليكم
هذه نعمةمن الله تعالى لازم تنحيلوا فكرة الاجهاض من بالو و لازم يعرف كل مزيود اجيب الخير ديالو ان شاء الله تربحوا عليه و ربيافرحك
الحمد للله لي حسيتي بالرضى ..ربي ان شاء الله يرزقك الولد الصالح الصحيح المعافى البار بك و بوالده