هذا اول موضوع ليا أخواتي و بغيت نشارككم بطريقتي في تحضير الدجاج في الفرن
أولا نحتاج الى :
دجاجة أو أي قطع من الدجاج يكون عندك
حبة طماطم كبيرة أو زوج حبات صغار
حبة بصل
راس ثوم
ورقات رند
زعتر ملح فلفل اسود
ملعقة كبيرة عسل
عصير نصف ليمونة
ثلاث ملاعق كبار زيت
كأس و نصف ماء
بعدما تنقي الدجاج و تنحيله الجلد و تغسليه مليييييح بالماء و الخل ديريه يقطر و حضري التتبيلة
في صحن حطي الملح الفلفل الأسود الزيت العسل عصير الليمون الزعتر و خلطي
هاذو المراحل ما صورتهش لأنهم باينين
من جهة اخرى تكوني قطعتي الدجاج حطيه فالتتبيلة خلطيه مليح بيديك و خليه يتشرب لبعض الوقت و قد ما تخليه فيها يزيد يتشرب و يجي بنين
في وعاء غامق ديري البصل مقطع شرائح و الثوم كذلك مقطع شرائح و الطماطم مقطعة قطع كبيرة شوية أو إذا كانت عندك تومات سوغيز قطعيها الى نصفين كيما درت انا تبلي بالملح و الفلفل ما تكثر يش خاطرش الدجاج راه متبل بيهم
حطي نصف خليط البصل و الثوم في صينية الفرن و ستفي فوقه قطع الدجاج و أوراق الرند و زيدي النصف الثاني من خليط البصل انا خلطت كلشي في اناء واحد قبل ما نديرهم فالصينية و فرغي غير بالشوية الماء في جهة من الصينية يعني ما تسقيش بيه الدجاج باش ما يفقدش النكهات
غطي مليييح بورق الألمنيوم و ادخلي للفرن يكون مسخن مسبقا على أقصى درجة و بعد ربع ساعة نقصيله الى 220 درجة و خليه يطيب و مرة على مرة اسقيه بالصلصة تاعه و مين تعرفيه بلي طاب يعني تقريبا بعد ساعة و ربع أو ساعة و نصف نحيله ورق الألمنيوم و خليه يزيد يتحمر و عسيه باش ما ينحرقش
تقدري تقدميه مع بطاطا فريت أو روز أو فطر كيما انا و تاني تقدري تديري معاه فالصينية بطاطا مقطعة انا ما درتش
راه بنته خطيييييرة ممممم جربوه راح يعجبكم بزاااااف
انشالله تعجبكم الوصفة و الى اللقاء في وصفات اخرى بإذن الله من مطبخ ليزابال
دعوة خير في ظهر الغيب بزاف عليا
الله يعطيك الصحة برافوووووووو
رووووووووووووووعة يعطيك الصحة
سلمت يداك أخية
ماشاءالله شهيتينا على صباح ربي
يعطيك الصحة
يعطيك الصحة ليزابيل اممممممممممممممم يشهي
يعطيك الصحة ليزابيل يشهي
يعطيك الصحة ليزابيل تبان تشهي
انشاء الله نجربها
اممممممممممممممممم هايل واكيد من يديك بنين تسلمي
هايل ليزابيل وطبخك الكل راهو مميز
لعقوبة لوصفات اخرين بارك الله فيك
امممممممممممممم يشهي يعطيك الصحة
صباااااح الانوااااار
شكراااااا حبيباتي على المجاملة و التشجيع و فعلاااااا ذوقه رهيييييب ههههه حوحو
نورتن موضوعي يا غاليات الله يحفظكم
امممممممممم اليزابل عزيزتي دجاج محمر على الكيف امممممممم
بارك الله فيك ويعطيك الصحه
يعطيك الصحة
مممممم يبان لذيذ يعطيك الصحة حنونة و زيدي أتحفينا بأطباقك لأنها ممممممم لاتقاوم