السلام عليكم
أنا أريد مساعدتكن جميعا
حباباتي حابة طريقة بنينة في تحضير البشامال
متخيبونيش الله يخليكم
السلام عليكم اختي نعطيك طريقتي في البيشامال
ندير زوج ملعق زبده وأربعة ملعق زيت مع ستة ملعق فرينه تذوبي الزبدة. وبعد تضيفي الزيت وتضيفي الفرينه وكأس حليب وتخليه فوق النار وتخلطي بالضراب ووتخليه تخثار بعد تضيفي الحليب حسب انت وش تحبي ثقيل ولا جاريه متخفيش مديرش كريات تجيك صافي
دير ملعق صغير او ملعق كبير في القادير المهم تبعي اذا حاب كمي كبير ديري ملعق كبير والعكس
شكرا أختي بارك الله فيك جزاك الله كل خير والله ألف شكر
طريقتي انا
ندير
نص لتر حليب 3 مغارف كبار فرينة ,ملح, فلفل لكحل , سنة ثوم نرابيها مليح واحيانا نقص من الملح وندير شوية جومبو تجي بنينة
ونخلطهم مليح مليح باردين من بعد نحطهم فوق النار ونبدا نخلط من بعد غير يبدا يسخن الخليط نزيد زوج مغارف كبار زبدة تذوب بعقلها ونكمل نخلط حتان تعقاد واذا حبيتيها جارية شوية نقصي في المغارف نتاع الفرينة
عودة ميمونة لختي مونية
نعطيك طريقتي اولا نجط مقدار ملعقة زبدة و نحط معاها مقدار 3 او 2 ملاعق كبار فرينة و نخلط فوق نار متوسطة باش يتحمص الفرينة و من بعد نضيف كمية قليلة من الحليب و نخلط و نزيد كمية اخرة حتى تتحل الفرينة مع الحليب و متكلكعش و من بعد نحط مقدار الجليب الباقي كاس واحد و باش تجيك بنينو حطي نصف مكعب جونبو دجاج و استمري بالتحريك دون التوقف حتى يتماسك المزيج و يثقال
انا بصراحة اكتفي بنصف مكعب جونبو دون اي اضافات اخرى لا ملح و لا فلفل اسود و اذا عندك جوزة الطيب حطي رشة
جربيها و ادعيلي
أنا ندير ملعقة و نص زبدة مع زوج مكعبات فرماج كيري ولا مثلثات نذوبهم و نزيد عليهم الفرينة ممكن 3أو 4 ملاعق نخليهم حتى ينشفوا مليح و ندير الحليب كيما نحب ساعات نديرها تقيلة و ساعات خفيفة و أكيد شوية قفلفل أسود و ملح و تجي بنتها هايلة
اليكم طريقتي في عمل البشمال وصدقوني راح يجيكم كانه فرماج بنته لا تقاوم
كل ربع لتر حليب ملعقة اكل معمرة مليح فرينة
تحلي الفرينة في الحليب البارد وتحطي علي النار مع التحريك حتي تخثار نحيها من النار ضيفي الفرماج روج واضفت بودرة الثوم والفلفل الاسود او الابيض والكركم يعطيه لون اصفرجميل وشوية ملح خاطر الفرماج مالح
حركي الخليط ثم اضيفي الزبدة وحركي مليح وعندك اشهي بشمال
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
كيما متفاهمين ادا عجبتكم دعوة خير حتي في قلوبكم ولكم بالمثل حبيباتي
https://www.djelfa.info/vb/showthread.php?t=1322230