أريد الزواج فهل أنا مخطئة؟ 2024.

السلام عليكم إخواني أخواتي أريد أن أطرح عليكم قصتي ونبهوني إن كنت مخطئة، أنا فتاة من مواليد 1980 يعني راني كبيرة وما بقاليش نزيد نكبر أكثر في دار بابا، المشكل أنه يتقدم لي خطاب والأب ربي يسمحلو ويغفرلو ما يقوليش خلاص راهو يرد في الخطاب بلا ما يقولي وأنا كنت نظن بلي واحد ما خطبني حتى لقيت بنت عمتي في مناسبة وقالتلي: علاش رفضتي فلان راهو خطبك وراهو إنسان صالح، قلتلها والله ما علابالي وكي قلت للوالدة: قالتلي مع الأول " رانا بغينا تلقاي خدمة وإذا بغيتي بعدها تتزوجي اتزوجي ، والنهار اللي بعدو قالتلي: شكون راهو يكذب عليك ويقولك في هاذ الهدرة؟ راهم يكذبو عليك يا بنتي
راني قريب نهبل، بين الوالدين وإكمالي لنصف ديني أكيد راني ما نقدرش نعايب والديا اللي رباوني وتعبو على جالي ولكن هاذي سنة الحياة ما علاباليش كيفاش نتصرف وسمعت بلي كاين واحد باغي يتقدم ليا بصح راهو خايف من رفض الوالد والله راني ما نرقدش غير نخمم راني ما بغيتش نخدم باغية نتزوج ونكون أم هذا واش راني باغية ما عندي ما ندير بالخدمة

الزواج رزق من عند لله اصبري وحاولي تعرفي اسباب الحقيقية لرفض ابوك حاولي تقولي لبنت عمك توصل للخاطب السابق انك لستى على علم ممكن يرجع حاولي تفجري موضوع في المنزل بطريقة مهذبة ممكن ربي يجيب الخير

الله يهدي والديك والله ظلموك ….. لكن انت قولي راني ما نيش حابا نخدم راني حابا نتزوج واندير عائلة ….. وربي يهديهم ان شاء الله

السلام عليكم
الاخت صبرينة نصيحتي اليك هي
خلي والديك ديما راضيين عليك و من المستحيل ان والديك ميحبولكش الخير و رفضهم لهؤلاء الخطاب لالنهم كانوا عارفين بلي ميخرجوش عليك لوكان شافو فيهم ناس تاع خير كانوا يقبلوا عادي. المهم ادعي ربي سبحانو و اصبري و صلي صلاة الاستخارة و الله يحفظك .

شكرا لك أخي على الرد الخاطب السابق راهو خطب وقريب يتزوج وأنا ما نقدرش نثير الموضوع مرة أخرى لأني ندمت لما أثرت الموضوع أول مرة مع والدتي

شكرا لكم على الرد أشكركم من خالص فؤادي وربي يجيب اللي فيه الخير

صدقينني اختي لو تدعي الى الله ان يسهل لك الزواج و برضا والديك في نفس الوقت سيستجيب لك الله بادن الله فهو خير ملجأ و انا لو كنت مكانك لحاولت كدلك اقناع امي فالام عاطفية و يمكن ان تؤثر عليها و ادا اقنعتها هي بانك لا تريدين خدمة بل الزواج ستقنع هي اباك بهدا الامر انا عند دعاء جيد للزواج لكني لا يمكن ان اعطيه لك بل لا توجد طريقة لدلك انشاء الله يا ربي يتحل المشكل تيعك في اقرب وقت

اقتباس:

المشاركة الأصلية كتبت بواسطة جوهرة العدالة صدقينني اختي لو تدعي الى الله ان يسهل لك الزواج و برضا والديك في نفس الوقت سيستجيب لك الله بادن الله فهو خير ملجأ و انا لو كنت مكانك لحاولت كدلك اقناع امي فالام عاطفية و يمكن ان تؤثر عليها و ادا اقنعتها هي بانك لا تريدين خدمة بل الزواج ستقنع هي اباك بهدا الامر انا عند دعاء جيد للزواج لكني لا يمكن ان اعطيه لك بل لا توجد طريقة لدلك انشاء الله يا ربي يتحل المشكل تيعك في اقرب وقت

شكرا أختي على الرد سبق أن أثرت الموضوع مع والدتي وندمت أشد الندم لذلك وأنا لا أستطيع أن أثيره الآن معها والدتي عجوز كبيرة ولآ أستطيع أن أناقشها كثيرا

[quote= انا عند دعاء جيد للزواج لكني لا يمكن ان اعطيه لك بل لا توجد طريقة لدلك [/quote]

كوني عادلة بالفعل ياجوهرة و اكتبي هذا الدعاء هنا لتستفيد منه صبرينة و جميـــــــــــــــــــــــــــــع البنات

اللهم اصلح أحوال المسلمين

اختي صبرينة

انا نعطيك حل مُستحيل تفشلي فيه

بنفس نبرة الحُزن و الكآبة اللي كتبتي بيها الموضوع

ارفعي يديك لله عز و جل

و اشتكي ليه

و ابكي

بالصح بشرط

تكوني موقنة يقينا

باللي ربي يفتح عليك

صدقيني يا اختي

ادعي ربي

ليس بنية تجريب الله او اختباره عز و جل

و لكن بنية ان الله كريم و يكرمك بالتاكيد

اصدقي الله يصدقك يا اختي

و الله انا هكذا اتعامل مع ربي

لم اطلبه يوما وخيبني

ربي لا يخيب العبد الذي يدعوه بصدق

ابكي

ابكي لله

في الصباح تأكدي

ستكون المُشكلة قد حُلّت

اصدقي الله يصدقك

وعليكم السلام ورحمة الله وبركاته
اختى الكريمه انا سمعت فى درس دينى لاحد الشيوخ ان الاهل الىبيرفضوا اى شاب متدين وكويس لبنتهم بحجج واهيه بياخدوا ذنب كبير على ده لانهم بيحرموها حقها فى الحياه
وانتى بنفسك قلتى انك مش صغيره وخايفه العمر يضيع

وربنا يكتبلك الخير ويوفقك ياااااارب

يا صبرينة الوالدان قد يخطئان فعلا لكن قلبيهما طيبان جدا .. قومي بإضراب عن الطعام … تظاهري بالمرض … وكان الله معك لأن ّ قضيتك عادلة و ربّ يهدي الوالدين و يخليهم لك يا رب

سلام …………….. و إلى أن نسمع خبر انتصارك و زواجك يا عفيفة

اقتباس:

المشاركة الأصلية كتبت بواسطة zorro__dz السلام عليكم ربما الاب يعرف هذا الشخص ويرى انه لا يصلح يكون زوجاً لابنته على كل حاااال اعطيك فكرة او خطة حاولي ان تجسديها على الاقل لتعرفي رد فعل الاب إذا كان تعرفي الشخص هذا يعني من أين هو حاولي الإتصال بإخته واستفسري هل حقاً قصدكم للخطبة وإن تأكدي حاولي ان توصلي الكلام للام كأن تقولي لامك اتصلت بي صديقتي وقالت انهم سوف يأتون لخطبتي عن قريب بعدها سوف تلاحظين ردت فعل الأب !!! ربي يقدر الخير

شكرا أخي على الرد الخاطب السابق راهو خطب وقريب يتزوج وكاين خاطب آخر راهو خايف يتقدم ويرفضوه وهاذ الأمر صرحتلي بيه أخته لأنها من طرحت علي الأمر وأرادت معرفة رأيي في أخيها وأنا أجبتها أن رأيي من راي والدي وأنا راني مانيش مقتنعة بيه بزاف علاش راهو متخوف من رفض أبي؟

اقتباس:

المشاركة الأصلية كتبت بواسطة صبريـنة السلام عليكم إخواني أخواتي أريد أن أطرح عليكم قصتي ونبهوني إن كنت مخطئة، أنا فتاة من مواليد 1980 يعني راني كبيرة وما بقاليش نزيد نكبر أكثر في دار بابا، المشكل أنه يتقدم لي خطاب والأب ربي يسمحلو ويغفرلو ما يقوليش خلاص راهو يرد في الخطاب بلا ما يقولي وأنا كنت نظن بلي واحد ما خطبني حتى لقيت بنت عمتي في مناسبة وقالتلي: علاش رفضتي فلان راهو خطبك وراهو إنسان صالح، قلتلها والله ما علابالي وكي قلت للوالدة: قالتلي مع الأول " رانا بغينا تلقاي خدمة وإذا بغيتي بعدها تتزوجي اتزوجي ، والنهار اللي بعدو قالتلي: شكون راهو يكذب عليك ويقولك في هاذ الهدرة؟ راهم يكذبو عليك يا بنتي راني قريب نهبل، بين الوالدين وإكمالي لنصف ديني أكيد راني ما نقدرش نعايب والديا اللي رباوني وتعبو على جالي ولكن هاذي سنة الحياة ما علاباليش كيفاش نتصرف وسمعت بلي كاين واحد باغي يتقدم ليا بصح راهو خايف من رفض الوالد والله راني ما نرقدش غير نخمم راني ما بغيتش نخدم باغية نتزوج ونكون أم هذا واش راني باغية ما عندي ما ندير بالخدمة

بارك الله فيك أختي يا ريت الفتيات كلهم مثلك أنت من طينة طيبة

اقتباس:

المشاركة الأصلية كتبت بواسطة *الفتى الصغير* اختي صبرينة انا نعطيك حل مُستحيل تفشلي فيه بنفس نبرة الحُزن و الكآبة اللي كتبتي بيها الموضوع ارفعي يديك لله عز و جل و اشتكي ليه و ابكي بالصح بشرط تكوني موقنة يقينا باللي ربي يفتح عليك صدقيني يا اختي ادعي ربي ليس بنية تجريب الله او اختباره عز و جل و لكن بنية ان الله كريم و يكرمك بالتاكيد اصدقي الله يصدقك يا اختي و الله انا هكذا اتعامل مع ربي لم اطلبه يوما وخيبني ربي لا يخيب العبد الذي يدعوه بصدق ابكي ابكي لله في الصباح تأكدي ستكون المُشكلة قد حُلّت اصدقي الله يصدقك

شكرا أخي على نصيحتك التي تثقل بالذهب الصافي وراني نعمل بيها، تأكد بأني دائمة الدعاء لله سبحانه وتعالى أن يسترني في بيت زوج صالح أرعاه ويرعاني أنا وكل فتاة مسلمة ترجو ذلك اللهم استر جميع بنات المسلمين في بيوت أزواج صالحين وقدرنا على تربية أبنائنا تربية صالحة كما ربانا أولياؤنا آمين يارب العالمين