السلام عليكم ورحمة الله وبركاته
ابحث عن وصفة لقلب اللوز ناجحة او مجربة من طرفكن
فأتمنى ان تفيدوني بها
تحيــــــآآتي
okht ial habiba ana jarabt had al wasfa w tji hayla mais tab3i al wasfa harfiyan wani dart ba3d al moulahadat li nchalah yfidouk
https://www.djelfa.info/vb/showthread.php?t=1017229
بــــــــــارك الله فيك غآآليتي
أشكرك جزيل الشكر
سأقوم بتجربـــــــــته
https://www.djelfa.info/vb/showthread.php?t=992385 had la recette tres reussi
ma tanadmich 3liha ana rani dayratha 7atta la voisine 3ajbatha
حقـــــــــــا جربتها و النتيجــة رَوووووعــــــة
الحمد لله كي خرجلك بنين
نشكرو مولات الوصفة بزاف بزاف
و حتى انا اول مرة نجح لي و الكل عجبهم
وانا وصفة جربتي اختي؟؟
ااختي اي وصفة جربتي وشكرااا
اختي انا حطيت الوصفة تاعي لعضوة واناكدلك بلي هي ناجحة جربيها ورجعيلي لخبر
moumkin t3awdili site ana haba ndirha wyaza3ma hazit wasfa ta3 oum kawtar
اختي انا جربت وصفة قلب اللوز الاقتصادي لإحدى العضوات و الله نسيت أسمها ربي يجازيها خير في
المرة الاولى درتو خشين مخرجليش ومن بعد رققتو و خليتو طاب مليح خرجلي روعة معنديش الرابط بصح اسمو قلب اللوز اقتصادي
جربي نتاع ام كوثر والله ناجحة بامتياز ما عنديش يومين من لي درتها وعجبت قاع اللي ذاقها وشنو انا درت فيها شوي اكستري نتاع اللوز الحلو او جات تقولي فيها اللوز هذا رابط الوفصة
سلام اختي راح نمدلك الوصفة وهدي مجربة كل مرة نواسوها في الدار ان شاء الله راح تعجبك
المقادير
كيلو سميد غليظ(تاع المقروط)
سكر عادي حسب الدوق
كاس زيت
قرصة ملح
عبر بوشون (غطاء القارورة)تاع ماء الزهر
كاس وشوية حليب
التحضير
خلطي السميد والسكر وزيت والحليب وماء الزهر وقرصة ملح مليح وغطيها وخليها ترتاح ليلة كاملة
وفي الغد سخني الفرن مليح وحطي الخليط تاعك في صينية وسويه مليح وطيبيه غير من التحت حتى تشوفي الاطراف والو حمرين عاد شعلي من الفوق
وفي نفس الوقت تكوني تحضري في الشاربات ديالك
600غ سكر
لتر ونصف ماء
بوشون ماء الوهر
لافاني او ليمون
من الاحسن تكوني محضرتها من قبل خليها تغلي حتى تعقد
فور خروج صينية من الفرن اسقيها بالشاربات لازم يكونو باردين وخليها تشرب وشهية طيبة
ملاحة
ادا حبيتي ديري الحشو
لوز مرحي شوية خشن+قرفة+زبدة+لافاني
بارك الله فيكم
ويعطيكم الصحة 
هناك وصفة قمة في الروعة أتمنى أن تجربيها جربوها الكثير من العضوات حتى أنا وكانت النتيجة روعة
https://www.djelfa.info/vb/showthread…C7%E1%E1%E6%D2