السلام عليكم،اتمنى ان تساعدوني في مشكلتي هذه،انا عاقدة بصح مازلت مادخلتش و زوجي من النوع الي إذا ضايقو شئ مايحكيليش إلا بعد ايام،وانا منحملش نبقى نطلع ونهبط.انا عكسو نطلع لي عندي ونقعد، هاد الحكاية تبانلكم تافهة بصح راهي تديرونجيني ياسر،احيانا نقول بالاك كي نولي معاه في دار واحدة نقدر نحلها.من فظلكم تجاوبوني علخاتر رايكم يهمني.شكرا مسبقا
مشكلة ………………….نتمنى يفيدوك ااعضاء لي عدهم تجربة
atamana dalik machkoura okhti
اااااااااااااااااايه يا اختي كاين رجال عايشين سنين مع نسااهم و ما يحكولهم وااالو
انت ماازال ما دخلتي دارو كي تتزوجو بربي يمكن تتغير الحالة و يولي يحكيلك كلش ايلا القاك تفهميه و ما تخرجي الهدرة لفلانة و علانة هههه لانو راح ايجربك و يشوف و الا القا سرو منشور هاو وجهي ايلا زتي سمعتي حاجة هههه
المهم الان افرحي بهد الفترة و خلي الامور تجي وحدها ما تزربي و مبررررررررررررررروك
السلام عليكم اختي
وإنت علاه لازم تعرفي كل شي كاين نوع من الرجال ما يحبوش يهدرو لأنو لما يشوفك ملّحة ممكن راح تولي في مشاكل معاه كل طالعة وهابطة تسقسيه خليه وحدو يحكي إنت سقسي مرة وإهتمي به لكن هذا لما تكوني في دارو الآن كيفاه يحكيلك ممكن مازال ما توالفتوش لدرجة يحكيلك كل شي نهار تكوني عندو وتعرفي باللي هذا طبعو ماكان لاه تحاولي تنحيه لأون خلق به سقسي مرة وإضربي النح خليه وحدو يهدا ويحكيلك
موفقة
تفاهمتي معاه على ذا الشي ولا لالا
اذا قلتيلو عليها وقالك منقدرش سكت ولا قالك نشوف اعرفي بلي هذي طبيعتو ولازمك تتعايش معاها فالرجال طباع و شخصيات
أما اذا قالك كلام ليجرح وعرفت بلي ماهيش طبيعة فيه وانما غير يكون يتطبع بيها حاولي انك تفهميه بلي راكم رايحين تبنو دار وهاك رايحة تعاني
و الاحسن انك متكبريهاش فأغلبها طبع
بالتوفيق
واذا حكينا عليهم يزيدو يتعقدو
لذا نسكتو خير
السلام عليكم
في البدايات كل واحد يتخذ اسلوب الحيطة والحذر ؟؟؟؟؟؟
الى ان تايي مرحلة الاكتشاف
فهو يسمع عن حواء وانت تسمعين عن ادم…………والاغلب مايلصق في الاذهان السلبيات ؟؟؟؟؟؟؟؟
اذا اردت اي شخص ان يحكيلك كل شيء اواي شيء,,,,,,,,,,,,برهني اولا انك تستحقين ذلك ( هنا مرحلة الاكتشاف )
كوني على قدر المسؤولية ,,,,,,,,,,,,,,,,من بعد ياتي كل شيء,,,,,,,,,,,,,,,,,,ونحن من نحدد كيف تكون النهايات
صح فطوركم
merci likoooooooooom kamel khawti ,ana jdida w kolt manalkach rad.rah na3mel b nassiha ta3kom w rabi ywafakni nchalla w ywafakom
ربي يوفقكم