ارز في الفرن من اسهل و الذ الاطباق . 2024.

مساء الخير حبيباتي في المنتدى .
حبيت نشارككم بطبقي هذا ( ارز في الفرن) بطريقتي الخاصة ونتمنى يعجبكم لانه فعلا يستحق التجربة
بدون اطالة نخليكم مع المقادير: ارز فاير (الاصفر) زيتون اخضر .جزر . بطاطا. طرف دجاج .بصل .ثوم وتوابل
1*نغلي الزيتون الاخضر

ناخذ طنجرة و نضع فيها البصل المرابي و الثوم وطرف الدجاج والجزر المقطع مربعات صغيرة و التوابل ( كسبر مرحي فلفل احمر طماطم مصبرة فلفل اكحل .و شويى هريسة الي يحب لحرارة كيما انا ) زيت ونقليها شوية ثم نمرقها و نخليها تطيب .قبل منطفيلها نضيفلها الزيتون المقطع دوائر باش يطلق البنة


في هذه الاثناء نقطع البطاطا مربعات صغيرة و نقليها في الزيت

ناتي الان للمكون الاساسي وهو الارز : ناخذ طنجرة لضغط * كوكوت* نضع لكل مقدار ارز مقدارين ماء انت و حسب الكمية الي اديريها المهم كمية الماء ضعف كمية الارز و نضيف ملح و زيت و مربع جومبو و للنكهة ورقة رند و حبات فلفل اسود

ثم نضيف كمية الارز و نخلطها نضعها على النار بمجرد ما يغلي الماء سكري الكوكوطة مليح ونقصي للنار لازم تكون قليلة جداا و خليها مدة 20د

من بعد نفتح الكوكوطة رح تلقاي حبات الرز مفصولين وتلاحظي فراغات في الرز صدقيني و الله روعة انزعي منو ورقة ارند و حبات الفلفل الاسود ثم اضيفيلو قطع زبدة وخلطيه ثم خليه لحين الاستعمال


بعد ما وجد كل شيئء . ناخذ بلاطو نتاع الفرن نضع فيه الارز ثم نصفي المرقة من الجزر و الزيتون المقطع و نضعهم فوق الارز

ثم نضيف البطاطا المقلية و الدجاج المقطع ونخلط الكل جيدا


ثم نسوي المول نتاعنا مليح ونسقيه بالمرقة حتى نلاحظ انو تسقى كامل ثم ندخلوا الفرن

نطيبوا كتلاحظي لنه تشرب كامل المرقة شعليلوا الفرن من الاعلى و خليه حتى يحمار ( انا شخصيا نحب الطبقة العليا تتقرمش ) ثم قدميه و شهية طيبة
نتمنى تجربوه لانه لذيذ و خفيف و بنين و كيما يقولوا حوحو يشكر روحو ههههههه

و هذا الطبق اكيد لاول وحدة ترد على الموضوع

ملاحظة : يمكنك اضافة الجلبانة مع الجزر .

QUOTE=manal01;12989622]امممممممممم يعطيك الصحة حبيبتي راهاتشهي[/QUOTE]