إبنة أخي عندها شهر و 25 يوم منذ أن ولدت لكنها ضعيفة جدا مثل اللحظة التي ولدت فيها لم تتغير ترضع أمه طبيعي و بدأنا نساعدها قبل نومها في الليل بالزبدة طبيعية مع شوية سكر رطب و لكن لم تزيد و قالو لنا بإمكانك أن لها صفار بيض نيء مع شوية زيت زيتون و سكر رطب لأنه يقوي لعظم فما رأيكم بهذا و ماهي نصائح التي تعطوني إياها مع علم أننا أخذناها إلى الطبيب و قال كل شيء طبيعي فيها
هل حليب الأم كافي لتغذيتها ، ممكن مراهيش تشبع و لا حليب الأم خفيف ، أنصحك بالحليب الإصطناعي بيوميل + مفيد جدا في حالتها على الأقل قارورة واحدة بالليل عندما تريد أن تنام .
لا تخافي عليها بما أنو الطبيب قالكم عادي . ربي يشفيها ان شاء الله
| و لكن لم تزيد و قالو لنا بإمكانك أن لها صفار بيض نيء مع شوية زيت زيتون و سكر رطب لأنه يقوي لعظم فما رأيكم بهذا و ماهي نصائح التي تعطوني إياها مع علم أننا أخذناها إلى الطبيب و قال كل شيء طبيعي فيها |
سؤال للأمهات
هل صفار البيض ني وزيت الزيتون وسكر ارطب لرضيع عمره شهرين يناسبه ؟
|
المشاركة الأصلية كتبت بواسطة أيمن عبد الله
 سؤال للأمهات
هل صفار البيض ني وزيت الزيتون وسكر ارطب لرضيع عمره شهرين يناسبه ؟ |
اختي الكريمة انا كان عند ابني 15 يوم اين قامت جدته بإطعامه الزبدة وصار عنده اسهال حاد ولما اخ>ته لطبيبة الأطفال صارخت تصرخ في وتقول لي هل تعتقدين ان كبده او مرارته قادرتان على هضم الدهون ونصحتني ان اعطيه الحليب فقط او التمر ونصحتني بعدم اطعامه الماء والسكر خاصة السكر وانا اعتقد انه حتى وان كان زيت الزيتون بكمية قليلة قد يناسبه لأنني بصراحة كنت اعطي ابني قطرتين كل يوم وما صار عنده اية مضاعفات لكن السكر والزبدة حتى لو كانت طبيعية مضرة….السكر والملح عند الكثير من الأطباء يسمون بالسم الأبيض لأن فيهما الكثير من المضار فكيف بطفل صغير عمره شهرين انا اقترح ان تغير الى التمر
يااااااااااااااااااااااااا اختى كيفاش تعطيه الزبدة لا لا ما تعطوه واااااااااااااااااالو صدرها فقط ما ديرولهاش السوسات و هتمو بيها اكثر يعنى غير تفيق ترضعها ما شى شرط حتى تبكى و تشوفى كى تولى
المهم ما تعطوها وااااااااالو نهاءيا راه خطر عليها
اختي ربي يهديكم تمدو للرضيع زبدة وصفار بيض ني كي يبدأ يأكل ولازم يكون طايب مليح فما بالك مادام الطبيبة قالت كل شيء طبيعي خلاص داخلولها حليب الاصطناعي باش تهز روحها
اختي الرضيع يحتاج النقاء و ترضعوه كثر من 8 مرات فاليوم لانو ترضع طبيعي و اذا ضعيفة عاونوها بحليب القرعة و الزبدة و السكر رايحين يتخموها نتي جربي كولي الزبدة و السكر و قوليلي اذا تقدري تزيدي تاكلي حاجة و نصيحة برك ماتسمعوش كلام الناس لانهم ماشاء الله يدبرو حالة و هوما مايعرفو والو كيفاش يقولولكم مدولها صفار البيض ني؟الله يهدي ما خلق و نصيحة من غير الحليب ماتخلطوش فيها برك اتهلاو فيها و دوشولها و بدلولها و لازم ترضعها بزاف
ربي يحفضها يا رب
ماشاء الله على العلماء صفار بيض و زبدة و سكر رطب الكبير يضروه خلي بيبي شهرين
انا ابني لما ولد وزن2كيلو اعطيته حليب صدري و بيوميل كنت نعمله بماء الارز و نسقيه تيزانة مع منقوع تمر
و الان ما شاء الله عليه دبدوب
المهم ما تكونش مريضة اما الضعف عادي جدا كل الاطفال يمر عليهم ربي يحفظها
خلعتيني ! زبدة سكر بيض واشي هدا !؟ خاصة البيض النيئ راه يسبب مشاكل من بعد منها الحساسية
ياختي عاونوها بلحليب
ماتشوفييش لولاد اللي يرضعو إصطناعي هداك لحليب راه ينفخ برك
عكس اللي يرضعو طبيعي راهم يكبارو بالشويه وبصحتهم ماش نفخ برك
ولا شوفي لوالديها لعادو طوال يجيو ولاهم طوال ولا عادو العكس وهي رايحة
واش رايكم في حليب فرانس لي
زبدة سكر زيت زيتون مدروش بهم هذا خطر امتسمعيش لهدرت اللعجايز تع هنا بكري كنا نمدو و ووووو انصحك بحليب اصطناعي prébiomil او pre aptamil هذا حليب خاص بالاطفال خديج و لنقصين في الوزن اقل من 3kg200
3 علب يكفوها حتى ترفد روحها ان شاء الله بعدها تبدا حليب عادي 0 الى6اشهر biomil او aptamil هدوا ملاح nurcie يسبب امساك عن تجربة
|
المشاركة الأصلية كتبت بواسطة منى27
إبنة أخي عندها شهر و 25 يوم منذ أن ولدت لكنها ضعيفة جدا مثل اللحظة التي ولدت فيها لم تتغير ترضع أمه طبيعي و بدأنا نساعدها قبل نومها في الليل بالزبدة طبيعية مع شوية سكر رطب و لكن لم تزيد و قالو لنا بإمكانك أن لها صفار بيض نيء مع شوية زيت زيتون و سكر رطب لأنه يقوي لعظم فما رأيكم بهذا و ماهي نصائح التي تعطوني إياها مع علم أننا أخذناها إلى الطبيب و قال كل شيء طبيعي فيها
|
يااختي خدمي عقلك شوي الله يهديكم البيض نئ يضر الكبار كيفاش رضيع عنده شهرين والزبدة واحد كبير يأكل يدوخ
حتى الملح والسكر مايصلحش لانه الكبد والكلى تاعهم مازال مايقدروش يصفوا هاد الشي
مادام الطبيب يقولكم عادي علاش تتفيهموا والله غي عجب علاش تقارنوا دائماً مع ولاد الناس كل واحد كيفاش يتربى
عاونيها بالحليب وشوفي كيفاش راح تنتفخ قاع لي يرضعوا القرعة منتفخين بصح نهار يحسبوا الرضاعة ينفشوا
والله غي عجب
سمحولي اختي على هاد الرد بصح والله مخي حبس
يا اختي ربي يهديكم سكر وزبدة ياخي راه غير السكر والماء مش لازم تكثريلها باه ميحكموهاش لغاوات وانت دريلها سكر وزبدة ياخي راهم يوصلو 4 و5 شهور ومنجو نوكلوهم حتان نموتو وراهم وزيد راه الطفل الصغير لازمو غير حليب الام هو الي ينفعو واذا كانت الام معندهاش لحليب بزاف تعاونو بحليب القوطي مرو او 2 في النهار ربي يحفضهالكم ان شاء الله متكثرولهاش التمرقيس ومتخذوش راي الناس مدام الطبيبة قالت لباس عليها خلاص وكان جات شاكة غير في حاجة وكان راكم تجرو بالتحاليل ربي يحفضها
يا الهى صفار بيض واش هاذا ترضعها طبيعى واذا مكفاتش تزيدلها حليب اصطناعى
الله يهديكم سكر و زبدة و بيض لمولودة جديدة حبيتو تقتلوها انا وليدي عمره عام وضعيف و ما عطيتلوش هكذا اشياء سقسو قبل ما تهلكو اولادكم