ما رأيكم إخــواني و أخــواتي في جــمع أكــبر عدد للأمــثال الـــشـــعـــبية بـــمخــتــلف اللــهــجــات الــجـــزائــرية أنـــا أنتظـــر ردودكـــم و هــا أنا ذا أبدأ بأول مثل
اللي زرب لــكَـــسَـــرْتُـــو يَـــاكُـــلْـــهـــا عــجـــين
و مــــعــنــاهــا كـــل شيئ في وقـــتـــو حـــلــو
القرد في عيم يماه غزال
فكرة جميلة
***حسبتها كرمة وفيها الكرموص ..طلعت خربة وفيها الناموس ***
***اللي حبنا نحبوه ونديروه فوق الرس عمامة ..واللي كرهنا نكرهوه حتى ليوم القيامة ***
***كي كان عايش شتهى عنبة وكي مات علقولو عنقود***
***المال يجيب المال والقمل يجيب الصيبان ***
1-خير الماكلة ما احضر وخير اللبسة ما ستر وخير الاسماء محمد خير كل البشر …واضح جدا
2- كول واش يعجبك ولبس مايعجب الناس بمعنى الاءكل المناسب للحفاض على الصحة واللباس مثل الناس الذين تعيش معهم حتى لا تكون مشبوه بينهم
3- لتلقاه راكب فوق خشبة قولو امبارك الفرس بمعنى لا تدخل في ما لا يعنبيك
|
المشاركة الأصلية كتبت بواسطة خديجة حنان
 فكرة جميلة
***حسبتها كرمة وفيها الكرموص ..طلعت خربة وفيها الناموس *** ***اللي حبنا نحبوه ونديروه فوق الرس عمامة ..واللي كرهنا نكرهوه حتى ليوم القيامة *** ***كي كان عايش شتهى عنبة وكي مات علقولو عنقود*** ***المال يجيب المال والقمل يجيب الصيبان *** |
والله يعـــطــيــك الــصــحــة يا خـــتـــي
|
المشاركة الأصلية كتبت بواسطة ليلى المستغانمية
1-خير الماكلة ما احضر وخير اللبسة ما ستر وخير الاسماء محمد خير كل البشر …واضح جدا
2- كول واش يعجبك ولبس مايعجب الناس بمعنى الاءكل المناسب للحفاض على الصحة واللباس مثل الناس الذين تعيش معهم حتى لا تكون مشبوه بينهم 3- لتلقاه راكب فوق خشبة قولو امبارك الفرس بمعنى لا تدخل في ما لا يعنبيك |
شـــكــرا أخــتــي أمـــثــال أول مرة أســـمـــع بــهــا
المسافرة ف الطريق تلاقيك بالعدو و الصديق
و يقولوا
العقون دعاويه ف قلبه و ما تفهمه غير امه
امثااااااااااااااااااااااال رائعةةةةةةةةةةةةةةةةةةةةةةةةةةةةة
الشر ما يظلمش ويعرف ناسو فالشتاء يقول بردت وفالصيف يكثر نعاسو
الحر حر والخدمة ما تضر
يدي ويد القابلة جا الصبي اعور
رضيت بيك يا الهم ما رضيت بيا بيتك عند راسي صبحت عند رجلي
سبع صنايع والبخت ضايع
انا نشكيلها بالعقر و هي تقولي قداش ولادك
بمعنا انا اشتكي لها من شيءما عنديش و هي تقول قداش عندك او سلفيهلي
ربي هناني و العبد بلاني
يعني حاجة ما نحبهاش ما مدهاليش ربي و العبد مدهالي
رقد وفاق لقى روحو فالزقاق
يعني كان ماشي داير حساب للدنيا و كي فاق طفر الوقت ما لقاش كيفاش يصلح غلطتو