السلام عليكم
ليوم جبتلكم وصفة تاع بريوش وجربتها وحبيت نحطهالكم …. ماعلاباليش ادا كانوا حطوها من قبل او لا ….
متضحكوش عليا هادي اول مرة نحط وصفة 
المقـــادير :
1 كغ فرينة + 20 غ ملح .150 غ سكر .. 60 غ بودة حليب .. 3 بيضات ,, 25 غ خميرة الخبز .. 150 غ زبدة ,,
1/2 ل ماء + بيضة للدهن
نحطو الفرينة + بودرة الحليب + السكر + الخميرة في اناء ( انا استعملت البيتران )
ثم نضيف الملح + البيض
ونلموها بالماء الدافيء تدريجيا ونعجنوها
ثم نقطعوا العجينة و نحطو داخلها الزبدة بهذه الطريقة
نغلقها ونعجن مرة ثانية جيدا
وخليها تخمر الى ان يتضاعف حجمها
وبعد ما تخمر انزعي منها الغازات واصنعي 3 حرابيش لازم يجو شوي رقاق ونضفرهم
ونقطعها الى قطع و ندهنوها ببيضة مخفوقة و نرش فوقها السكر ونخليها تخمر شوي
وندخلها الفرن على درجة 220 درجة
وهدا شكلها النهائي 
قبلااااتي
مممم باين هايل ويعطيك الصحة
مقدرتش نقرأ الوصفة الكتابة خرجتلي مخربشة
امممممممممممممممممممممم حتىانا درتو وجا يهبل مشكورة
خبز هايل يعطيك الصحه حنونه حاولي تصغري الصور كبيرة جدا وشكرا
ماشاء الله راكي فحله نستعرف بيك وبريوش هاايل
مشكورة اختي
……………….مشكورة اختي
bayen mlih ya3tik sa7a
شكـــٍرا ع المروك يا حلوييييين
فرحتووني ربي يفرحكم
بارك الله فيك هايل
بارك الله فيك يعطيك الصحة كنت نستني فيه
السطايفيات كل صبع بصنعة ما شاء الله يعطيك الصحة يا staifia
تبارك الله ربي يعطيك الصحة