سلام الله عليكم اخواتي قولولي ابناءكم كي لحقو اربعة اشهر واش بديتو توكلوهم يعني نظامهم الغذائي و ربي يحفظلكم وليداتكم
السلام عليكم
اختي ابدايلها بالجارفي كاين تع دانون الازرق ماتعطيلهاش الي فيه اللملون الغ>ائي كيما لحمر او لصفر
ولا علاء الدين تانيت مليح مي الازرق
اومنبعد كي تكبر شوية بدليلها
تعيشي اختي قوليلي واش الجارفي هذا مافهمتش
ربي يبارك فيك اختي صامهد فهمتك و الفرينة مازال ولا نبدالها فيها
هل من مساعدة اخواتي
اشريلها الفرينة ديريلها فالبيبرونة برك وديريلها قاطو كاسكروط هاداك الخشين فالحليب تاني مليح وديريلها الجارفي الطبيعي الازرق كيما قالت الاخت مليح بزاف
سلام يا اختي شوفي انا ولدي وكلته مين كان عنده اربعة اشهر غير ذوقته الجارفي والكيري والله غير وليت في ندايمي مرضلي ودرتله التحاليل….حتى حبست عليه ريح
اما بنتي راني بديتلها في 6 اشهر بالخضر خفيفة ثم دخلت الفاكهه مهروسة والحمد لله ما مرضتش كيما خوها*لا يلدغ المرء من جحر مرتين*
راي انك تصبري *هاداعلى حساب تجربتي الشخصية*
انتي شوفي لراهي تشبع فقط بالحليب انا في الحقيقة بديتلو اربعة اشهر ب petit suisse كنت انزيدلو شوية سكر فيه وكنت نفور التفاح ونرحيه يعني كومبوت و الله عمرو مامرض وتعرفي فوائد التفاح وايضا البسكوت الخشين نشمخو في حليب كونديا
|
المشاركة الأصلية كتبت بواسطة ام مهدي 03
 اختى انا تاتى وكلت بنتى على 4 اشهر لكن هاذيك النهار تلاقبت صاحبتى بيدياتغى كانت ستاج فى فرنسا قاتلى اخر البحوث العالمية تنهى نهيا باتا عن اطعام الاولاد قبل 6 شهور
|
بارك الله فيك على التبليغ ، هذا صحيح .
السلام عليكم ورحمة الله وبركاته
أنا ولدي بديتلو في أربع أشهر بديتلو بالتفاح نطيبو في شوية ما ونرحيه ومديتلو الإجاص قشرتو ورحيتو الخوخ تاني مديتلو أما الخضر بديتلو البطاطا بشوية حليب من بعد قالولي مازال عليها الحال الجزر وجريوات ما حبهمش وليت نخلطلو (شوية بطاطا وجزر وجريوات وطماطم وكابويا وحتى اللوبيا خضرا) نغليهم مع سنة توم ونرحيهم مليح والحمد لله كلاهم هكا برك كي بديتلو نبقالو 3 او 4 ايام بنفس الحاجة من بعد ندخللو حاجة جديدة غير الخضرة مديتهالو مع بعضاها أما الفرينة بديتهالو مع الحليب من بعد وكلتهالو هي أول حاجة كي لقيتو متقبل الأكل زدتلو لحوايج لي قتلك عليهم والجارفي تاني مديتهولو عندي سمانة وصح كيما قالت الأخت سمعت بلي آخر الأبحاث تقول ما توكلولهمش قبل 6 أشهر بصح والدينا بداولنا في اربعة المهم ما لقيتش تاثير سلبي عليه
ربي يحفظلك بنتك
السلام عليكم ورحمة الله وبركاته
أنا ولدي بديتلو في أربع أشهر بديتلو بالتفاح نطيبو في شوية ما ونرحيه ومديتلو الإجاص قشرتو ورحيتو الخوخ تاني مديتلو أما الخضر بديتلو البطاطا بشوية حليب من بعد قالولي مازال عليها الحال الجزر وجريوات ما حبهمش وليت نخلطلو (شوية بطاطا وجزر وجريوات وطماطم وكابويا وحتى اللوبيا خضرا) نغليهم مع سنة توم ونرحيهم مليح والحمد لله كلاهم هكا برك كي بديتلو نبقالو 3 او 4 ايام بنفس الحاجة من بعد ندخللو حاجة جديدة غير الخضرة مديتهالو مع بعضاها أما الفرينة بديتهالو مع الحليب من بعد وكلتهالو هي أول حاجة كي لقيتو متقبل الأكل زدتلو لحوايج لي قتلك عليهم والجارفي تاني مديتهولو عندي سمانة وصح كيما قالت الأخت سمعت بلي آخر الأبحاث تقول ما توكلولهمش قبل 6 أشهر بصح والدينا بداولنا في اربعة المهم ما لقيتش تاثير سلبي عليه
ربي يحفظلك بنتك
ماتولفيش ولدك بالحلاوة، السكر ماشي مليح ليه، ادا تمديلو petit suiss nature،ماتزيديش فيها السكر،،،،،،،،فوريلو تفاح بدون قشر وامعسيه ومديه، امعسي شوي موز ومديهولوا، بصح البيسكوي!!!!!!!!!!!! اعتذر راهو وجبة غير ملائمة للكبير فما بالك الصغير ،تدخليلو المواد السامة، اقرأي المكونات ونتحداك اذا لقيتي مكون طبيعي فيه ؟!!! وزيد حليب كانديا او اي حليب بقر اخر خطير على صحته حتى بعد عام ومديهولوا،،،،،،ديريلو شربة خضر خفيييفة وديريلو فيها زيت زيتون ، وذوقيلو ، المهم ابدايلو بالشوي ،اغذية سائلة وخفيفة بكمية قليلة وبالتدريج باه توالف المعدة ، والبيض بعدي عليه الصفار حتى 8 أشهر ، والبياض بعد عام، انا الصفار مديرو لولدي في 6 اشهر دارلو تسمم ، سلكتها غاااالية وماخلاتليش الطبيبة بالتبهديل،
|
المشاركة الأصلية كتبت بواسطة ميرال النوي
سلام الله عليكم اخواتي قولولي ابناءكم كي لحقو اربعة اشهر واش بديتو توكلوهم يعني نظامهم الغذائي و ربي يحفظلكم وليداتكم
|
من رايي مزال الحال على الماكلة للطفلة صغيرة بزاف كل الاطباء ينصحو لحتى تقفل 6 اشهر باش تبداي توكليها باش ماتنضرش معدتها خاطرش مزالها تتكون
ربي يكبرها في طاعتو وتخرجلك ساجية ان شالله