القاطو هادا اسمو ليزورسا وهو قاطو طري والله القووو تاعو روعة هو عبارة عل كيك مي متخافيش تقولي يقعد يفسد لالا والله بالعكس على قد مايقعد على قد ماالقو يزيد بنة وهو نورمالمون يجي اسود فقط انا حبيت نجرب جديد ونعطيه منظر هيا معايا للمقادير:
مقادير ليزورسا الاسود:
*10عظمات و2كيسان زبدة ذائبة و 2كيسان سكر عادي و 2غناجي كاكاوو و 2غناجي خل صغار و2كربونات صغار 10غناجي فرينة
مققادير ليزورسا لبيض:
*نفس مكونات ليزورسا الاسود مي نحيلو الكاكاوو
مقادير كريمة الزبدة :
*نص رطل زبدة وعظمة و 2غناجي عسل و كاس سكر بودر انا منديرش بكريمة الزبدة باسكو نكرها هو يجي مليح باها مي انا نستعمل الميرانغ يجي قووووووو هاااااااااايل انا ننصحك ديريه بالميرانغ ولك الاختيار
مقادير الميرانغ:
*2بياض بيض بكاس سكر عادي …تباطي بياض البيض مع رشة ملح مليييييح مليح ومبعد تضيفي السكرتدرجيا
طريقة التحضير :
تباطي لعظام مليح وتضيفي السكر تدريجيا ولزبدة كيفكيف وتباطي وتضيفي الكاكاوو وتجيبي فنجان تخلطي فيه الكربونات والخل وتحركي حتى يدوب الكربونات وتصبيه في الخليط وتضيفي الفرينة تدريجيا
وادا كان عندك بلا كبير صبي الكمية كامل وكان بلا صغير صبي نص الكمية فقط وحطيه يطيب كي يطيب خرجيه وخليه يبرد شوية واقطعيه بطابع مدور ولا مربع كيما تحبي وادا معندكش بكاس التاي قطعيه وفرات
هزي 2قطعات ولصقيهم بالميرانغ وادهني الجوانب وكل الحبة واغمسيها في الحواشي تع ليزورسا الي بقات بعد ماتفتفتيهم بيدك حى يولو كيما حبات الكسكس واغمسي فيهم حبات ليزورسا المطلية بالميرانغ
وبالنسبة لليزورسا البيضة انا مغمستهاش كيما ليزورسا السوداء مي غمستها في النوادكوكو جات هايلة القو وامنظر
وليزورسا البيضة طريقة التحضير تعها كيما ليزورسا السوداء غير ماكاش الكاكاوو بلا مانقلكم
وتحطيهم فليكيسات وتاكلي بالصحة
والله ماتندمي كي ديرها والي تجربها تقولي رايها
وراني نستنا في ردودكم قولولي عجبكم ولا لالا
بصحتكم ربي إزين السعد
يعكيك الصحة
روعة ربي يهنيك حبيت نسقسيك انت من وين لان نقمتك نفس نقمت امي
اختي ما بانليش شكلو
هل يطيب او ما يطيبش و اذا ممكن الوصفة و الطريقة
و شكرا و ربي يزين سعدك
مبروك عليك
بصح وينهم الصور
الله يبارك بالهنا و زيان السعد
la recette svp merci
ممممممممممممممممممممم وعلاه محطتيش الوصفة ازربي
و مبروك العقد ربي يهنيك كون جيت على بالي بيك دايراتوا راني هجمت نهار العقد هههههههههه
|
المشاركة الأصلية كتبت بواسطة bent.alwah
 بصحتكم ربي إزين السعد
|
يعيشك حنونتي
|
المشاركة الأصلية كتبت بواسطة nawelz
يعكيك الصحة
|
مرسي اختي تعيشي
|
المشاركة الأصلية كتبت بواسطة sara aouassi
روعة ربي يهنيك حبيت نسقسيك انت من وين لان نقمتك نفس نقمت امي
|
حنونتي انا من تبسة وربي خليهالك انشالله وابلغيها سلامي وليا الشرف تكون نقمتي كيما نقمت الوالدة تاعك
|
المشاركة الأصلية كتبت بواسطة المنديل الابيض
اختي ما بانليش شكلو
هل يطيب او ما يطيبش و اذا ممكن الوصفة و الطريقة و شكرا و ربي يزين سعدك |
شكلو مدور حبيبتي ووي يطيب وانشالله دك نحط الوصفة والطريقة لعيونك
|
المشاركة الأصلية كتبت بواسطة wafa34
مبروك عليك
بصح وينهم الصور |
يبارك فيك حنونة والصور راني حاتطهم ماظهروش ليك ؟؟؟