السلام عليكم
من فظلكم ساعدوووووني
أنا العام هذا خلصصت ليسونس إعلام آلي و الحمد لله . نقرى في جامعة سطيف و للأسف وين نقرى يهزو غير 40 للماستار من 180 بسبب قلة الأساتذة
ما دخلتش للراترباج طول و معدلي العام تاع 3 سنوت هو 12.55 ممكن يعطيوني الماستار بصح منيش حابة GL أنا حابة réseaux أو أي حاجة أخرى مليحة
حابة نعرف spécialité لي كانين و وكتا يبداو التسجيلات و هل هناك إمكانية يعطيوني نقرا في قسسنطينة أو أن معدلي ما يسمحليش
السلام عليكم ورحمة الله تعالى وبركاته
انا مقريش فقسنطينة مي بلاك نفيدك شوفي اختي معدلك راهو هايل ما عندو ما خصو ومنين تروحي يقبلوك بصح والله فقسنطينة اكي بلاك سمعتي العام الي جاز هوما تاعهم وما قبلوهومش مي نتي جربي حظك ولش خسرتي احنا العام الي جاز رحنا حطينا تم ما قبلوناش حتى دوسي غير بسيف على خاطرش جينا من مركز جامعي محسوب ما راناش جزايريين وحنا الي يقريونا كامل دكاترا وبروفيسور مي واش تحبي ……المهم التسجيلات حتى تبدا نرمالمو كي لعادة فسبتمبر وانتم عندكم وقتاش يبداو التسجيلات ؟ فيما يخص التخصصات ادخلي لهذا الرابط تاع الحامعة تاعهم تلقاي واش تحبي https://umc.edu.dz/ اي استفسار راني هنا
سلام أنا أدرس بـ قسنطينة العام القادم ان شاء الله سنة ثالثة STIC ( Sciences et technologies d information et communication) و هو اختصاص réseaux او شبكات
بالنسبة للتسجيلات الماستر ليس عندي فكرة لكن شوفي موقع الكلية لمزيد من المعلومات https://www.univ-constantine2.dz/facntic/
مشكورة أختي ranim كيما قلتي أنا نجرب و ان شاء الله يقبلوني
النسبة لسطيف التسجيلات فسبتمبر تاني بصح كاين جامعات يسجلو فجويلية كيما البرج مثلا
ختي أنت درك وين راكي تقراي !!!
شكراا أخيalgeriano ان شاء لله يقبلوني عندكم و من فضلك كن تسمع أي خبر على التسجيلات قلي
|
المشاركة الأصلية كتبت بواسطة ساجدة لربي
 و عليكم السلام عليكم ورحمة الله وبركاته
مشكورة أختي ranim كيما قلتي أنا نجرب و ان شاء الله يقبلوني النسبة لسطيف التسجيلات فسبتمبر تاني بصح كاين جامعات يسجلو فجويلية كيما البرج مثلا ختي أنت درك وين راكي تقراي !!! |
راني قعدة فالدار كملت العام الي فات ههههههه ان شاء الله العام هادا رايحة نكمل لقرايا باسكو العام الي جاز ما قبوناش ماستر ومين حنا ماجابوش جابو 20 وحنا كنا في 95 les post bzaf قريت ف annex ta3 stif li fi mila
|
المشاركة الأصلية كتبت بواسطة ساجدة لربي
شكراا أخيalgeriano ان شاء لله يقبلوني عندكم و من فضلك كن تسمع أي خبر على التسجيلات قلي
|
ان شاء الله أخت ،،، و بسنبة كبرة التسجلات راه ف سبتمبر
تحية طيبة وَبعد:
شخصيًا، قمت بوضع ملفي على مستوى إدارة الإعلام الآلي بجامعة سطيف 1، تم استدعائي بعدها لإجراء مقابلة شفوية، تمت المقابلة بنجاح، ليتم قبولي في الماستر تحت تخصص rsd.
ملاحظة:
العام الماضي تم نشر إعلان على مستوى إدارة الإعلام الآلي بأنَّ عملية وضع الملفات ستكون من 25 أوت 2024 إلى غاية 5 سبتمبر 2024.
بعد حديث شخصي مع رئيس إدارة الإعلام الآلي (الذي قد تم تغييره حاليًا) في يوم 25 أوت 2024 بعد أن كانت أبواب الجامعة مغلقة، وَبعد أن صارت مناوشات بيننا وَبين الأعوان المتواجدين عند البوابة الرئيسية، حيث تم السَّماح لَنَا بالدُّخول بصعوبة، أجابنا بأن السكرتارية لا تعمل في الحين، وَسيتم تأجيل الأمور إلى الفاتح من سبتمبر، حتى تبدأ التسجيلات في الفاتح من سبتمبر 2024 إلى غاية 05 سبتمبر 2024.
وَفَّقكم الله لِمَا تُحِبُّونَهُ وَيَرضاه.
sami bett
9edah lazem la moyenne bach ye9eblo !!
|
المشاركة الأصلية كتبت بواسطة ساجدة لربي
السلام عليكم
من فظلكم ساعدوووووني أنا العام هذا خلصصت ليسونس إعلام آلي و الحمد لله . نقرى في جامعة سطيف و للأسف وين نقرى يهزو غير 40 للماستار من 180 بسبب قلة الأساتذة ما دخلتش للراترباج طول و معدلي العام تاع 3 سنوت هو 12.55 ممكن يعطيوني الماستار بصح منيش حابة GL أنا حابة réseaux أو أي حاجة أخرى مليحة حابة نعرف spécialité لي كانين و وكتا يبداو التسجيلات و هل هناك إمكانية يعطيوني نقرا في قسسنطينة أو أن معدلي ما يسمحليش |
و عليكم السلام
انت جربي و شوفي و ان شاء الله يقبلوا
كيما حنا تخصص stic ام يقولوا يحوسوا العام الجاي يقبلو 15 لي من الجامعات الاخرى
بالتوفيق
تحية طيبة، وَبعد:
كانت من بين الشروط المنصوص عليها:
1- عدم اقحام نسب الدورات الثانية والسَّنَوات المعادة في الحسبان، يعني كيف الي فات للراتراباج كيف الي ما فاتش، كيف الي عاود عامو كيف الي ما عاودش، ماكانش النسبة المعتادة في الحساب 0.9 أو 0.8 أو أي شيء آخر (تختلف من جامعة إلى أخرى).
2- عدم الأخذ بعين الإعتبار أي فروقات بين طلبة الجامعة الأصليين وطلبة الجامعات الأخرى (نفس الحظوظ بينهم).
3- لا يمكن لأي شخص وضع ملف المترشح الخاص به إلاَّ إذا كان معدل ترتيبه يفوق 10.50.
4- تمَّ حساب معدل الترتيب كالآتي: معدل السداسيات الخَمْس والسداسي الأخير دون نقطة مشروع نهاية الدراسة مضروب في 0.8 مُضَاف إليه نقطة مشروع نهاية الدراسة مضروبة في 0.2.
5- تَمَّ إعلان النتائج للمترشحين المقبولين بِصِفَة أولية، مع إعلان المرفوضين وَسبب الرَّفض (نُقص في الملف أو إعادة التسجيل للمرة بعد الأولى، أو بسبب مُعَدَّل ترتيب أصغر من 10.50),
6- تم استدعاء الطلبة لإجراء امتحان شفوي.
7- بعد إجراء الإمتحان الشفوي، تم إعلان نتائج الإمتحان، مصحوبة بالنتائج النهائية للقبول في الماستر مع قائمة احتياط.
8- تم قبول العدد المنصوص عليه حسب عدد مقاعد الماستر المتوفرة.
9- تمت تلبية رغبات طلب التخصص للطلبة الـ 30 الأوائل,
أتمنَّى أن أكون قد أفدتكم وَلَو بالقليل.
وَفَّقكم الله لِمَا تُحِبُّونَهُ وَيَرضاه.
|
المشاركة الأصلية كتبت بواسطة sami bett
الأخت اميرة الابتسامة،
تحية طيبة، وَبعد: كانت من بين الشروط المنصوص عليها: أتمنَّى أن أكون قد أفدتكم وَلَو بالقليل. وَفَّقكم الله لِمَا تُحِبُّونَهُ وَيَرضاه. |
بارك الله فيك
لقراية في سطيف مليحة شوي من جانب الاساتدة ؟ والاختصاصات الموجودة ؟
بالنسبة للدراسة في سطيف، من عدة نواحي:
من ناحية الأساتذة: ما شاء الله عليهم، يعني الأغلبية (وَأقول الأغلبية) ربي يبارك.
من ناحية التخصصات: كاينة RSD (Réseaux et Systèmes Distribués) و GL (Génie Logiciel)))
شخصيًا، درست RSD، تخصص ما شاء الله، أمَّا عن GL فرأيي الشخصي فيها أنَّو: لست مهتَمًا بِهَذَا المجال (يَغْلُبُ عليه جَو الحِفظ).
ملاحظة: في السداسي الأول تكون الدِّراسة جذع مشترك بين RSD وَ GL، مَعَ العِلم أنَّ الثلاثين الأوائل المقبولين من المترشحين قاموا باختيار تخصص RSD، سوى بعض الأشخاص (لست مُتَأكِّدًا لكن أعتقد أن عددهم 2 أو 3 فقط).
من ناحية النِّقاط: بكل صرَاحة من الصَّعب وَليس من المستحيل أن يتحصل الطَّالب على نقطة.
قالها لَنَا أحد الأساتذة، وَيقصد الجامعات بصفة عامة والماستر بصفة خاصة:
Le principe dans les universités n’est pas d’intelligence, mais du travail.
وَبِصراحة، كلامُهُ في مَحَلِّه، فالعَمَل ثُمَّ العَمَل.
وَفَّقكم الله لِمَا تُحِبُّونَهُ وَيَرضاه.
وَفَّقك الله
بارك الله فيكم