جيبي سكر قلاصي (مرجان) و سيحيه باه يولي رطب مليح ضيفيلو بياض بيضة و 2 مغارف عصير ليمون و مغرف زبدة ذائبة او زيت و خلطي مليح و زيدي ماء الزهر بالتدريج حتى تتحصلي على خليط ما يكونش جاري بزاف ….ممكن ديري zeste او colorant كيما تحبي و موفقة.
انا هذا وين درته
فنجان ماء زهر وقارص وفنجان حليب وسكر وخلطي مليح
الله يخليكم قولولي كيش خرجلكم ماجاش قاصح؟؟
انا ديما يجيني يابس
كيفاه نديرلو ؟
حتى ينجح لك القلاصاج عندك طريقتين
1 تستعملي المقادير لفيها بياض البيض وضربيهم بالباتور بزاف
2 تضعي كمية قليله جدا من ماء الزهر و قطرات من عصير القارص حتى يعطيه لمعة
القلاصاج حنا عندنا بياض البيض والسكر قلاصي ماعليش لدرته بالسكر العادي و الماء الزهر والزبدة علاه 
|
المشاركة الأصلية كتبت بواسطة bouazza kadda
 القلاصاج حنا عندنا بياض البيض والسكر قلاصي ماعليش لدرته بالسكر العادي و الماء الزهر والزبدة علاه
|
مام احنا 0000000000000
طلعي بياض البيض**و عدد البيضات حسب الكمية الي تحوسي* كي يتماسك مليح زيديلوا مغرفة زبدة ذائبة و من بعد ابقاي زيدي في سكر قلاصي و كيما تحبي من بعد جاري شوي او يابس…
و بالتوفيق
و هاذ لقلاصاج تاع لعرايش و الكعك لملبس …..الخ
السلام عليكم اختي الصراحةانا نخدم الحلوى للعراس والعرايس والقلاصاج درتو بدل المرة الف وديما يسقسوني كيفاه نديرو ولما شفتك تحوسي على الطريقة حبيت نساعدك ونساعد اي
وحدة بغات يجيها القلاصاج لماع وهش من اول مرة الطريقة جد سهلة وهي:
ياض بيض طازج حسب كمية الحلوى مع رشة ملح اخفقيهم مليح بالباتور حتان يطلع زيديلو نص كاس تاي زيت ومغرف زبدة طرية وكاس تاي عصير الليمون والسر في هادو الثلاث انو الزيت والزبدة يعطو اللمعة والبريق للقلاصاج والليمون يخليه هش خليهم يندمجو مليح من بعد اقسمي كمية سكر القلاصي على 3 ومن الافضل سكر قلاصي المرجان لانو خاص للقلاصاج وزيدي الكمية الاولى من السكر وضربي مليح حتى يذوب السكر ومن ثم الكمية الثانيةحتى تتحصلي على formeثقيلة وفي الاخير خلي اللون في الاخير جيبي فنجان قهوة ماء الزهر وديري فيه اللون لي تحبيه وخلطيه مليح حتى يذوبو حبيبات الملون وزيديه للقلاصاج من بعد جيبي حبة حلوة واغمسيها فيه اذا لقيتيه ينزل بسرعة زيديلو السكر القلاصي ومن بعد خليه ينشف وراح تشوفي اختي اللمعة والبنة صدقيني انا عندي 8 سنوات وانا نخدم فيه وفيه انواع كثيرة منو فيه نتاع الحليب والسيرو والقهوة واللحظة والنسكافي والكاكاو وبغيت ناكدلك حاجة لما تحبي ديري قلاصاج الشيكولا مش بشرط انك تشري الشيكولا وتذوبيها و وتذويب الشيكولا صعب في الصيف لانك بعد طلي الحلوى بالشكولا لازم ما تخرجيهاش من الثلاجة لانها تذوب بسرعة وصراحة سقساوني بزاف نساء وعلاه ماتذوبلكش الشكولا قلتلهم انو قلاصاج نتاع الكاكاو بس الكاكاو الحلو ويعطي بنة شيكولا وهي نفس الطريقة بس الكاكاو خلطيه في ماء الزهر وزيديه للقلاصاج وانشاء الله نكون افدتك وافدت كل اخت حيرها القلاصاج وقلاصاج النسكافي والله غير بنة لون بني غامق بنكهة النسكافي الرائعة وهذا المفضل عندي انا دايما نخدمو ليا خصيصا وعيدكم مبارك
يعطيك الصحة ربي يزيدها في ميزان حسناتك